دكتور شريف مع التحية

انتم هناك · #1 14-12-2002, 07:36 AM

هذه الابيات هدية من ارض الكناة الى السعودية ومنها مرة اخرى الى ارض الكنانة ..... على فكرة لقيتوا علاج لمرض الانفصام

النخلة ما بترميش رطب

أول ما نبدي القول

نقول

صلوا على .. ..

مسك الختام ميكونش قبل البسملة

آه يا بلدنا يا بلدكم يا وله ..

سور الحقيقة مطولة

لا النار بتمسك في اللي عنده هدوم ولا .. ..

النيل دليل الغرقانين ساكتين ولا .. ..

الطين ضمير العرقانين في الغيط ولا .. ..

كل (الخشوم) بتصوم – إيمان – اليوم ولا .. ..

تكبر ديوك البيت وفاضية الحوصله ..

تكبر عيال اليتم جوه المريلة

ترقص بنات الفكر فوق المنجلة

آه يا بلدكم يا بلدنا يا " بلا "

لا " البحر " قادر يطفي جوف الغلغلة

ولا حد فاهم سر حل المسألة

يا شعب صابر ع الغلا

" ما ودعك رب العباد وما قلى "

فيه ناس كتير آه يا بلد يا مطبله ..

دافنين عقولهم في الرمال زي النعام

والطفل نايم ف التراب – تحت – الزحام

بتفوت هموم ( تبصم ) في دفتر قيد ميلاد المولودين

والخلق ضاق جوه الخلق

أزمات كتير والسكة ضاقت ع الولد

والشيلة تقلت والكتاف رافضة الهدد والأزمة بتشد المدد

خدم الكبار بيهزَّؤنا ونُحْتَقَـر .. .. ..

.. .. ، ويعبوا بينا المعتقل

ناس وارتضوا نعيش محرومين

ضاق الماعون ولا فيش فضار

إن نمنا واكلين " نحمضوا "

وإن نمنا بالجوع نحمده

ولا عدنا قادرين ننهضوا

امتى اليومين دول ينقضوا !!

امتى اليومين دول ينقضوا ؟!؟

الضرب على البطن ابتدا

ومالناش ( ضهور )

وضهورنا من ضرب البطون صبحت " قفا "

شبعان تفور – زي القدر – فوق ( الكانون )

والسوس نخر عضم الكافور

وبنات ( بترفع ) صوتها في الحزن القديم

بيتنا اتنقل من بيتنا والوضع انقلب

بابنا اتورب والارض لسه بـ تُغْتَصَبْ

و لا عاد لهب يطفي الغضب

ولا غاد غضب يطفي اللهب

الغيط " نضب " والنخلة ما بترميش رطب

والبت بتلم الحطب والعصمة في إيد ( الديب )

يا شعر اوعى تغيب .. ..

.. .. وكفاية بعد سنين رجعت عرفت مين ..

.. .. سرقوا و ( مضوا )

.. .. خطفوا و ( مضوا )

ناس وارتضوا نعيش محرومين

يا خوانا خايفين ننهضوا

إمتى اليومين دول ينقضوا

إمتى اليومين دول ينـ .. .. قضوا !؟!

ملاك الشرقيه · #2 14-12-2002, 08:25 AM

هذا مكانه بقسم الترفيه
يعني لو انو ينحذف يكون افضل

ملوكه

دكتور/ شريف الباجوري · #3 14-12-2002, 11:15 AM

نقل بمعرفتي الي خيمه بوح الخاطر للاختصاص
دكتور شريف

راضية · #4 14-12-2002, 10:15 PM

جميلة جميلة جميلة بلا نقاش ..يا أخى

انتم هناك · #5 15-12-2002, 06:15 AM

شكرا راضية

مملوكة خليك بعيد وفكينا من فلسفتك ما حنا ناقصينك

دكتور يعني اهديلك قصيدة وتعاقبني بنقلها لخيمة وانا جل ما اريده ان تبقى في خيمتك

الا يكفي انني انفضحت بسبب رسائلك لي

لكن الغافقي كان على حق انت مش وجه نعمة

دكتور/ شريف الباجوري · #6 15-12-2002, 07:22 AM

انتم هناك
السلام عليكم ورحمه الله وبركاته
اولاشكرا علي ردك
ثانيا: انا لم ارسل لك اي رسائل كي افضحك او لا افضحك فجميع الاعضاء يعرفون اني اكتب في العلن وليس بي حاجه لكاتبه رسائل لفضحك
ثالثا القصيده وضعت بها جمله انفصام الشخصيه وهي تلميح لاخت غائبه فهذه اول مره ارد عليك فيها
رابعا القصائد مكانها خيمه بوح الخاطر وليس خيمه الداء و الدواء
خامسا انا فعلا مش وش نعمه
وشكرا
دكتور شريف

