هههه بنات الخيمه يلعبون كوره هههههههههههههههه( بالله تعالوا علقوا عليهم)

المنشق · #1 19-07-2000, 04:22 PM

قبل أمس جالس أفرفر في القنوات الأخباريه فقط.. ولا الأخبار الرياضيه في قناة أبوظبي اللبنانيه الفضائيه. ...
خبر عن سباق للفروسيه على ما أعتقد في الأمارات..هاليومين!!

المهم في سباق ا لنساء لمقامز الحواجز ...مشاركات من مختلف الدول العربيه والخليجيه والسعوديه...الخ

قلت أنت توحي (لواحدن جمبي)....قال: .......وشو؟
قلت وحدةٍ تطامر فوق خيل........قال:........وشو؟
مره..حرمة..بنت..(سترش)...فوق خيل في الفضاء...قال..وشو؟
..ثم استقعد على روحه ولفخني بكرتون المناديل وقال...هذولا فراخ العولبه بدت تفقس!!
""""""""""""""""""""""""

"""""""""أنتهى المقطع (من فلم العولبه ) الحائز على جايزة نوفل لسنه 2000 م

بعد لمخة الكرتون...قامت التخيلات...والخيالات ...ورىالخيل ياشقرا تروح بي وما تجي...
وطرى في بالي منتخب الحريم الوطني الأول المشارك في كاس خليجي 2009م

وقعدت أضحك وأضحك...ألين ضاق صدري بقوة.. من الحالة بعدين!!!!!!

وطرى في بالي المنتخب الأول لبنات منتدى الخيام...تحت سن 19 سنه!!!!!أيه هين!!!!!

وطرى في بالي من الكرتون الله لا يجزاه خير...مالي دخل..بكمل واللي بتضحك تضحك ماعلي منها!!!!

طرى في بالي قائمة اسماء اللاعبات..!!

(((((قائمة اسماء اللاعبات))))))
===============================

1- ....فجر.....(في حراسة المرمى)....(متخيلها دببببه)
5-في الدفاع..تقف صخرة الدفاع فيافي..4- سن رايس-وفي دكة الأحتياط تربض 13-فاطمه..والمخضرمه 16-بنت السعوديه

2- وفي الظهير الأيمن تقف الظهيره العصريه همسه......

3-وفي الظهير الأيسر توجد عايشة الكيلاني......

6-وفي منطقة المحور تقف ورده.........

-ويضبط خط إيقاع الوصط للجهه اليمنى.مهندسة الوسط المحترفه 8-الأنسة ساميه...وفي اليسار10-شيمه.. بحركتها الدائبه في خط النص. !!!

وفي المقدمه رأسة الحربه 9-دلوعة بابا(نحيفة وسريعه).و.11-عاشقة سراب( زلابه بس المدرب يقربلها)

يالله نبدأ....................

اعزائي المشاهدين اهلا ومرحبا بكم في هذا اللقاء الكروي الشيييييق !!!جدا

يصفر عمر المهنا معلنا بداية المباراة ..وتسنتر دلوعة بابا الكورة وتباصيها لعاشقة ..العاشقة ماشية بالكورة وتعدي من الاول بكبري ..ياسلالالالالالالالام برك بالارض ..
عاشقه تباصي الكورة لساميه ..وساميه تقول لاتباصين لي وجع برضع ولدي قاعد يصيح..وتهون.وتباصيها لشيمه وشيمه ماشية بالكورة وماسكة بيدها زبيرية ..ويخش عليها دايم .. الللللللللللللة ياشيمه لزختة مع علباتة بالزبيرية ...وتقول كانك ولد امك قرب ...شيمه تناظر في زميلاتها وتلعب كورة عرضية قدام لدلوعة بابا ..والمدلعة بلشت بعمرها فيونكتها طاحت على عيونها ...ومير تشيلها وتستلم الكورة على الصدر ..الللللللللة وتشووووووووووووووت وترتطم الكورة بالقائم وترجع ..وتستقبلها ورده..وساميه تصارخ عليها شوووووووووووتي ..... وتقولها لا ..عقلي قالي اباصيها لساميه.. وساميه بلشانة بديرمها طايح وتدورة بالارض ..ومير تهون وتلعبها للدلوعه.الاهي مشغولةو ماسكة محش وخيشة وتجذ الثييل وانلخمت وترد الكورة للدبدوبه فجر الاهي فالة البخاري وماغير ضرررررب بالرز ..وتناديها همسه دبدوووبة امسكي الكورة ... وتناظر في الكورة ببروووووود رهيييييب وتقول في نفسها لابوكم لابو فريقكم يالدردعان واللة يانا بقوم بعد ...يبيلي يومين استعد الخلا بس .. وتتهادى الكورة وتمشي تمشي ...لكن؟؟؟؟؟؟؟؟
.
..
.
.
.
.
.
..
.
تعبت كملوا

----------------
وأترك لكم تختارون نوعية التعليق...ولاتنسون رابطة المشجعات....ولاتنسون تختارون وحدة تصارخ أثناء اللعب ...تقول يا خيام...ياخيام...بأقوى شي عندها...زي ذاك الرجال...اللي يقول يا هـــــــلال ....يا هــــــلال!!!!

