فيفي عبده ...ترفع رايه التوحيد

[الطير]

طبعا كثير مايعرف البطاقه الشخصيه لفيفي عبده ولا يعرف اسمها الحقيقي ..(( وربي ولا انا ماعرف ولا كان قلت ))... ( الوكاد انها ماهيب بنت الشيخ الشعراوي ولا الغزالي ولا رفعه طهطاوي .ولا نجيب موسى .ولا احد يسئلني عن الثنين الاخيرين لني ماعرفهم قدامي مسرحيه مدرسة المشاغبين واطلعت معي ...المهم ان العبده التقيه الورعه الشيخه العلامة فيفي عبده قرينا لها امس في مجلة نورا انها صممت انها تدعم المسيره العربيه والاسلاميه عن طريق هز الوسط وتقول انها بتشارك في الحفل الخيري بدون مقابلة لدعم هذي المسيره (( يا هنانا يا بختنا راح الناصر صلاح الدين وجتنا الناصره فيفي عبده)) والمصيبه انه سياسي بارز كبير في بلدها قال انه نحن نفتقد لمثل هذي المبادرات لدعم الامتين العربيه الاسلاميه وانه يتمنى ان يتم تفعيل الغناء والموسيقى والرقص ..مدام ان صوت الرشاشات والبنادق اخرست ((واصل واصل على ماتخلص غنا ورقص وهز بروح استناك على بوابة يافا والقدس))..وطبعا ايد كلامه كثير من المجاهدين امثال حمدي غيث الي مثل دور ابن تيمه ودور العز بن عبدالسلام ولو يدرون الشيخين الجليلين انه بيمثل دورهم كان طلب قبل لايموت انه يغسلونه بالتراب سبع مرات )) ويستطرد يقول انه فعلت فيفي عبده مالم تفعله الساسه في جمع قلوب العالم اتجاه القضيه وطبعا لو بناخذ بكلام الاخوه الاعداء السياسي وحمدي غيث ونجيب الشيخه العلامه فيفي عبده ونخليها ترفع راية لااله الا الله (( عز وجل عنها )) ونخليها ترفع الرايه على الهشك بشك ونعطي حمدي غيث الطبل وتصير فيلم العالمه والطبال ونصير حنا كورال التوحيد نردد ورهم دي ري مي فاصول لا سي فول .(( انتفخ راسي لو يفقعونه بطبل بلدي قال تم تك الى الجهاد))..وربي استخفاف مابعده استخفاف صاروعوالم شارع الهرم يخططون لمستقبل الامة وويرسمون في الكزنوهات اليليه الخطه المستقبليه الامة الاسلاميه وعلى اي بست يهزون اركان الاعداء ... تعرفون ان فيفي عبده في مقابله لها تقول لن انسى معروف الراقصه الفذ نجوى فؤاد في تقديمي للجمهور وخاصه انها كانت تعلم اني راح اكون احسن منها ...(( على العموم هي احسن ولا انتي احسن ....واحد نتن والثاني يا عيوني انتن )) وانها ماهيب عارفه كيف ترد الجميل (( عطيها طبله هديه مشدوده اشوي تحرك الوسط اليمين عندها معطل)) ..لكن انا اقول ماتنلام فيفي عبده يوم تقول هالكلام في زمن الرجاجيل صارت ماتستحي انها تناظرها بنص هدومها وتصفق وراها ...اما من ناحيت فيفي عبده يوم تمدح نجوى فؤاد عشان ماتنكر الجميل وخاصه انه من علمني هزاًٌُ صرت لهو كلبا.. على فكره عارفين طريقة السلام بينهم ..حنا طبعا السلام عندا الي هي تحية الاسلام ..السلام عليكم ورحمة الله ...هم السح اندح انبوه..حنا نرد وعليكم السلام ..هم يقولون ..والواد طالع لبوه ..(( ان طلع لبوه احلق شاربي يا خوفي يطلع لحسن راعي الرنقو )).المهم ان الاخوه المشايخه عزمو انهم يقصون من اجورهم عشان يدعمون القضيه الفلسطينيه ..وطبعا اقولكم كيف الطريقه ابد جات تجاريه بحت قامو زودو الاجره حقتهم بحجة الدعم وطبعا الدعم هذا مؤقت اسبوع ولا اثنين بالكثير وعقبها الزياده تظل على ماهي عليه طبعا هذا غير الصدقات الي تجيها اسف اقصد النقوط (( مسئول ضرايب شارع الهرم الاسلامي)(( الله لا يحوج المسلمين لجهاد فيفي وام ائوين))..ولا يقهرك الا ذاك المجاهد الي هو سامي العدل الراعي الكبير لباقي الشيخات وتسهيل العباده اليليه الي تستمر لين بزوق الفجر وهم في حال مايعلمه غير الله ..يقول ان فيفي عبده عامود من اعمدة الفن الشرقي (( يارب زلزال خفيف تخصص عمدان))...والمصيبه يا ليت وقفت الشيخه العلامه عند هذا التبجح لالالا صارت تفتي قالت مين يقول ان الرقص حرام (( جورج مايكل .اعترضي بعد عليه؟؟!!))>>..وقالت بالفم المليان لا الفن او الرقص ماهواش حرام (( جزاكي الله خير وضحتي كنت فاهم غلط))...وقالت بعد معرفش ليه يلزمو البنت (( طبعا ماتقصد نفسها)) انها تتحجب .