تنبيه هام للجميع ‍؟؟

[موادع]

السلام عليكم ...
موضوعي هذا جاء خلفً للمواضيع اللي تقفلت اليوم وكانت أكثر من موضوعين <<==== بيكبر المسأله وهي كلها ثلاث مواضيع


أول شي حبيت انبه عن نقطه هامه .. وسبق اني نبهت عنها مراراً وتكراراً ... وهي المواضيع الخاصه ... ياجماعه اي موضوع خاص بأي عضو ..سواءً شكوى او تعديل او حذف او أيً كان .. وماله أي صله بالرياضه .. رجائي الخاص انه يكون في صندوق رسائلي الخاص ...

الشي الثاني وهو المهاترات والزعاق والمهاوش اللي صاير في المنتدى وهو مو شي جديد ... يصير بين فتره وفتره ( الله يذكر حواس بالخير ) ..
هالأشياء اللي صايره اكتشفت ان السبب الرئيسي <<===== حشى صار دخان !! ... ان السبب الرئيسي هو دخول اخوننا الكويتين في الأعتراض بأكثر من رأي على المنتخب السعودي ... ورغم اني كنت اشوف هالشي وأسكت الا اني كنت متوقع انها وجه نظر لا اقل ولا اكثر ؟؟ لكن اللي كان في بالي غير الواقع تماماً أكتشفت ان الدعووه كلها مُعاكسه في الرأي لغرض فوضوي ‍‍!!
انا من جهتي خذت الموضوع بطابع المزح والضحك .. لكن الواضح ان الدعووه منقلبه فوق حدر بين الأعضاء الآخرين ‍‍!!

ياجماعه لازم نهدي الوضع ونخفف من هالعنصريه الزايده .. وترى كلنا اخوان وأشقاء <<==== قبله يسمعها في التلفزيون ...

خلونا من هالنقاشات اللي مامنها الا حرق الأعصاب وبس ...
والتنبيه هذا مو للقدساوي بس .. لكن للجميع .. وعلى رأسهم الأعضاء اللي دخلوا في هالنقاشات الحاده مع القدساوي وغيره ...

اتمنى ان كلامي يكون واضح ومفهوم للجميع

واتمنى اني اجني ثمار كلامي هذا بتفاعلكم معي ... وبالتصافح الأخوي المعهود من ابناء هذه الخيمه المعطاء ...

أخوكم مراقب الخيمه الرياضيه
موادع ..