مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم العام > الخيمة المفتوحة
اسم المستخدم
كلمة المرور

 
 
خيارات الموضوع بحث في هذا الموضوع طريقة العرض
  #1  
قديم 12-04-2001, 02:26 PM
twix twix غير متصل
Registered User
 
تاريخ التّسجيل: Mar 2001
المشاركات: 60
Angry لماذا يقولون لا لا لا لا لا لا لا لا لا والف لا ...........جاوبوني

في مجتمع مثل مجتمعنا يملئه الطفش والملل وجميع انواع ونكهات الزهق وش ممكن الشخص انه يسوي علموني وش يقدر يسوي اعرف ناس لما يطفشون يحطون حيلهم بالرياضه وناس يتفرجون على التلفزيون وناس ياكلون ويدخلون المطبخ ويسون جميع اصناف الاكل الحلو اللي مليان كربوهيدرات (انا من هذه الفئه)ويلا يزيد وزنهم بالدقيقه 50 مليون كيلو ولا يصير يجي شئ قدهم وما يزيد الامر الا سوء ولا واذا طلع ياكل بمطعم ولا راح السوق ما يلاقي الا المعاكسات وقله الادب من هالشباب اللى فاضين ما ادري بس وش يبون والله انا من الناس المسالمين اللى على قولتهم
الباب اللى يجي منه الريح سده واستريح
ما اطلع وكل الناس اللى في سني يستغربون اني والله ساعات اجلس كل عطله نهايه الاسبوع في البيت انا خبري بالناس اللى يستنون نهايه الاسبوع بفارغ الصبر علشان يطلعون وغيرون جو بس خلاص انا مليت مليتتتتتتتتتتتتتتتتتتت مليتتتتتتتتتتتتتتتت خلاص طفشت من نفس الروتين حاسه نفسي بنفجر وعلى قولتهم الكبت يولد الانفجار والمشكله اذا راح الواحد لعرس ولا عزيمه راح جمع ذنوب ووزع حسناته بالجمله على خلق ربي ورجع مفلس ما عندا ولا حسنه (حش بفلانه وتطنز على فلانتانه وخذوخل من المجاملات والضحكات والابتسامات الكذابه )
طيب ما فيها شئ لو الواحد طلع شوي من بيته وراح يغير جو شوي عند صاحباته (طبعا مو اي صاحبات) صاحبات موثوق منهم طيب فيها شئ ردو على وش هالعادات والتخاريف مو والتقاليد اللى يقولونها الاباء لابنائهم والله العظيم لو كل ابو وام اعطو الثقه العمياء لابنائهم كان كل احد عاش بسلام صحيح انو في كثير من الابناء يكون مشيهم في الحياه مو سويين ولا مضبوطين بس هذا يكون في حاله المراهقه بس اذا كل واحد حط عقله في راسه عرف خلاصه والكتاب يبين من عنوانه والله من رائي انا انو ما فيها شئ لو رحت شوي عند صاحبتي غيرت جو لبست من ملابسي الجديده وتكشخت وبعد ساعات رجعت بالله فيها شئ ولا لا افيدوني برايكم ليش الاباء دايما يشوفون اولادهم وخاصه بناتهم انهم ما يعرفون مصلحتهم وكل ما سمعو قصه ولا شافو خبر التفتو على ابنائهم وعطوهم كم نظره ويلا بدئت دوامه الشك وين؟ومين؟وكيف؟ وليش ؟وشلون؟ومتى؟ ويلا يبدا التحقيق البوليسي يعني شلون هم مثلا يشكون بتربيتهم لنا ولا ايش انا ما ابي تقولون لي والله هم من حقهم ..... يخافون عليكم .. ومن هالكلام انا اعرف انو كل واحد منكم عاش هذه الفتره لكن انا متاكده انو في بعضكم خلاص يشوف موضوعي قديم معتق ما فيه فايده لكن انا والله اشوف ان هذه القضيه مو بس تواجهني انا بس بل تواجه كثير مننا خاصه البنات انا ما اقول والله تطلع 24 ساعه من البيت ولا تعرف اهلها انا اقول تطلع زياره عند صاحبتها اللى امها وابوها يعرفونها ويعرفون عائلتها ويعرفون وش هم من لحيه بس زياره لمده ساعات وترجع فقط من باب التغير لا اكثر ولا اقل الاهالي ما عندهم الا كلمه لا لا لا والف لا طيب ممكن اعرف السبب يقولون لا وخلاص لا تناقشين فهموني طيب عطله نهايه الاسبوع والواحد مال من الدراسه وده يغير وانا من كثر ما اتعثر للناس صاروا خلاص ما يغزموني حتى والله ساعات اتعذر حتى قبل ما اقول لاهلي (خلاص ما عندي كرامه انا طاح وجهي ماعندي مويه وجه)من كثر ما اطلب منهم احس اني كني اطلب اني اسافر للقمر شئ كذا مستحيل ليش طيب اذا كل اب وام اعطى الفرصه لابنه ولا بنته انهم قد هذه المسؤليه لستفادوا الابناء كثير راحوا شوي عن صاحبهم ولا صاحبتهم ورجعو نفسياتهم حلوه على اهاليهم لو سمحتو حطو ارائكم وحاولو تقنعون امي بهذه النقطه
اختكم....
twix
  #2  
قديم 12-04-2001, 05:12 PM
ساير ساير غير متصل
Registered User
 
