اعقلوااااا ولا ترى بكلم الراعي ينقل المخيم لمحل ثاني ..(تعالوا وخلونا نتعاهد) ممكن؟

[المنشق]

حدث عدد من الحوادث المؤسفه لمنتدى الخيام نتج عنها اختفاء عدد من أعلام المنتدىهذا وقد بلغنا من مصادرنا الخاصة انه قد تم خطف المراقبين العامين جميعا بالاضافة الى راعي الخيمه (راعي)وعدد آخر من الاعضاء الفعّالين وانهم حاليا محتجزون في استراحه تقع شرق مدينة الرياض في منطقة تسمى بالسلي .. كما بلغنا انهم يتعرضون لأشد وسائل التعذيب لكي يبوحوا بالارقام السريه الخاصه بالمنتدى ليتمكن المختطفون من اتمام سيطرتهم على مندى الخيام (جوعان عادي) او على الاقل للاعتراف بباسورداتهم الخاصه لكي يتمكن المختطفون من استخدام صلاحياتهم في الرد والتعديل .. ويقال ان جمال يعاني حالة فقدان توازن تام نتيجة التعذيب الشديد الذي تعرض له وانه حاليا مايذكر ولا اسمه وقد بحل به المختطفون بحلتن شديدة وقالوا له يوم انك الله بالخير وشو له تصير مراقب ولكن احد العالمين ببواطن الامور قال ان جمال يستهبل عليهم بس عشان يوقفون التعذيب .. اما راعي الخيمه فهو معلق حاليا بسلك كهرب مع رجوله في المروحه ومشغلين المروحه على رقم واحد ومستلمينه تمحيط بليات الكهرب حقت العماير (البرتقاليه تعرفونهن؟) وهو يصرخ بشده مايقوا لا لن تنالوها ولا على جثثنا .. نفديك يالخيام بأرواحنا وقد علمنا ايضا ان هناك تنظيما كبيرا لمظاهره كبيره من قبل الاعضاء الجدد للمطالبه باطلاق سراح المخطوفين كما انه تجري اجراءات جمع قطة لدفع فدية للمراقبين .. وقد علمنا من مصدر رفض التصريح باسمه ان دايم يحوم حاليا في سماء منطقة السلي في محاولة لتحديد الاستراحه المحتجر فيها المراقبين وذلك لنقل هذه المعلومات الى مجلس الحرب الذي تم عقده بقيادة كلن من الخواجه ابوعاصم ومهند وسقراط (تم انتخاب هذه المجموعه نظرا لحبهم للشر وباعهم الطويل في الاجرام وحرب العصابات لقيادة جيوش الخيام نحو معركة انقاذ المراقبين) كما اعلنت ساميه 51انها على استعداد لاغراق الاستراحه والخاطفين بالكامل خلال ثواني معدودات .. وانه لولا خوفها على المراقبين كان اغرقت السلي كلها من زمان للمساهمه في اطلاق سراح المراقبين ويجري حاليا تقسيم القوات تحت قيادة ألويه مختلفه كل لواء تحت قيادة أحد اعضاء مجلس الحرب هذا وقد بلغنا ان (دلوعة بابا وعاشقة سراب) يحلفن ويقسمن ويقولن :
واللي رفع سبع ونزل ست لانخليهم يندمون على كل دقيقه حجزوا فيها مراقبيننا والله لانقلب روسهم مقالي (جمع مقلاة) بيض ولانخلي الواحد منهم اذا شاف حرفين انجليزي جنب بعض تصكه النفاضه .. كلنا فداء لك با راعي.. كلنا فداء لك ياجمال .. كلنا فداء لك ياعبادي .. كلنا فداء للمراقبين .. كلنا فداء للخيام.

كما يعقد أعضاء الخيمه الادبيةاجتماعات بالغة الاهميه لتأليف عدة قصائد واختيار الاصلح منها كنشيد حماسي يتم ترديده اثناء سير الطوابير العسكريه لجيش الخيام وذلك لنشر الحماس بين الجنود .

الخيمه السياسيه يجرون حوارات عدة عن نظرية الحرب والسلم وهل الافضل الهجوم ام الانتظار وماهي نتائج كل اجراء في عمليات تنظيريه بحته ماتنفع ولابقرش هالوقت لأن هذا الوقت وقت أفعال لا أقوال.

