|
.gif)
مجلة الخيمة
 حوار الخيمة
دليل المواقع
نخبة المواقع
Muslim Tents
|
|
التسكين المجاني
التسكين المدفوع
سجلات الزوار
بطاقات الخيمة
للإعلان في الخيمة
|
| الأسئلة الشائعة | قائمة الأعضاء | التقويم | البحث | مواضيع اليوم | جعل جميع المنتديات مقروءة |
|
#1
24-12-2006, 01:13 PM
|
|||
|
|||
عزير عليه السلام
عزير عليه السلام احبائى فى الله ايه رايكم نكتب لكم عن نبى ممكن كتير منا مايعرفش عنه حاجه هو عزير عليه السلام يالا نبتدى باذن الله انتم عارفين ان اليهود من يعقوب الى المسيح عليه السلام كان ربنا يرسل لهم انبياء كتير وممكن تلاته فى اليوم زى انبياء ياسين ولكن بعد سيدنا محمد ربنا مش حيرسل انبياء الى يوم القيامه انتم عارفين ليه طبعا ايه واحد بيقول مش عارف اقوله انت عارف ياسيدى ان ربنا نزل ايه جميله سمعها واحد يهودى قال لسيدنا عمر ياعمر لو الايه دى نزلت علينا لكنا اتخذنا اليوم عيدا لها وطبعا الايه هى اليوم اكملت لكم دينكم واتممت عليكم نعمتى ورضيت لكم الاسلام دينا نزلت يوم عرفه ويوم جمعه طبعا المهم عشان ما نبعدش عن موضوعنا من ضمن الانبياء اللى ربنا بعثهم لليهود عزير عليه السلام وانتم عارفين ان كل نبى يرسل لقريته مثل نوح ولوط ويونس وغيرهم ولكن الغريب هنا ان ربنا بعت عزير لقريه اخرى بعيده لا يعلم عنها شئ ولا حتى مكانها فين ولذلك نجد الايه تقول ايه او كالذى مر على قريه سيب ياعزيز اصلك وقريتك وناسك وروح لمكان تانى خالص ادعوا فيها وهنا الحلاوه انك تخرج من بيتك تدعوا ناس ماتعرفهمش وتاخد بايدهم سيدنا عزير قال حاضر يا رب ولا قال ليه يارب ما الانبياء اللى بعتهم كانوا فى قريتهم سمعا وطاعه يارب وقام مجهز اكله وحماره والعنب وباقى الفاكهه لانه مسافر مكان ما يعرفوش وربنا حدد له مكانها بالضبط وهنا نبص لسيدنا يونس ربنا قاله ادعوا قومك ولكنه ياس منهم وسابهم ومشى والنتيجه كانت انه وقع فى بطن الحوت المهم انه راح القريه اللى ربنا قاله عليها وكانت المفاجاه قريه خراب مافيهاش ناس وشوف اللفظ الربانى خاويه على عروشها انتوا عارفين عروشها يعنى ايه يعنى سقفها وبمعنى تانى الاسقف واقعه طيب انت لو مكان عزير تفكر ازاى انا الحقيقه قعدت اسال نفسى السؤال ده لو حد بعتك مكان زى ده ومالقيتش فيه ناس تقول عليه ايه؟وتفكر ازاى ترجع تانى مكان ما جيت اترك لك الاجابه المهم فى الموضوع عشان ده نبى فكان عنده ثقه فى الله مدام ربنا بعته هنا يبقى حايجيب له ناس بس امتى الله اعلم عنده علم اليقين ياجماعه انى يحيى الله هذه بعد موتها انى هنا مش معناها معقوله ربنا يحيى القريه دى ولكن عزير عارف ومصدق ان ربنا حايحييها ولكن يارب عايز اشوف كيف تحيى القريه دى انا مشتاق لرؤيه عمليه الاحياء تمام زى سيدنا ابراهيم لما قال ربى ارنى كيف تحيى الموتى يعنى انا مشتاق للكيفيه هنا اقول لكم حاجه ان عزير وابراهيم عدوا مرحله علم اليقين ودخلوا مرحله عين اليقين عندهم ثقه جامده فى الله فاعطاهم عين اليقين ياتر ى احنا عندنا ثقه ان ربنا حايغير الارض اليومين دول زى وينصر الاسلام ؟ نكمل عزير دور على مكان عالى عشان يشوف عمليه الاحياء طلع على قمه جبل وربط حماره وجنبه اكله وشربه ومستنى ولكن ربنا اراد شئ تانى خالص تمام زى لما اراد المدينه لسيدنا محمد لما راح الطائف عشان فاكر ان الدعوه فيها احسن من مكه ولكن ربنا اراد المدينه لانتشار الدعوه عشان سيدنا محمد ما يفتكرش انه بمجهوده انتشرت الدعوه فى الطائف ولكن الاول اعمل مجهود وربنا يعطى بالاسباب ويعطيك المكافاءه ربنا هنا قال لعزير مش لازم تتفرج على احياء الناس فى القريه ولكن انا حاوريك ايات اخرى خالص فاماته الله مائه عام ثم بعثه قال كم لبثت قال يوما او بعض يوم يعنى حوالى ست سبع ساعات طب ازاى؟ بص على الاكل طازج زى ماهو يعنى انا نمت بعض ساعات وكلمه لم يتسنه هنا يعنى لم يتغير انتوا فاهمين الايه هنا حاجتين جنب بعض واحد يبقى عظام وواحد لم يتغير حتى طعمه بالنسبه لعزير يوم وبالنسبه للحمار بقى هيكل عظمى يعنى فعلا مائه عام الزمن عند الله يفعل بيه مايشاء يوقفه يكبره هو الباسط والقابض وتيجى ايه تانيه ولنجعلك ايه للناس اطلع بره المكان اللى انته فيه حاتلاقى القريه فيها ناس وانت مر عليك ميت سنه وايه تالته وانظر الى العظام كيف ننشزها عمليه احياء الحمار حاوريها لك انتوا عارفين ننشزها يعنى ايه الشذوذ يعنى نرجع العظام شاذ عن اللى كان فيه وشاف عزير جمع العظام وكسوته باللحم انت يا عزير كنت عايز تشوف عمليه الاحياء ايه امامك الخلاصه هنا ربنا اراه ثلاث ايات ايه الزمن ايه امتلاء القريه بالناس ايه احياء الحمار نرجع لعزبر حايرك حماره وينزل القريه فقال لهم اتسمعون عن رجا اسمه عزير قالوا نعم قال لهم انا عزير قالوا عزير مات من ميت سنه ولكن يوجد ست عجوز فقدت بصرها كانت عارفه عزير وذهبوا للعجوز ودعى الله لها وردت اليها بصرها وتعرفت على علامه تميز عزير ولكن اليهود لسه مش مقتنعين قالوا له ان التوراه قد اختفت ولا يوجد غير نسخه واحده يحفظها عزير فبدا يتلوا عليهم التوراه وامنت القريه كلها وهنا اكتملت المهمه التى ارسله الله لها منذ مائه عام وهى دعوه القريه الى الايمان بالله واشكركم على صبركم على موضوعى وسامحونى لو اطلت عليكم
__________________
|
|
#2
27-12-2006, 10:55 AM
|
|||
|
|||
|
عزير عليه السلام
السلام عليكم يا شيخ عادل
أحسنت يا شيخ عادل انك والله تملأ بعض الفراغات التي لم ينتبه اليها كثير من كتابنا الأفاضل ولك مني كل الشكر والتحيه |
|
#3
28-12-2006, 01:08 PM
|
|||
|
|||
|
شكرا اخى الكريم
بارك الله فيك وجزاك الله خير الجزاء |
|
#4
29-12-2006, 12:42 AM
|
|||
|
|||
|
إقتباس:
اياكم ان شاء الله
__________________
|
«
الموضوع السابق
|
الموضوع التالي
»
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | بحث في هذا الموضوع |
| طريقة العرض | |
النمط الخطي
|
|
