أاخت جديدة ليين الحين بقراطيسي و اقول لأعضاء المنتدى مرحبا

[امل]

اول شي احب اقول لكم اني فرحانة وايد لاني بينكم وثاني شي اتمنى انكم تقبلوني اخت جديدة … ثالث شي و بكل صراحة انه صارلي بس يومين من تعرفت على هذا الموقع وبصراحة عجبني وايد وايد و هذا الي خلاني اشترك … و عجبتني كل المواضيع
وأقول ل (شيوووووووووووومة ،،، جمال،،، دايم ،،، فراس ،،، المنشق ،،، ياسين ،،، ودلوعة ابوها ،،، شروق ،،، عبدالله ،،، مهند ،،، الوردة ،،، سامية51 ،،، عاشقة سراب ،،، عاشق سراب،،، فيافي ،،،فجر ) ولكل الموجودين في هذا المنتدى وعذرا لمن لم اذكر اسمه دمتم لهذا المنتدى ولنا ويعطيكم العافية واقول للاخوة (دايم و المنشق و جمال) انكم احلى ثلاثي واتمنى اني اسمع اكثر عن مغامراتكم وخاصة في ما يتعلق بالمنشق والفندق بصراحة عجبني اسم الفندق يا ترى من اللي اختار اسم الفندق؟؟

اسمعوا الحين بعض اللي قلته في مقابلتي مع شيوووومة،،، دايم ،،، المنشق،،، وجمال (طبعاهذا كله حلم في حلم) بس على شرط لا تزعلون وخذوها بروح رياضية
نبدأ مع المنشق

اخي المنشق تعال عندي لك شي (شيووووووووووومة و جمال ودايم) عن الرزة …في كلام خاص بيني و بين المنشق لا ترزووون وجوهكم
المنشق عطني اذنك عشان ما يسمعونا الملاقيف اللي بالي بالك
ولا اقولك خلاص ما ني قايلة لك شي لاني اخاف انك تغلط وتوديني في داهية من اول يوم … خلاص لا تزعل تعال اقولك … بس هاا عن تخبر حد الموضوع خطير انزل تحت شوي
_
_أقول ولا ما أقول …… اقول ولا ما اقول ….. شو رايكم اقوووووووووول
_
_
_
_
_
_خلاص بقوووووووووووووول
_
_
_
_
_ اممممممممممممم شوا رايك انت يالمنشق اقول؟؟!!
_
_
_
_
_هدي اعصابك شوي شوي علينا مو من اولها ترى والله ازعل منك وما اقولك
_
_
_
_
_اسمع هذه النكتة عشان تهدا اعصابك
_
_
_سمعتها؟؟ شو رايك حلوة صح
_
_
اسمع

_لا تسكت عن حقك اقصد لا تسكت على اللي يقوله جمال و دايم عنك تراهم ناويين على نية شينة و الله اعلم بس بصراحة انا سمعت انهم ناويين يحطون قنبلة نووية في سيارتك هذا اذا كان عندك سيارة والحين تلقاهم في المختبر قاعدين يجهزون القنبلة تعرف ليش سمعت من مصادر موثوقة انهم ميتيين من القهر على الكلام اللي قلته عنهم يوم زاروا السعودية… تستاهل انت اللي عاطنهم وجه المفروض توريهم العين الحمرة من اول يوم … بس اقوول شو يعني (شريطي)… على فكرة حلوة سالفة المطار مع دايم وجمال والله انك عرفت ترد عليهم…
الحين روح ونادلي اللي اسمها شيووووووووووووومة قول لها اني انتظرها و انت طالع لا تنسى تقفل الباب في وجهك اقصد وراك وقول للسكرتيرة نبوية تجهز العصير لشيووووووووومة لا تنسى تقول لها تجهز عصير فرش مو عصير تانج ولا تنسى الثلج مثل ما تعرف الدنيا حر ولازم نرحم شيووووووووومة هذه شيووووووووووووومة مو حيا الله وحدة و بعدين عشان ما يزعل علينا السيد جمال باشا ودايم افندي والباقين ويقولون ما عندنا كرم الضيافة … اسمح لنا ما شربناك شي … لا قهوة لولا شاي ولا حتى عصير بس بما انك مستعجل سامحناك هذي المرة بس المرة الجاية لازم تشرب شي اوكي

اهلا شيووومة نورت المكان والله انا من زمان كنت ناوية اتعرف عليك… بس اتعرفيين ظروف الشغل و الشركة …اقوووول بصراحة انت عجبتيني و انا يوم اقرا كتاباتك امووووووت من الضحك … على فكرة حلو يوم تنادين السيد جمال باشا (عمووووو جمال) لهذه الدرحة كبير في السن و لا انت صغيرة… .. شو رايك اناديه (جدووووووووو جمااال) و في شي ثاني اتمنى اني اعرف عنك اكثر هذا اذا ما كان عندك مانع هااااااا شو قلتي موافقة اكيد بتوافقيين وما ترفضين لي طلب ….. فرحتيني
اقوووووووووول شيووووومة حبيبتي ……. شو رايك نكوّن ثلاثي و نتحدى الثلاثي (جدوووووو جمال باشا و دايم افندي و العمدة المنشق)
بس منوا بتكون الثالثة ………. اذا وافقتي بنعلن في المنتدي عن الحزب الجديد و بنعلن عن رغبتنا في عضو ثالث …. ولا اقوووووول يكفي انا وانت شوا رايك؟

