وش تتذكر عن ....... أول يوم من الدراسة ..... !!!!!!!

[السلفيالمحتار]

ثاني يوم في الدراسة جبت معاي خمسة من جيراني من مدارس اخرى ,,


كانت فعلا مشكلة لانهم ما كانوا يعرفون اساميهم ,


واحد منهم كان القوس والثاني كان كمكام الهاجري

ويمكن خوختيل العتيبي

[دايم العلو]

أخوي الجارح شكرا لمشاركتك ،، بس ألحين كم صار عدد الطلاب 7 أو 8 ؟؟!!


######

السلفيالمحتار : بالنسبة لأول يوم في دراستك هههههههههههههههههههههههه
أثرك دلخ من يوم توك صغيرون ،،
والأمر الثاني أثرك سروق بعد

جزمتى رموها زباله ,,

حسافه مارموك قبلها هههههههههههههههه

[al-5ayal]

تقبل تحياتي
اخوك الجـــVIPـــارح

شكرا

[الشجاع]

اول يوم في دراستى قلت لهم تعالوا لي وخلوا فلان جارنا

يدرس معاي ليش ما يروح المدرسة اريد ابوي اريد امي

آه ه ههههههههههههههههههههههههههههههههههههههه

[دايم العلو]

وهاهي الأيام تنطوي ويمر عام
فهل نستمع ونرى من أيام الدراسة
ما نسلي به أنفسنا
من مواقف ممرنا بها


وبما أن الاختبارات على الأبواب
وتكاد تفتح البيبان وتدخل
بل قد دخلت

فهل أحد يعطينيا من مواقف الاختبارات
اللي مر بها ويتذكرها إلى الآن

يالله عطونا إللي عندكم

[أطياف الأمل]

هلا وغلا اخوي دايم
هالموضوع احبه مدري ليش
ههههههههههه
بما انه من أخر المواضيع اللي رح ارد فيها قبل الاختبارات
ودي اقول موقف حصل معي اختبار الكيمياء الفصل الدراسي الأول
مدري قلته هنا والا لأ بس بقوله عالطاري يعني

الله يسلمكم اختباري الكيمياء كان يوم الأربعاء من الإسبوع الأول
ومدري شكان عندي اختبار اليوم اللي قبله فقمت بدري أراجع الساعه 5 مدري 4
المهم ورديت من المدرسه على الساعه 10 ..فطرت وبديت اذاكر على الساعه 11
لاحظوا اني ما نمت
المهم الكيمياء طويل 8 فصول
وفي فصل أنا ابدا ما ذاكرته
==> مقره بفايده المراجعه قبل الاختبار
المهم قعدت اذاكر ولا طلعت..
جت الساعه 1 ونص انا بقى لي فصلين حق الاختبار الشهري..
وخلص جاني النوم مو قادره
الكل طبعا بالبيت نايمين..
جيت الأخت أنا حطيت الساعه ورحت نمت..
وترن الساعه وما أسمعها..
وما قمت إلا الساعه 5 ونص وأنا اللي مفروض اقوم 2 ونص!!!!
تخيلــــــــــــــــــــــــــــــــوا الموقف البايخ
وقعدت أصيح طبعا
محد قيمني قبل لأن عمري ما نمت وانا مو مخلصه
بس ربكم كاتب..
المهم جتني امي هدتني وقالت لي خلص تعوذي من ابليس وذاكري في وقت
المهم خليت السواق يوصل اخواني ويرجع لي
ما جاني الا الساعه 7 وربع
كنت تووووووووووووووووي مخلصه
طبعا كنت اذكر من النوته اللي نكتبها مع الأبله وحذفت ثلاثة ارباع الكلام
المهم وصلت المدرسه 7 ونص
دخلت القاعه 7 ونص وخمس
وانا مييييييييته خوف
والاداره يدوروني للساعه 8 يحسبوني ما جيت
تكلم المديره امي على اساس تبي تقول لها ان لو انا جيت اي وقت بتدخلني القاعه
مسكينه ما يسويها غيرها
والحمدلله جت سليمه
أخذت العلامه الكامله..
قولوا ما شاء الله
هههههههههههههههه

ان شاء الله ما يحس احد بنفس شعوري ذاك اليوم

عالعموم ادعووووووووووووووولي
والله يوفق كل طالب وطالبه في الثانويه العامه ويوفق الكل يارب

[salim3344]

لا أذكر يا ولدي ... كان ذلك في عام ألف و تسعمائة و سبعة و سبعين.

[دايم العلو]

الله يعينكم يالطلاب بعد بكرة كل واحد يجي حالق شعر راسه
عشان يستلم كتبه
واللي مايجي محلق ترى فيه نتافة شعر بنحوس عليه راسه
ونسويه خرايط
هكذا كانوا يعاملوننا إرهااااااب

[دايم العلو]

نسيت أقول
سبحان الله مر على هالموضوع سنتين بالتمام والكمال
يعني إللي كان في صف أول ابتدائي قبل العام
الحين رايح لثالث

[على رسلك]

الأخ الكريم دايم العلو... المواقف التي تحصل في أول يوم دراسي دائما يكون فيها من

الطرافة والغرابة والألم الشئ الكثير .واسمحلي أن أذكر ما حصل لي في أول يوم دراسي

عندما كنت صغيرة كنت لا ألعب إلا مع الأولاد ولا أنسجم مع البنات ..

وتوقعت أني سأكون معهم في المدرسة ..فأخبروني بأني سأكون

مع البنات فكانت أول صدمة...وفي الصباح لبست لبس المدرسة

ومشطت شعري فأجلستني أمي وربطت شعري وهذا بالنسبة لي عار

فضيحة عند الأولا د وكانت الصدمة الثانية......

أما الطامة فقد حصلت في الفصل فقد كنت نحيفة الجسم ووضعت

إلى جانب طائرة جامبو تلميذة من مخلفات السنوات الفائته ..

وكنت أنا التي بجنب الجدار ولا أستطيع المرور إلا بتصريح

وكانت البنت خبيثة رأت الخوف في وجهي وبدأت بممارسة

سلطاتها علي ومنعت منعا باتا من مغادرة طاولتي إلى آخر الدوام..

وعدت إلى البيت وأنا في غاية التعب ليس بسبب الجوع والعطش الشديدين

ولكن لإحساسي بأني سأصبح تابعه لهذه المخلوقة ........

وبعد عدة أيام من المعاناة رفضت الذهاب إلى المدرسة ولم أقول لهم عن السبب

حتى لا أصغر في عيونهم وتم نقلي إلى مدرسة أخرى وتنفست الصعداء ..

إن أول يوم دراسي أعتبرة الدخول الحقيقي للحياة بالنسبة للأطفال