تاريخ التّسجيل: Mar 2001
المشاركات: 33
Post

وش تبين تسويين اذا طلعتي؟؟؟

احمدي ربك على النعمة اللي انتي عايشة فيها

الطفش من قلة الايمان
  #3  
قديم 12-04-2001, 05:19 PM
بسمة امل بسمة امل غير متصل
عضو مميّز
 
تاريخ التّسجيل: Dec 2000
الإقامة: Montreal-Canada
المشاركات: 1,971
Post

السلام عليكم

اهلا اختي تويكس دمك عسل ياشيخة مع ان كلامك يعور القلب بس ارتسمت الابتسامة علي

عزيزتي انا معك بكل اللي قلتيه بس ارجع واقولك الكلام اللي

ماتبين تسمعيه ان الاهل هم اهم شي بحياتك واكيد خايفين عليك مو

منهم من المجتمع وكل يوم قصص نسمع قصص رهيبة لكن الامر كمان يرجع لك
اكيد هم واثقين من تربيتهم لك وفخورين فيك بعد لكن الامر كمان

راجع لك حسسيهم انك قد المسؤولية وانك عارفة الصح من الغلط

يعني بينيلهم انك مهتمة بدروسك واثبتيلهم هذا بنتائج الامتحانات

بينيلهم كمان انك محافظة على صلاتك وذكر الله مثلا ذكريهم بوقت

الصلاة حاولي تجمعي اخوانك الصغار وتقصيلهم قصة

خليهم يتعرفوا على صديقاتك مثلا اعزميهم انت عندك في البيت عشان

يكون الامر اكثر سهولة لك اذا جيتي تبي تستاذنيهم تروحين عند وحدة منهم

صحيح الكلام كثير لكن صديقيني اذا عودتي نفسك على كذا و شلتي الملل من بالك بترتاحين اكثر وبتدعيلي كمان

وباكر الايام تثبتلك ان الاهل كل همهم مصلحتك وخوفهم عليك اللي يخليهم يتصرفون كذا ولو كانت ردة فعل خاطئة

بسمة امل


  #4  
قديم 12-04-2001, 05:21 PM
twix twix غير متصل
Registered User
 
تاريخ التّسجيل: Mar 2001
المشاركات: 60
Angry

السلام عليكم ورحمه الله وبركاته:
يعني شلون الطفش من قله الايمان لا والله انا مؤمنه بالله تعالى اصوم واصلي وكثير ناس من سني في هذا الوقت حتى ما يعرفون وين اتجاه القبله انا ما اتكبر بس هذا فعلا شئ يخليني افتخر فيه
اختكم....
twix
  #5  
قديم 12-04-2001, 05:47 PM
قيصر العرب قيصر العرب غير متصل
Registered User
 
تاريخ التّسجيل: Jan 2001
المشاركات: 38
Cool

السلام عليكم وبعد.......

في الحقيقة أنا شاب عمري 17 سنة و مع أن عمري 17 أهلي يعاملوني كأني بزر صغير عرمي 5 سنين .
يا ناس يا عالم شاب بعمري يرجع من بيت صديقه الساعة 9 المساء و مو أي صديق ولد عمتي و العزيز لدي . ولما أكون مع الشباب (كلهم أولاد عماني ) يرن التلفون الخبيث الي ما يجيب إلا الأخبار المعفنة (يعني الهواش و الصراخ) من الأهل طبعا (يعني من مين )
بالتحديد الوالده (حقها على فوق راسي) ,المهم الصوت ينسمع على بعد كيلو و فجئه التلفون ينقطع(إنصكت السماعة على وجهي )
بعدها ما تلقون إلى إني حيران وش أقول للعيال إلي صاير كلهم يقزقزون فيني وأنا وجهي يصير تقل طماط من الإحراج الي جاني.
مب بس مره صارتلي كل مره أروح عندهم يجيني الضغط من الخوف من رنة التلفون و يومي يروح نكد ليه عشان إذا تأخرت أكلت علقة و إذا رحت بدري أطيح من عين الشباب .
والله حاله كل ما أروح أسوي عملية العمر والمستحيلة(mission imposible)
قيصر العرب أخوكم العزيز الي دائما يتوهق
*تكفون عطوني الحل(أنا أوافق رأي تويكس)
  #6  
قديم 12-04-2001, 05:54 PM
twix twix غير متصل
Registered User
 
تاريخ التّسجيل: Mar 2001
المشاركات: 60
Angry

السلام عليكم ورحمه الله وبركاته
شكرا لك يا بسمه على هذا الرد لكن انا شكلي ما وضحت اشياء وهي اني انا سويت كل الطرق اللى تخليهم يثقون فيني اما من ناحيه اصدقائي فانا سويت دوريه شهريه يعني مو مره شهريه جمعت اصحابي المقربين وامهاتهم علشان امي تتعرف عليهم اكثر ولكن هل في فائده؟؟؟؟؟
طبعا لا والمشكله انهم كلهم بنات ناس معروفين يعني مو اي احد
اختكم ...
twix
لو سمحتم افزعو معي الله يخليكم
  #7  
قديم 12-04-2001, 06:40 PM
twix twix غير متصل
Registered User
 
