يمه فراقك كسَّر القلب تكسير ... وحطم مشاعرنا وشمت عدانا ( معايدة أم )
قصيدة للشاعر حمد حسن الحيزان على لسان أطفال خرجت من عندهم والدتهم بعد زواج والدهم :
[poet font="Simplified Arabic,4,black,bold,normal" bkcolor="skyblue" bkimage="" border="groove,4,gray" type=0 line=200% align=center use=ex length=0 char="" num="0,black" filter=""]
كل عام وأنتِ يا منى الروح بالخير = الله يعيد العيد وأنتِ معانا
العام عيدنا بسعد وتباشير = أنت شريتي لبسنا اللي زهانا
وبديك حطيتي خضاب تقل نير = بكفوفنا وشعورنا يا غلانا
ومعك قضينا ليلة العيد تسهير = ونمنا لجل عينك ولو ما وتانا
وقمنا صباح العيد مع بزغة الطير = يا سعدنا في عيدنا يا هنانا
ومعك خرجنا لبيت جدي مسافير = الارض فرحى لفرحنا مع سمانا
واليوم عيَّدنا عليكم مسايير = ساعات نقضيها ونرجع ورانا
نرجع لهم القلب حزن وتفاكير = لاحدٍ يواسينا ولاحدٍ وتانا
يمه فراقك كسر القلب تكسير = وحطم مشاعرنا وشمت عدانا
العيش من دونك هموم ومكادير = لاحنا معك يمه ولانت معانا
ترى أبونا ما ذخر عننا خير = مطعم ومشرب والملابس كسانا
لكن لو عبا يدينا دنانير = والله ما تسوى حضين حوانا
الزول زولك متعة للنواظير = والحضن حضنك بيتنا هو دفانا
ما جاك منا يا منى القلب تقصير = وإن جا ترانا نعتذر عن خطانا
بس ارجعي للي غدوا بعدكم غير = مثل اليتامى دمعنا ماتوانى
وش ذنبنا يمه وحنا عصافير = نعيش هم الكون لحظة صبانا
كل مع امه في سعادة وتقدير = وحنا تذوب قلوبنا من عنانا
نموت من نظراتهم بالتحاسير = وبعض الحكي سمٍ يقطع حشانا
خمسة شهورٍ كنها الدهر بالسير = نذوق فيها المر صبح ومسانا
والله يعلم وش بقى بالمقادير = نخاف من يومٍ نوسد ثرانا
تكفين عودي يا بعد ساكن الدير = لا يا بعد من حبنا من لفانا
تكفين عودي يمنا عودة الطير = حنا فروخك وين يمه عشانا
[/poet]
منقول
__________________
لا تسقني ماء الحياة بذلةٍ
بل فاسقني بالعز كأس الحنظلِ .
|