أما خيمة الكمبيوتر فيعملون على كتابة فيروس جديد أقوى من فيروس الحب 17 مره وذلك لتسريبه الى اجهزة الخاطفين (ولو نفع روسهم) وفي تصريح قال احد اعضاء خيمة الكمبيوترانه يبي يقلب روسهم مقلاة بيض وحنا نبي نفلب اجهزتهم.
..............................................



ولهذا اطالب جميع الاخوه الاعضاء مستقبلا ... بتطنيش اي هجوم يأتيهم ولو كان هذا الهجوم شخصي ؟؟ لكي نعيش بسلام وبأمان ونتفتك عاد من هالمشاكل اللي كل شوي طالعه علينا .. ولو فكرنا فيها شوي اكتشفنا انها مال امها داعي .. ..

ايها الاخوه الاعداء .. اقصد الاعضاء ... روقوا ووسعوا صدوركم .
وخلاص خلونا كلنا نعتبر انفسنااول مره ندخل الخيمه ..

تعالوا بقولكم شي .
.
.
.
.
.
.
.
.
.
.
.

ترى وصلني خبر ان راعي الخيام ناوي يصفط خيامه وينقلها لطعس ثاني عقب هالمشاكل اللي صارت .. ..
تكفوووووون فشلووووووه ولاعاد نتهاوش علشان الرجال مايشيل الخيام ...اوكييييييييييي ؟؟؟؟؟؟؟؟؟؟؟؟

[جمال حمدان]

أولا صبحك الله بالخير يا منشقنا العزيز ولا فض فوك
ثانيا هل تعلم ماذا تعني كلمة مراقب في نظر بعض المشاركين؟
إن كنت لا تعلم فاقولها لكم بكل حزن وأسف :
مراقب = متسلط + دكتاتوري + ( علماني ) + ( صعيدي أو مجهول النسب ) + ( مداس لأقدام جميع المشاركين ) + ( خبث النية )+ ( ويل وثبور وظلم وقتل وتجني ووووو)+ (كافر أو مشكوك في دينه ونيته ) .... + ( أصدقاء يتفرجون على المراقب وكأن الأمر لا يعنيهم ).......

وهل تدري ماذا تعني كلمة ( خصم المراقب) ؟؟؟؟؟؟؟

خصم المراقب = (حمل وديع ) + ( ضحية ) + ( مظلوم ) + ( يحق له أن يلعن - سنسفيل اهل المراقب وأن يشتم عرضه ومحرماته ويشك في دينه ومذهبه ونيته وكل ما يدور حوله - ويُطلب بعدها من المراقب أن يعتذر له وأن يتحلى بسعة الصدر والحلم ) + ( ردود من بعض المشاركين الذين يقرأون نصف الموضوع أو ربعه أو ربما يشاركون بعدما يُدفن القتيل ) .....


والأن ها هو معنى المراقب الجيد ......

مراقب جيد = ( للأسف ففي إعتقادي بأنه... لم يوجد بعد !!!!!! ) فمن وجده يدلني عليه مشكورا ......

أخوكم : جمال حمدان

[المنشق]

جمال .. باديء ذي بدء ( حلوه صح ) ...


ياخي ياحبيلك ... وتصدق بالله عاد وانت كذا مكشر وزعلان شكلك رهييييييييييييب .. ههههه .. جمال ... حبيب قلبي واللة العظيم الموضوع هذا علشان نبدا صفحة جديده كلنا من اولنا لتالينا ..
علشان خاطري ارجووووووووووووووووووكم اعتبروا ان الخيمه هذا اول يوم لها واننا كنا نعرف بعض من زمان بس تجّمعنا بعد ماوصل اللي كان مسافر وبعد ماطلع اللي كان مسجون وبعد ماتزوجت العضوه وبعد ماطلعت من النفاس العضوه الثانيه وكذا يعني ّّّّ!!
وبعد ماتطلّقت العضوة الثالثه .. الخ الخ ..

ياحبيللللللللللكم تكفوووووووون خلاااااااص كل واحد يشرب كاس موية نار ويروووووق ... اقصد كاس ليمون ...
ههههههههههه دايم وجمال داري انكم تورطتوا ماتدرون وش معنى ليمون .. على العموم هذا شراب رهييييب .. واحسن شي اذا حبيتوا تشربونه طاااازج .. اشربوه من بطارية السياره على طول ... وادعولي هههههه ...

