تبونها ولا لا

[الملقوفه]

بقول لكم قصهة حياتي(الملقوفه)تبونها ولا لا؟؟؟؟؟؟؟؟؟؟؟؟؟؟؟؟؟؟؟؟

[nokia]

هلا وغلا

اكيد نبيها وليش لا
من :عهووووووود

[الملقوفه]

هلا عهوووووووووووووود استنا الردود الباقيه ولا علي من الناس علشان بصراحه انا حبيتك

[الملقوفه]

اقول بس بقول قصه حياتي ولا علي منكم محد عطاني وجه الا عهود وانا منب معطيتكم وجه

[saed]

هلا بالغاليه لا تغضبي منا تفضلي اكي بس بالتفصيل .

[nokia]

عهووووود تستنى القصة
............
...........
..........
.........
........
.......
......
.....
....
...
..
.


بااي

[الملقوفه]

يوميات ام مليقيف

انا اسمي الملقوفه وعمري90سنه ويسموني الناس ام مليقيف علشان اكبر ولد عندي اسمه مليقيف وزوجي اسمه ملقوف ويسمونه بعد ابو مليقيف وهو يقول لي اني عجزت وانا اقول اني توني شباب واصله ما يعرف موظه العجز الحين وابو مليقيف عمره 99 سنه وهو عجز وانا لسا شباب واذا جيت انوم انوم عند النواميس علشان اذا رحت للناس اقول ان هذا حب شباب وانا عندي 51 ولد و51 بنت وكلهم فطسوا ما عدا 41 ولد 41 بنت ومرة كان ولدي مليقيف ومرته وعياله بروحون للدبابت في الثمامة ويجيني ويقولي ترانا بي نروح للثمامة بعد الغدء وانا ابي اروح مهم واقول في نفسي يا ام مليقيف نطي الحقي ابو مليقيف قبل لا ينام وقولي له انس تبين تروحن مع ولدس وانط انا الحق مليقيف ومرته وعياله للثمامة اركب الدبابات وافحط {انا قصدي لني اتلقف عليهم{ويعييابو مليقيف ويقول خليس انتي في البيت وش تبين الناس يقولون عننا شوفي هذي العجيز تفحط بهذي لدبابات واقول انا الله يخلي هذي العصاقيل بس خلني اروح ويالله يالله يرظى واروح انا لمليقيف طايرة وانا طايرة من الفرحة واقوله تراني بروح معكم ويقول لا يمه انتي خليس في البيت بعدين تفشلينا واقول له وش افشلكم فيه واقول في نفسي (ياالله مليت مافي احد اتليقف عليه)واقةل له الله يخليك خلني اروح ويقول لا لا لا خلاص انتي خليتس في البيت وقال بصوت واطي عجز آخر زمن يبون يروحون للدبابات ويفحطون بعد هذي آخرتها يا ام مليقيف.
ترقبو الجزء الثاني الاسبوع القادم انشاء الله من يوميات ام مليقيف هل ستذهب ام لا

[phantomlove]

سلامي عليكم و الديار بعيدة ... ... و اني عن المسعى اليكم لعاجز

سلامي الى كل من يقرأ هذه السطور ، و السلام الخاص دائما للعزيزة الملقوفة .
يا ليت يكون بالقصة خيال علمي ، مش أحسن من خيال الدبابات ولا لالالا . و عموما أنا أشكرك على الرد السابق ، هذا الرد المتواضع من شخص أسمه لا يدل على أقواله .

مع مـحـبـتـي ** ســراب الحــب **

[المد]

ماشاءالله عليك يا ام مليقيف قصتك حلوه وفكاهيه الحقي علينا بالبقيه تكفين تراهاتموت من الضحكككككك تحياتي/احمــــــــد

[كاشخ ومشخص]

الاخت الملقوووووووفة مع التحية :
عندي كم سؤال قبل ما تكملين السالفه :
1 / هاللحين الدباب بكفرين والا باربع كفرات ؟
2 / لما تروحين للثمامه وش تبين تلبسين لا تقولين جنز .
3 / المشكله ما اخذتي حساب القصة والشعر يمكن يتعبك مع الهواء وماتشوفين ؟

تدرين عاد ؟ انا رأيي انك تمددين عصاقيلك جنب ابو مليقيف وتتركين عنك هالهبال ترى والله لو شافك احد ماعاد يطب الثمامه غير ما طبها .