ده ايه النور ده ايه الجمال ده
وأخيرن رجعت الخيمه بعد الغياب واتجمعو الأصحاب
مش تنفع مطع اغنيه
الاخت اللي رئت الخيمه فكرتني بمراتي
اصل مراتي بيركبها دايمن وسواس اسمه العين
ودامن بتشتكي وتقلي يا زيطه انا عاوزه ازازة زيت مئري عليها من عند الحج عرفه اصله سره باتع
وتعد تؤلي عن الوليه امو صلاح جارتها جابت الازازه بميتين جنيه وكل يوم بتدهن منها واهي من يوم ما جابتها وهي زي الحصان
نسيت اولكو امو صلاح ده ولي ارشانه وعنده يجي تسعميت سنه
انا طمعا لما الوليه مراتي جابت سيرة الميتين جنيه قلنلها ميتين عفريت لما يركبوكي
ازازة ايه اللي بميتين جنيه دي والله ياجماعه الحكايه مش بخل ولا حاجه لكن عصر الرخاء الاقتصادي اللي احنا عيشينه يحتم على الواحد انو يتنازل عن حجات كتيره بس يعيش
المهم الوليه مراتي اعدت تعيط واتؤلي ايو كده اظهر على حئيئتك وبان انتا عاوزني اموت عشان يخلالك الجو وتتجوز مئصوفة الرئبه البت بتاعة عربية الكشري اللي في اخر الحاره
وانا الها يا وليه هو اللي يعيش معاكي يجيله نفس للنسوان اصلا
حاجه تئرف صحيح
المهم انا عشان اخلص من ارفها ونكدها جاتلي خطه جهنميه رحت اشتريت ازازة زيت ام جنيه وربع من عن الواد عبده البئال عالنوته طبعا
وفتحتها ودلئت منها شويه ورحت البيت وناديت على مراتي التلها اهو الزيت المئري عليه من الحج برعي زات نفسه
والوليه ما كدبتشي خبر وهاتك يا دهن وهاتك يا دعاوي ليه طبعا ربنا ما يحرمنيش منك يا سبعي ربنا يخليك لشبابك
وهما يومين والوليه ولا كان فيها اي حاجه
المهم مراتي لسه مخبيه ازازة الزيت المئري عليه من عند الواد عبده البئال
تحبو اجيب شويه ندهن بيهم الخيمه