سلاااااااام ياخيمة جديده مغسولة بكلوريكس بالليمون ..
اقصد نظيفه .. هههههه

[أبو عاصم]

السلام عليكم ورحمة الله وبركاته

كيف حالك يا المنشق ... عساك بخير ... ورا ما تحدد موقعك يا قائد معركة تحرير الخيام من الخاطفين .... وإلا خايف من العدو يرسل لك صاروج ينثر اللي ما تشقق منك ؟؟؟؟ !!!

تحديد مقوعك مهم لنا نبي تسهل مهمة الاتصال بك لتنلقى توجيهاتك لبدء عملية الهجوم على الخاطفين ... وإلا ترا كلنا بنفد (الذاكرة ) أقصد بنقد الأمل في تحرير الخيام ... ومن ثم ... أنا أبفزع مع راعي الخيام وابسفطها معه .. وابقترح عليه ان ينصبها عندنا في أقرب طعس لما البحر علشان اللللللييييي يزعل يشرررررررب ماء حلوا...هههههههههه

بعدين .. ورا ما تتتتترجممممم كلمة (خواجة) ؟؟
كاهنا حلوة شكرتك على هالمدحة .... وكانها مذمة ..... شقيت باقيك يالمنشق ... ( أمزح يا منشقنا العزيز ) وسسسسسع صدرك ... وطنش ..!!

بعدين لما اصير خواجة منهو المترجم اللي بيوصل أوامركم سعادة القائد لي ... لا عسان انت تقول هجوم على الأعداء ... ,انا افكرك تقول .... هجوم على المراقبين والمختطفين ؟؟؟؟ وايروحون فيها مساكين !!!!
وبعدها نعينك مراقب على بقايا آثار الخيام !!!

أبو عاصم

[وضاح]

بسم الله الرحمن الرحيم

الهم فك قيد اسرانا..اللهم امين
وانا لله وانا اليه لاراجعون

[أبو عاصم]

آمين الله يفك أسرهم ...

لكن المشكلة قائدنا المنشق ما معه جوال ولا بيجر عشان نتصل بوه .. يعطينا توجيهاته الكريمة ... متى تبدأ ساعة الصفر !!

ان كان أحد يعرف مكانه أو هاتف ثابت له اتصلوا على قاعدة الصواريخ خلهم يدمرونه ( أقصد اتصلوا به خلوه يعجل علينا عشان ننقذهم!!)

أبو عاصم

[عمر الشادي]

اللهم فك قيد اسرانا

اللهم ءامين

بس ممكن سؤال اخي المنشق؟

هل انا من ضمن المخطوفين ام ماذا؟


------------------ اخوك الشادي

[كاشخ ومشخص]

ههههههههه اخوي المنشق ...
تسقط كل محاولاتكم اما قواتنا ....
لن نتنازل عن المخطوفين الا بعد ان تحقق جميع مطالبنــا

نعم ياعمر انت من ضمن المخطوفين لكن عندنا واحد خطفناه وبلشنا فية هو المراقب احمـد تكفون تعالوا خذوه والا ترانا نبي نجدعه براااا ...

على كل حـال حـددوا احــد منكـم نتفاوض معـه علـى مطالبنـا
شكرا .

(( كـذا صـح ؟ ))
لا ونبي نغير الاسم / ابو حجـر

[عامر العنزي ابو عبدالرحمن]

الاخ الفاضل المنشق
تحيه طيبه وبعد

انا ابي ازيد معلومه
حنا مع من يجلس على الكرسي يعني من ترجع اليه الامور بالخيمه
حنا معاه لو انت تسرق او ....الخ المهم تكون متحكم بزمام الامر
حنا معاك .

الاخ عمر الشادي يخطفونك ليش من اموالك اللي تارسه البنوك
والا من جمالك والا ضحكت سنك ... ( امزح ماتحط علي انا ناقصك
يوالله ).
والسلام.
جمال حمدان الحمدالله على السلامه
ممكن اجي خيمتكم الادبيه نشرب معاك القوه التركيه والشاي المنعنع ولك تحياتي واخلاصي .