تاريخ التّسجيل: Mar 2001
المشاركات: 60
Lightbulb

السلام عليكم ورحمه الله وبركاته
تدرون وشو اللى بيكتب بهذا الموضوع باعطيه اكبر هديه بالعالم وتذكره سفر لاي بلد اوروبي وساعه وجوال وتلفزيون ورسيفر واشتراك بالاوربت والاوائل والشو تايم وسياره موديل 2007 وبيت وزوجه واهل وفواتير الكهرباء والتلفون والمويه والمطاعم وكل شهر ارسله خيشه رز وسكر وكيس صابون وفي اجازه رمضان عمره على حسابي والحج حج على حسابي وبدكير ومنكير وقص شعر وحلاقه للرجال ووظيفه له بعد ما يتخرج ولعياله ولزوجته نقل للبلده اللى هم فيها وبسه وكلب وسمكه وطير وسلحفاه وحارس وسواق مع سياره وخدم وحشم وبودي قارد وجهاز كمبيوتر ولاب توب واشتراك لمدى العمر بالانترنت وبحر وجبل ونهر وارض وجمل وخرفان وارانب و................................................. ................................
اختكم....
twix
  #8  
قديم 12-04-2001, 07:21 PM
جاد جاد غير متصل
أبـ الخيمة ـن
 
تاريخ التّسجيل: Jan 2001
الإقامة: لبنــان
المشاركات: 6,685
إرسال رسالة عبر MSN إلى جاد
Lightbulb


الموضوع طويل بس انتبهت الى وجود هدايا لذا اعدك بقراءته قريبا يا اخت تويكس***جاد***
  #9  
قديم 12-04-2001, 09:01 PM
واحد يفكر واحد يفكر غير متصل
Registered User
 
تاريخ التّسجيل: Apr 2001
المشاركات: 35
Post

اسعد الله صباحكم ...

طبعا أنا عزابي ،
ومشكلتكم اشوفها قدام عيني مع اخواني الاصغر مني .. يعني بينهم وبين الوالده او الوالد ..

مثلا اخوي اللي عمره 17 سنه .. يبي يطلع مع اصدقاءه ويرجعون الساعة 12 او وحده صباحا في الويييك اند طبعا ....

بس الوالدة والوالد راسهم والف سيف لا ما يرجع هذا الوقت!!...

طبعا مع وساطاتي ..
قلت لهم ..
الولد أو البنت ...وخاصة البنت ..
اذا حجرتو عليهم اربع جدران في اربع جدران راح يسوون اللي في راسهم والعن كمان .

يعني خلو الامور تحت عيونكم احسن من انها تصير من وراكم .

والله اني اعرف ناس يرجعون للبيت الساعة 7 مو 9 .. بس بعد ما يكونو مسوين الهوايل برا ...


طبعا بالنسبة لي ..
كان شرطي على اخوي ...
انه اي تقصير في الدراسة ..
راح يذوق معنى التسلط الحقيقي اذا صار من جهتي انا..

والحمدلله هو الحين في راحة نفسية ونتائج دراسته في العالي ..


يعني التفاهم والاخذ والعطا زين .. خاصة مع البنات ...

بصراحة انا لاحظت شي مع اخواتي او بنات اختى او اخوي ..
ان البنت تحب وتمووت في انها تكون موضع نقاش ..يعني تفرح اذا احد بدا يناقشها وياخذ رايها ويجادلها ...

صدقوني راح تحس بالفرح والسرور


يالله انا رايح اكل تويكس الحين..
ولا اقول لكم احسن شي سنكرس ...

مفكر
  #10  
قديم 13-04-2001, 06:50 AM
sweet girl sweet girl غير متصل
Registered User
 
تاريخ التّسجيل: Mar 2001
المشاركات: 68
Unhappy

هلا تويكس الحلوه
والله يا عيوني انتي جيتي على الجررح
انا بتحصل معاي نفس المشكله
كل ما قلنا بنطلع قالوا ليش وفين وعند مين ومع مين
هي مره وحده سوها معاي وخلوني اروح عند وحده من صديقاتي
بس عشانهم يعرفون ابوها وامها وجدها وعمها وخالها وعشانهم جيران كمان
وطول ما انا عندها هاتك يا اتصالات
بسرعه ارجعي يلا اتخرتي
ومع اني ما تاخرت اتهزات لما رجعت البيت
بس اقولهم انتم ما تثقون فيني
يقولون طبعا نثق بس ما نثق في الناس
والله من المصايب الي يسمعوها هذا الايام لهم حق
تويكس يا عيوني تعالي انتي اقنعي اهلي ولكي مني الجوائز الي قلتيها واكثر كمان
ولا اقولك تويكس لا تستني الحل هذي المشكله ازلييه

المزعجه جدااا
sweet girl
 


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م