يا موادع .. يا الشلة القديمة .. وين جودي .. وين الخنساوي

كوكتيل · #1 18-09-2001, 03:08 PM

اللي يعرف عنهم شيء .. يعلمني
مهيب معقولة .. الانقطاع المفاجئ .. كذا

اهم شيء نطمئن عليهم .. و نعرف أنهم طيبين

رجاء .. اللي يعرف عنهم شيء .. يكتب

HONDA999 · #2 18-09-2001, 04:00 PM

هلا كوكو..(كوكو والا كويك ميل)<==مستانس على مطاعم الشرقية

المهم والله من ناحية جودي فما عندي عنها اي خلفيه..اسئل بومبا عنها(بلش بعمره بومبا)
ومن ناحية الخنساوي فأعتقد انه في الآونه الاخيره تعرض لحالة اختطاف ويبي يرجع بعد مدة
,,,
عساك فهمت شي يابعد حيي
طيب ما سئلت عن عجيب الغريب

موادع · #3 18-09-2001, 07:18 PM

هلا كوكو <<==== ماعاقت مشاها
والله الخنساوي على حد علمي يمر في أزمه انترنتيه بحته

الله يكون في عونه ... بس تراه يتابعنا عن كثب جاك العلم
اما جودي فأشهد انك سبقتني لأني ناوي ارسلها رساله واشوف وش سبب هالأنقاع المُفاجئ !!
الله يرجعه بالسلامه ونشوف تفاعلهم زي اووول

تسلم اخوي كوكتيل على تواصلك الدائم وسؤالك عن أعضاء هذه الخيمه المعطاء...

بعد أذنك ياكوكو

هلا هوندا وين الغيبات ؟؟ صاير ثقيل هاليومين ماترد الا على مواضيع محددة ... المشكله ان كوكتيل ماجاب طاريك ولا طق خبرك ومع ذلك جاي وراد على الموضوع

HONDA999 · #4 19-09-2001, 06:42 AM

انت شفت ياموادع..كوكتيل ما سئل عني ولاجاب طاريي

مع اني امر بظروفي في هالسنتين<==ماله ولا شهرين مسجل ويقول سنتين

كوكتيل · #5 21-09-2001, 12:23 AM

هلا بك أخوي هوندا 999

ولله فيك الخير اللي رديت عليّ ..
الله يرجعهم ... طيبين
إلا .. منهو عجيب الغريب <== يجامله عشانه من القراين

===================================

سلمت أخوي موادع ...

طيب على الاقل .. الخنساوي .. بس يمر يسلم
ما نبي .. نتناقر معه ..
أما جودي .. فارسلت لها رساله .. بس
الظاهر أنها .. مقزّزه .. أو لقت وظيفة .. يمكن

بس تصدق أخوي موادع ..
كلمتك .. الخيمه المعطاء .. ذكرتني ببرنامج سعودي
حق شركة أرا للاعلان و الاعلام

أما اني ما سألت على هوندا ..

صدقوني أن الشلة القديمة كلهم عيون في راس
و كنهم عيالي ما أفرق بينهم <-= فضح روحه ذا الشايب
الله يجمع شملهم .. مرة ثانية