واذا محد فيكم وده يعلق.. يعلمني وانا اكمل وامري لله

عاشقة سراب · #2 19-07-2000, 05:36 PM

نعم نعم نعم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا ما اعرف اعلق بس اذا حبيت رايي00
انا اقول ان احنا كنا نتبادل الكورة(روح التعاون وانا اختك)
وكنت انا اللي ماسكتها00اقصد اشوتها
الا يدخل علينا ذاك الشريطي اللي ماسك ثوبه بأسنانه
قال قال معجب فيني
واقوم لك واصكه ذاك الصقعة بالكورة اللي طيرته للمريخ
كخخخخخخخ
وتصدق انه ما استسلم
يبيني اوقع لة على فراشة000قمت قلت له
شمعنى فراشك؟؟
قال عشاني احبك وابي فراشي يبرد بسرعة
وانام وانا بردان
تدري ايش وقعت لة؟
ثلـــــــــــــــــــــج
كخخخخخخخخخخخخخخخخخخخخخخخخخخخخخ
وبعدين انتهت المباراة بفوزنا
تعال مين الفريق الخصم؟؟؟
اكيد انتوا صح؟؟
المهم
صباح الخير عليك
ومبروك الفوز لنا
كخخخخخخخخخخخخخخخخخخخخخخخخخخخخخخخ
تدري كم النتيجة؟
1000مقابل 1 عشان ما تزعلون خليناكم تسجلون هدف عن خاطركم
طبعا لصالحنا ال 1000هدف
باي
عاشقة سراب الهدافة
شريرة 7

Hadia · #3 20-07-2000, 05:19 AM

وش فيك يالمنشق؟؟
الظاهر خرفت
انا ابي اكمل التعليق
المشكلة ملقيت الفريق الثاني
هم يلعبون مع الهوا
انت قلي مين اللاعبين في الفريق الثاني
وانا مستعدة اساعدك
واكمل التعليق
مع السلامةمن
هدهد المعلقة الجديدة

سامية51 · #4 20-07-2000, 11:44 AM

اجل البنات داخلين مع بزارينهم !!! على كذا مسموح دخول المغاتير وبترامس القهوه والشاهي ومن باب اولى وجود شغالاتهم..
كمل لافض بوئك.....

الشدفى · #5 20-07-2000, 02:06 PM

بسم الله الرحمن اللرحيم
بعد اذن الشباب ليش البنات مايلعبن كوره والا غيرها ليش اهي مالها رب مو مشكله اذا ركبت الخيل والا شاتت الكوره احنا نحب الشهرة مثل ما نتم تحبونها يالشباب ........
تحياتي الشدفى

سامية51 · #6 20-07-2000, 02:16 PM

اختى الشدفى
!!!!!!!!!!!!!!!
من جد تبغين البنت تلعب كوره وتلبس الشورت قدام خلق الله ؟؟
مااعتقد انه تم الاكتفاء من ناحية وجود المدربات وحكمات او حتى وجود ملاعب تخص النساء....
عسى ما ينقص علينا الا الكوره والشهره وانا اختك وافضل اننا نبقى قطاع خاص اجمل بالف مره من وحده وكانها شركه مساهمه لكل من هب ودب...والا وش رايك؟؟

Hadia · #7 20-07-2000, 02:50 PM

وش فيها يا سامية لو البنت لعبت كورة

أنا و صديقاتي منضمين لنادي لكرة القدم

والعبة كثير حلوة

صدقيني و جربي

و ما راح تندمي

هادية الهدهودة

سامية51 · #8 20-07-2000, 03:03 PM

ياحبيبت ئلبي يا هاديه انا ماني معترضه على الكوره او اي هوايه ثانيه ..بس اختنا الشدفى قالت الشهره يعني جمهور وطبعا ما حددت منهم الجمهور والشهره يبيلها جرايد وهذا يتطلب نزع الحجاب الاسلامي وهنا النقطه الي انا معترضه عليها وعلى فكره انا كنت منظمه لفريق كليتي ايام الجامعه بس كان الوضع مناسب صالات مغلقه ولعبات محددة مثل سله و طائره ويد والحمدلله دائماً كنا نجيب المركز الثالث من ثلاث فرق طبعاً ولا وصلنا الى الشهره او ماشابه ذلك ولكن انبسط كثير بشهادات التقدير الي كانوا يعطونا اياها الجامعه والميدليات البرونزيه وانتهت الشغله هوايه بس ما اضيع مشيتي ومشيت الحمامه علشان يقال عني متطوره فهمتيني؟؟؟

yassin · #9 20-07-2000, 03:09 PM

الله عليك يا سامية....الله يحفظك يا اختاه
الله ينور عليك
تثبتين يوما بعد يوم انك تستحقين الاحترام الكبير الذي نكنه لك
واصلي
الناي ياسين

سامية51 · #10 20-07-2000, 03:16 PM

اخي ياسين جزاك الله خيراً صدقني الشعور متبادل .