ان نقاطع دولة الفسـاق وحنـا قادريـن

[قلم المنتدي]

مساءاتكم نصرة لدين الله ونبيه ومصطفاه


ونبضات لطه وأمته وهداه

والله اللي ما سجدنا لغير وجهه ولرضـاه
إن تجونا ياالخنازير الوضيعـة صاغريـن

خير امة غصب عنكم في الكتاب اللي سناه
يشرح دروس الحضاره للي فيها جاهليـن

ياعبيد ابليس والشهوات ياعـار الحيـاة
يا اللئام اللي تربيتوا على الحقـد الدفيـن

ان بغيتوا او طغيتـوا او بلغتـوا منتهـاه
كلنا نفـدي شفيـع الامـة البـر الاميـن

شلت يديكم وتبت والله اللـي فـي سمـاه
كافي عبده شـرار النـاس والمستهزئيـن

وعد ربه ماهو وعد لحاكم وقايـد وشـاه
وعد ربه حق والله ان تشوفه كـل عيـن

الله اللي فضل احمد و انتهى به واصطفاه
الامين الهادي اللي ختّـم ابـه المرسليـن

التحرر ما هو سبـه او تجاوزكـم عـلاه
التحرر في احتـرام الانبيـا والصالحيـن

التحرر لو تحررتوا مـن الحقـد وعمـاه
التحرر فطـرة الله واحتكرهـا المؤمنيـن

لا تنصـر لاتهـود لا ولا الحـاد الطغـاه
ما ندين الا لواحـد هـو الـه العالميـن

والتحرر راينا اللـي تجمـع الامـة فـداه
ان نقاطع دولة الفسـاق وحنـا قادريـن

لين ترضخ جبهة اكبركم ويصحي من عماه
يعرف ان اقزامكم عجزت تمـس المتقيـن

لين يعرف منهم اسياده وسادة مـن وراه
لين يعرف جرمه بحق العرب والمسلميـن

لين يعـرف ان طـه تتبـع الامـة هـداه
يلتزم باول حـدوده يالرعـاع المفلسيـن