فما لبث أن جاء بعجل حنيذ.

الشيخ عادل · #1 22-12-2006, 08:02 AM

طول عمرى لما كنت بقرا أو بسمع سورة هود الأية (69

بسم الله الرحمن الرحيم

"ولقد جاءت رسلنا إبراهيم بالبشرى قالوا سلاما قال سلاما فما لبث أن جاء بعجل حنيذ"

الصراحة مكنتش بفهم إيه الموضوع؟؟؟

لغاية ما الحمدلله ربنا بعتلى واحد فهمنى الحكاية إنتوا عارفينها طبعا ؟؟

إيه!!! فى ناس مش عارفاها معقولة يا إخواننا

الحكاية بقى إن ربنا سبحانه و تعالى بعت لسيدنا إبراهيم ملكين من السماء علشان يبشروه بأولاد هيجولوا بعد ما كبر و فقد الأمل و بعد كده هيروحوا لقوم لوط يدمروا القرية بتاعتهم علشان هما قوم كافرين.

المهم مش ده الموضوع اللى عايز أتكلم فيه

لاحظتوا الحتة بتاعت "قالوا سلاما قال سلاما فما لبث " حاسين فما لبث دى بتدل على إيه ؟؟
إنه أول ما دخل الملكان دول (وكانوا فى شكل رجالة عاديين خالص) على طول بسرعة جرى....

عارفين جرى يعمل إيه ؟؟؟

"فما لبث أن جاء بعجل حنيذ" عارفين حنيذ يعنى إيه ؟؟؟

يعنى مشوى! من الأخر؟؟؟؟؟؟

متخيلين الكرم العجيب ده يا جماعة؟!!!!!!!!!!!!!!!

تخيل إتنين متعرفهومش خبطوا عليك الباب دلوقتى

أول ما فتحت قالولك السلام عليكم
.
رديت و قلت "وعليكم السلام خيييييير "

تخيل قاموا دخلوا و قعدوا هتعمل إيه ؟؟؟؟؟؟؟؟؟

البوليس طبعا .><

بلاش دى إتنين إصحابك, تعرفهم يعنى طبوا عليك من غير ميعاد :

نفس السيناريو بس من غير بوليس

و يمكن تقدملوهم شاى و لا بيبس علشان يشربوه و يادوبك ينزلوا

بلاش كل ده

اصحابك بردوا بس متفق معهم على ميعاد

إيه أخر حاجة ممكن تقدم لهم كوب من تانج

متخيلين يا جماعة اللى سيدنا إبراهيم عملوا

إتنين ميعرفهمش أول ما دخلوا قام قايم جايب عجل مشوى و مقدمهولهم
لا و حاجة كمان!!!!

مقعدش بقى طب تحبوا تشربوا حاجة(أكيد هيقولوا لأ) طب تاكلوا حاجة

(بردوا لأ)

لأ علطول قام "فما لبث أن جاء بعجل حنيذ"

كرم الضيافة فى الإسلام مهم جدا يا إخواننا ,ومهم إن إحنا نتعلم أدابه .

وحضرة النبى صلى الله عليه و سلم قال فى الحديث"...........ومن كان يؤمن بالله و اليوم الأخر فليكرم ضيفه"

فياريت يا إخواننا لو حد عنده أى أداب من أداب الزيارة أو الضيافة فى الإسلام يبقى جزاه الله خير لو قالهالنا

و يا ريت نخلى "فما لبث أن جاء بعجل حنيذ "قاعدة عامة نتبعها كل لما يجيلنا ضيف .

طب أكيد مفيش حد من المنتدى هيحاول يفكر إنه يعزمنى فى بيته بعد الموضوع اللى أنا كتبته ده

علي بن محمد بشير · #2 23-12-2006, 09:08 AM

بسم الله الرحمان الرحيم
السلام عليكم ورحمة الله
حين وجدت ان هذا الموضوع من يقرأ بعد علمت أن فيه خير ولذالك اسرعت الى قرائته
فوجدت فيه الخير المنتظر ولله الحمد فجزاك الله خيرا

الشيخ عادل · #3 24-12-2006, 10:17 AM

إقتباس:

المشاركة الأصلية بواسطة علي بن محمد بشير

بسم الله الرحمان الرحيم
السلام عليكم ورحمة الله
حين وجدت ان هذا الموضوع من يقرأ بعد علمت أن فيه خير ولذالك اسرعت الى قرائته
فوجدت فيه الخير المنتظر ولله الحمد فجزاك الله خيرا

يعنى ان شاء الله حاتستنى الضيوف زى سيدنا ابراهيم؟