راضية · #7 17-12-2002, 06:46 PM

خايفة اليومين دول ينقضوا
وينَفَّضوا
كل اللى باقى من الأمل..
ماعاد لنا غير الملل..
والصبر ماعاد يحتمل..
لأ صبر أيه..
ده ذل غرقان فى السكات..
أما الحقيقة ذكريات..
القلب يصرخ فى عيون الأمنيات..
قومى بقى..
إمتى اللقا..
زهقت حياتى من زئير المشنقة..
يافجر مالك ..
هل نسيت الشقشقة..
وكمان عصافيرك عصتها الزقزقة..؟؟
إمتى بقى..
إمتى بقى..؟؟؟
إمتى نفوق من ده الكابوس..
امتى تشِفِّى يانفوس..
ونعود نرفرف بين سحابك ياسما..
والفرحة تخرج من شرانق معتمة..
الضحكة لسه مضلمة..
طعم الحياة لسه مرارة علقمة..
والمحكمة..
منصوبة بتقول( اهمدوا)..
خايفة اليومين دول ينقضوا..
خايفة اليومين دول ينقضوا..

انتم هناك · #8 17-12-2002, 07:38 PM

إقتباس:

الرسالة الأصلية كتبت بواسطة دكتور/ شريف الباجوري

ثالثا القصيده وضعت بها جمله انفصام الشخصيه وهي تلميح لاخت غائبه فهذه اول مره ارد عليك فيها

دكتور شريف

وليش خايف قل اليمامة مش انت قلتها صريح من زمان

راضية رائعة الله يرضى عليك

منال درويش · #9 18-12-2002, 02:21 AM

ازاي يومينك ينقضوا ؟1
والسهل صعبان ع الخسيس
والناس بيطحنها العجب
والسوس بينخر في الدريس
وأنا وانت يخنقنا اللهب
مبقاش ف قلب الغيط سريس
شفت البنية لما نسيت حلمها
فوق ساقية الخوف اللي طحنا عضمها
ربك مغيث ..

لما الجدار شقه النهار
عيونا عميت م السهاد
قالوا : الحكاية حلها انك تعيش
خايف وتايه ف البلاد
ومتشتكيش
لو قلت عاشق حسنها ،
دمك لها،،
قلبك لها ،،
ح تموت صريع في حبها
وايدين بتفرم لحمها ،
وانت الجدع عايز تعيش !!

يا عم طاطينا الرؤوس
مطرح ما تلقى أرضى دوس
خدها عزيزة مننا ،
اكمننا ما خدمنهاش الا بفلوس

خدها عزيزة مننا ،
الاخضر والاحمر يا ما غير ف النفوس
الناس هنا على ارضنا نسيت زمان
حفرت بايدها قبرها ،،
واتمرمغت في ايدن جبان
أصل الحكاية اننا ،
عشنا الهزيمة في حلمنا
قلنا النكت على قهرنا،
وضحكنا من غلب اللي دابوا في غلبنا
ياصبرنا ، يا ذلنا
ماتوا الولاد من قهرنا
ازاي يومينك ينقضوا ؟!!

واحنا اللي دافنينوا سوا
واحنا اللي دافنينوا سوا

راضية · #10 18-12-2002, 05:27 AM

ياربى امتى نعود ايدين تزرع حياة..
موش موت يخلف موت ويغرس ألف آه..
الفرح م الحزن انخسف..
والهم م الصبر انكسف..
وانا وانت امتى حنتنصف..
وانا وانت امتى حنتنصف..
ياريت نبطل نوم بقى..
وكفاية نكتب فى حروف متزوقة..
من برة زغرودة أمل..
لكن قلوبها صرخة هدت ميت جبل...
عضلات سطورنا بتتفرد..
تتمد فى وهم البلد..
وتقول لنا بكرة المدد..
حيشد حيل قلب الحروف..
والنملة راح تولد خروف..
بكرة نشوف..
بكرة نشوف..
لما اليومين دول ينقضوا..
لما اليومين دول ينقضوا..