أطياف الأمل على كرسي الاعتراف

[أطياف الأمل]

أضفت ردا بخصوص كوني وزيرة الإعلام العربي ولكن أين ذهب ؟؟
سأضيف آخر لاحقا ولكن بعد أن أضيف ردا لدايم العلو

===> انقهرت ما تدري وين راح الرد!!

سنعود

[أطياف الأمل]

أخي العزيز دائم العلو

المملكه تقترب الان من الانضمام لمنظمه التجاره العالميه...ماهي فوائد ومساوئ هذا الانضمام بوجهه نظرك؟؟
(هذا السؤال مخصص عشان التاجر الجديد دايم العلو يستفيد )
بتزيد قريشات أخوي دائم العلو (( بو خالد ))
(( لا تسألني ليش هالإسم حسيته راكب عليك ))

صفي لنا يومكِ من الصباح حتى
في أيام الإجازة التي نعيشها الآن
بكل صراحه ؟؟

حسنا ..
أصحى من النوم الساعه 8 ونص .. أخلي الجوال على الـ Snooze فأصحى الساعه 9 الا خمس وعشرين دقيقه .. أقوم أغسل وجهي وأسناني طبعا .. ألبس ملابسي .. وأروح المعهد .. يبدأ الكلاس الساعه 9 وأنا أدخل الكلاس الساعه 9 ونص كيفي !!
بحياتي ما كنت غير محترمه للمواعيد بس هالمره حبيت أطلع عن عادتي ..
المهم .. الساعه 10 ونص ناخذ فتره استراحه إلى الساعه 11
بعد الساعه 11 إلى الساعه 12 ونص عندي كلاس ثاني
بعدين أرجع بيتنا ..
وأنام وأحيانا أتغدى .. بس الأغلب أنام ..
وأصحى قبل صلاة العصر .. أو مع الأذان ..
أصلي وأجلس شوي مع ماماتي .. بعدين الساعه 4 ونص لو حصلت وقت فراغ أقعد على النت شوي .. إذا في وقت رديت بالخيمه .. أو أقرا المواضيع بسرعه ..
وطبعا من بعد الساعه 5 أكيد نطلع .. مشاوير كثـــــير متجمعه ..
الساعه 11 نكون بالبيت غالبا .. أجلس أشوف تلفزيون شوي .. بعدين الساعه 12 أنشغل شوي بشغله خاصه .. بعدين أقرا كتاب أو أقرا قرآن شوي مع إني مقصرة مره هاليومين مع ربي .. إلى أذان الفجر بعدين أصلي الفجر وأروح أقعد مع أختي إلى الساعه 4 ونص أو 5 بعدين أنام
وهذا يومي باختصار ..
أتريدون يوم الإجازات ؟
فاليوم مختلف جدا .. وخصوصا بعد انتهاء المعهد

كل التحية لكم وباستعداد لإجابة أي سؤال .. ولكن بحدود اختصاصي ..

[قلم المنتدي]

السلام عليكم

ماهي طموحاتك وماهي مؤهلاتك

لك شكري وتقديري

اخوك قلــــــــم المنتدي

[أطياف الأمل]

يبدو أني لم ألاحظ هذا الرد حتى الآن .. اعتذر منك أخ قلم المنتدى ..

طموحي كطموح أي فتاه بعمري ..
نجاحي بمستقبلي .. تفوقي بدراستي .. نجاحي بتكوين بيتي وعلاقتي بزوجي.. ابداعي في تربية أولادي.. كمال وفائي لوطني.. والأهم .. الفوز بجنة ربي ..

أما مؤهلاتي .. فأعتقد أني تحدثت عنها في إجابات سابقه لي

تحياتي لك واعتذار عن التأخير..
أطياف الأمل