صور خطييييرة للرئيس الإيراني أحمدي نجاد

[زيطه زمبليطه]

أنا خايف بعد شويه حد يحط صور لغاندي ويقول يا عيني عالتواضع ويترحم عليه

وطبعا ده لأننا إتعلمنا ياولاد أن طويل العمر لازم يكون مستولي على كل حاجه في البلد من بترول وغاز طبيعي ومصادر الدخل المختلفه وبعدين يقسم براحته

زي ما الأسد قسم الغنائم بينه وبين الذئب والتعلب في الحكايه اللي حكيتهالكو قبل كده

الموضوع ده فكرني بخبر كنا في مصر بنتداوله من فتره قصيره على سبيل النكته
وهو إنتحار مسؤول ياباني كبير في الدوله لأن المسؤول وجهت له تهمه في الفساد وطبعا الراجل يا عيني ضميره انبه كتير وما استحملش عذاب الضمير فراح انتحر فساعتها
والنكته ان التحقيقات اثبتت ان المسؤول ده كان نضيف وصفحته بيضا والكلام اللي طلع عليه وتسبب في انتحاره كان مجرد اشاعات

طبعا لما كنت مع صحابي واحنا بنتداول الخبر قلتلهم يا جماعه اكيد المسؤول ده كان يا عيني رفيع نحيف يعني لأن عذاب الضمير لا يمكن أن يخترق كرشة طويل العمر