ما الوجه نعمه من ربنا ليه تخفيه (( بالله عليك صلاة المغرب كم ركعه؟؟)) وزادت الطين بله يوم قالت بيجي يوم ارقص بالقدس (( يارب يلحقون يسكرون المسجد للصيانه قبل لانشوف الامام ماسك لها الرنق ويحسبونه له جهاد فرض عين))..والله اني اكتب وانا اسئل الله انه مايجي اليوم الي نشوف فيه الجهاد على حبه ونص اولا لنه ماعندي بدلة رقص(( اصلا مافيه قدك)) ..ثاني شي وسطي (( الخصر)) عندي منفجر ..وغير هذا وذاك ماعرف الاركان الخمسه حقها ...لا نامت اعين الجبناء كلمة مضى عليها التاريخ مات قائلها على فراش الموت وهو يتمنى انه يموت على حد سيف مغمود يوم الي اخوانا في الشيشان يرفعون راية الجهاد برواحهم .بالمقابل تشوف ناس رافعه كوس الخمور وتباري الرقاصات في الملاهي والخمارات ..وقت الي التلفزيون يعرض .صور لطفال وربي لو تشوفونهم من شد البرد ترجف ظروسهم وربي ان العين تدمع والقلب يجمع من هالمصايب الي جالسين نشوفها ..والله اني اليوم الفجر من شدة البرد وانا في وسط سيارتي ماستطعت انزل منها واقول وش لون حال الي الحين في العراء في درجة 4 تحت الصفر ماتسترهم غير خيمه لا تغني ولا تسمن من برد..تكفون يا بعد هلي تكفون..تكفون اخوانا في الشيشان لاتتركونهم لفيفي عبده ويوسف شعبان ..وربي انهم في حاجتكم تكفون فوق القهر والتشرد جاهم الجوع والبرد ..ويعلم الله انهم مايبون اكل يبون دفا وامان تخيل كل طفل منهم اخو لك ولا ابن وش يكون موقفك وانت تناظره ولا انت قادر تسوي له شي والله شفت شريط امس جايبه اخ من الي يجاهدون بكلمة لااله الا الله..يقول والله يا رفيع جاني صغير سن يقولي اذبحني .عمره مايتجاوز العشر سنوات يقوله ليش قال مابي اشوف امي اتعذب عشاني ...ارحموهم تكفون ..انا في رجا الله ثم في رجاكم ..من استطاع لو بريال لاتتركهم ولا تقول فيه غيري من يعطيهم لا والله مالهم غيرك تكفا ..ماعندهم الا الله ومن ثم انت ..صدقني مايبون غير الدعم المادي وهم في امس الحاجه ..لا تهملون وربي وعرف ان الله سبحانه وتعالى اعطى العبد وهو قادر انه ياخذه منه لكن لله سبحانه في خلقه شئون ...اعزم تكفا الحين ولا تقول بعدين اعزم والله ماتدري بفلوسك هذي وش بتسوي حتى لو عشره ريال ..ادري اني اكلم قلوب بيضا تحس بالوجع وتنس عذابه ادري اني اكلم ناس لهم مالهم من امور الخير والحمد لله الفطره هي اساسها ..تكفون اترجا ورجاي بالله اكبر ..لا تتركونهم ..للرقصات يكرمونهم من عرق هزهم وشيب خنازهم ..وارجع لمصر فعلا مصيبه وربي ..ان في مثل هذا البلد العربي الكبير والي فيه اعلام الفقه الاسلامي ومدرسة الاسلام الازهريه ..ينبع منه تفاريغ هوا وملذات ..طبعا في كل بلد فيه الطيب والردي لكن نعتب على مصر بالذات لنها هي مهد الحضارات وهي البلد الي ذكرها الله في كتابه ..والي يقهر اكثر انه من المعروف عن الشعب المصري انه شعب طيب له مواقف مشرفه كثير ولا يقبل ان هالامور تصير في بلده ..ولا اقول غير اللهم اهدي الجميع .الكبير والرضيع..اللهم اغني اهل الشيشان من عطايا فيفي عبده ويوسف شعبان ..واجعل لهم من من فضلك بدل الباب .بيبان ..يارب انت اعلم بحال المسلمين فلا تجعلنا للعوالم متكلين ...هذا وصلى الله عليه وسلم




--------------------------------------------------------------------------------

[عبدالرحمن]

السلام عليكم والله يا اخي اوجعت قلبي بكلماتك ولم ولن يخفف من احساسي بالعار قولك مصر فيها مشايخ وبلد الازهر او او او شيء مؤلم ان تجد نفسك نتسب لمثل هؤلاولكن هؤلاء ليسوا مصر ولا اهل مصر وان حكموها والا فقل لي بالله عليك ابناء من الاف الشباب الطاهر الملقي في غياهب سجون في ظروف اقل ما يقال عنها انها مثل سجون الروس والنازي واليهود نفس حفلات التعذيب التي تحدث في سجون الروس للشيشان هي هي التي تحدث في مصر بلد الازهر نفس الذل والانتهاكات نفس الاقتحامات والنهب واهدار الادمية الا انه ليس هناك قنابل الحرب هنا للاسلام والراغبين فيه فقط بعض الاخوة ممن عانوا مرارة التعذيب والخذلان يقول عندما سمع اسلوب التعذيب الروسي قال يبد\و انهم بعثوا لهم بعثة تدريبية
قل بالله عليك اليس هذا الشعب بحاجة الي العزق كما يقول الشيخ جمال عبد الهادي