السلام عليكم ورحمة الله
عندي موقف مدري مضحك مدري محرج
المهم انه موقف تقدر توقف سيارتك لو انها تريله
اليوم طلعت من البيت العصر ورحت لاحد المنتجعات
عاد معسل وعصير وحركات مسوي فيها سياحه
المهم طلعت من هناك وركبت السياره الددسن موديل 1723
وجيتك ماشي الوضع طبيعي والامن مستتب بعد اقل من 30 ثانيه (حاسبها حساب)
الا وفيه واحد ياشر بالنور من وراي واناظر المرايه والقاه الظهار اذا ان عيوني ما قامت تخربط فهو عسكري في دوريه كان الشارع زحمه وما قدرت اوقف الا بعد مسافه وفي الوقت اللي كنت ادور فيه موقف طالعت المرايه وشفت العسكري قاعد يربط الحزام
وقفت وجا العسكري قال لي رخصه واستماره قلت ولا يهمك وعطيته اللي يبيه وقال لي ليه ما تربط الحزام قلت توني طالع ما امداني اتحرك الا وانت تاشر لي بعدين على فكره ترى انت ما كنت رابط الحزام(ابتسامه صفراء في النهايه)
طالع فيني وقال وهو شاحب الوجه انا توني طلعت من الموقف قلت وانا وش قلت لك؟؟
حسيت انه انحرج الضعيف
بعدين عطاني الرخصه والاستماره وراح
وانا رحت مبسوط من عمري ومن الكفشه اللي كفشت فيها الرجال
ومن اول ما ركبت ربطت الحزام على طول
سلام