اخي صالح
انا بجاوب على الاسئلة اللي طرحتها مع انك ماجاوبت على اسئلتي
اول شي سوآلك عن اني كيف استدليت انك شيعي؟
اقولك لو ترجع لموضوع الامامة تلقى انك كاتب فيه فنحن الشيعة .......الخ
على فكرة ترى ماقريت الموضوع كامل لانه طويل مرة لكن على العموم اذا حصل سوء فهم مني فانا اسف
ثاني شي لما وضحت اني ابغا التفاهم يكون بينا بدون استعراض للعضلات لاني لقيتك تناقشني بمواضيع انا معك فيها وموضحها في موضوعي
فالنقاش اللي مفروض يكون بينا محدد وهو بالنسبة لي اني ابغا السبب اللي خلاك تحرم الديمقراطية بغض النظر انها مصطلح غربي مع اني اشوف ان اول من استعملها المسلمون,وانا موضحلك الفكر السياسي الاسلامي الشرعي يعني ماله داعي تناقشني فيه ونطول السالفة وهي قصيرة لان صراحة انا كتابتي بطيئة وامل من كثرة الكتابة بدون فايدة فالخلاف بينا .بسيط لانه مجرداختلاف في المصطلحات وليس في الافكار
لاني لو قلت بدل الديمقراطية في الاسلام المشاركة الشعبية في الاسلام ما كنت عارضتني مع ان المعنى واحد الا اذا كنت فاهم الديمقراطية بشكل ثاني فهذي مشكلتك
على العموم انا منتظر ردك على الاسئلة اللي المفروض انا نناقشها وشكرا
|