الحين يالله دور جدووووووووو جمال باشا فليتفضل …. افتحوااااااااا الباب للسيد جمال

يالله شيووووووووومة ليش قاعدة خلاص انتهت المقابلة وشربت العصير شوا قاعدة تتريين بعد يالله سيري …. شوا ما سمعتك ممكن تعيدين اللي قلتيه …. تبغين عصير شوا فاتحيين كافتيريا … يالله برا اشوف عطيناك وجه زيادة عن اللزوم صج ما تنعطون وجه لا تنسيين الباب اقصد تقفليين الباب مو تفهميين غلط وتوديين الباب بيتكم ترى مشترين الباب بفلووس مو ببلاش يالله ورينا عرض كتافك

هلا والله هلا شوا الاخبار يا حمال اقصد جمال باشا … اسفة والله الظاهر اني بديت اخرف شوي لا تلومني اللي يشوف وجه المنشق وشيووووووومة معذوور اقوووووووول جمال ارحموا المسكين المنشق والله انكم ضحكتووني خاصة يوم سافرتوا القاهرة بس عاد مو لهذه الدرحة انا قابلت المنشق مثل ما تعرف بس باين في وجهه البراءة بس المفرووض تحمدوون ربكم ان المنشق كان وياكم لولاه ما كنت كتبت شي في المنتدى ولا كنا سمعنا شي عن سفراتكم ومغامراتكم …
المهم هذا كل اللي عندي الحين واذا تذكرت شي انشاء الله بقولك عاد لا تنسانا نبي نضحك شوي صار لنا فترة ما ضحكنا … على فكرة ذاك اليوم كنت قاعدة اقرا عن سفرتكم للقاهرة والله اني مت من الضحك وكنت ساعتها قاعدة اشرب بيبسي تصدق اني ما قدرت اكمل البيبسي من الضحك يالله اتمنى لكم التوفيق اسمح لنا ما طلبنا لك عصير … البرتقال خلص من كثر ما سويناه عصير لشيووووووووومة عاد انت اعتبر نفسك انك شربت العصير لانه شيووووووووووومة قالت انه مو زين لك العصير الطازج واللي فيه سكر ….. خلاص يا عم ولا تزعل الحين بقول للفراش يشتري لك عصير لاكنور اللي بدون سكر ….
هنا وعافيه خلصت … اطلب لك واحد ثاني ولا كافي …. مو كافي يعني اطلب واحد ثاني
(بيني وبين نفسي (حشا يا ليتني ما عزمتهم فقروني كانهم اول مرة يشوفون عصير في حياتهم … كانهم طالعين من صحراء))
و هذا العصير رقم 44 الظاهر انه ما راح يطلع من المكتب ليين مايشرف دايم افندي ادري فيهم ماشاء الله عليهم ملاقيف و بقوووة بعد بس انا ماراح اسكت لاني اذا سكت بيسوون فيني مثل المسكين المنشق بس انا بوريهم العين الحمرة والخضرة والصفرة من الحيين (حشا مو عيون اشارة مرور) … شوا رايكم اسوي فيه مثل ما سويت في المنشق وشيوووووووومة ولا اكلمه باحترام بس اخاف اكلمه باحترام يركب على راسي يالله اللي فيها فيها …. اقول جمال باشا مو كأنك مصختها… ليين متى بتقعد انا وراي ناس واعمال وبعدين لا تنسى اني لين الحين ما كلمت دايم افندي والباقين لين الحين والسبب انت يعني لو تكرمت ممكن تعطيني المجال اني اشوف البقية وتطلع برا من غير مطرود … واذا تبغي عصير انا طرشت الفراش يشتري كرتون عصير توديه وياك البيت … مع الف سلامة …
الووووووو نبوية خلي دايم افندي يتفضل …

وعلكيم السلام
بيني وبين نفسي (انشاء الله ما يطلع مثلهم)
اقول دايم شوا هذا الدم الخفيف اللي عندك ماشاء الله عليك (شوي شوي لا تطيح ضروسك من الضحك) عاد انا عندي فقر دم ممكن تتبرع لي شوي من دمك … ولا يهمك بدفع لك عشان ما تقول شحاته … وعشان يزيد دمك انا بطلب لك عصير طماطم هاا شو قلت … ادري انك بتقول لي لازم انا اللي اشرب العصير عشان يزيد الدم عندي بس انا ما احب عصير الطماط … وانا بخليك انت تشرب عشان يزيد الدم عندك وتعطيني من دمك … شفت افكاري … قووول ما شاء الله … لا تضربني بعين توديني القاع … انتوا يالثلاثي ينخاف منكم
اقووووووووول دايم افندي انا عندي اقتراح عاد مادري اذا كنت بتوافق عليه ولا لأ
شوا رايك انت تتبرع لي بشوية دم وانا بتبرع لك بشوية افكار؟
يالله اختار واحد من الاثنين
موافق
غير موافق….. لماذا؟
اقوووول دايم اتحفنا بكتاباتك وارحم من في الارض يرحمك من في السماء اظنك فهمت قصدي (المنشق)


ما اقول غير الله يعين المنشق على جمال و دايم والله يعين جمال ودايم على المنشق قولووووووا وراي آآآآآآآآآمييييييييييييييييين

نبوييييييييييييية لحقيني اطلبي كل سيارات الاسعاف اللي في الدولة

كأني طولت عليكم بس انشاء الله ما نمتوا على الكيبورد وانتوا تقروون اللي انا كتبته
سامحوني اذا كنت غلطت عليكم بس بصراحة حبيتكم وحبيت اني اشارك وياكم عاد انشاء الله تاخذون اللي كتبته بروح رياضية واذا أي واحد زعل انا اسفة واتمنى انكم تعتبروني اخت لكم
جمال …. شيوووووووووووومة …. المنشق ….. دايم لا تزعلوون مني اوكي
اعضاء المنتدى الباقين المرة القادمة دوركم فاستعدوا
اختكم امل