لو تشــوف

همس الأحاسيس · #1 14-04-2003, 04:14 AM

<CENTER>
ْْْْْْْْْْْْْْْْْْْْْْْْْْْْْْْْْلو تشوف أشكثر حنا
الليالي عذبتنا
والقلوب اللي هويناها اخذلتنا
وعلمتنا نحجب الشمس بأيدينا
نغدر بأغلى الأحبه
وكلما زاد الشك فينا
أخترعنا أي كذبه
لو تشوف اشكتر حنا كبرنا
وصرنا نهرب من عواطفنا
وحتى من صورنا
ما أدري ليه صرنا نخاف
ونتعذر دايماً باسم الظروف
نرسم أحلامنا بريشه من خداع
والخطاوي صار يحاصرها الضياع
ملجأ أحساس الكفوف
لو تشوف وش ذنوب المغرمين
الزمن دايم عليهم
والأ هم المذنبين
لو صدق كلٍ بوعده
ما لقينا هاالقلوب مجرحين
والا امتلت معظم قلوب العذارى
أمتلت حيره وخوف
لو تشوف الصدق في عيوني وقلبي
وتقرا دفتر أمنياتي
كنت لقيت أسمك معي موجود
مهما كان
أو مهما حدث

بااااي

القوس · #2 14-04-2003, 06:08 AM

إقتباس:

الرسالة الأصلية كتبت بواسطة همس الأحاسيس
<CENTER>
وكلما زاد الشك فينا
أخترعنا أي كذبه

بااااي

صح لسانك

همس الأحاسيس · #3 14-04-2003, 02:14 PM

أخوي القوس
عينك دائما تقع على مواطن الجرح

كلنا في الهم واحد
الصدوق ويّا الكذوب
كل هالدنيا مظاهر
للأسف هذي الحقيقه
شفت فيها لون أبيض
وشفت فيها لون أسود
وشفت فيها شي رمادي
ما عرفت شلون أميز
بينه وبين الحقيقه
فيها كل اللي عرفته
من صديق ومن معادي
واللي يبقى للنهاية
للأسف يصبح قديم
وتبتدي دورة جديده
فيها شي من هوانا
اللي رسمناه بهوانا
نرسم الأحلام لكن
هي ( وهم ) ماهي حقيقه
ويوم تلقاناالحقايق
تطعن الخافق وتدمي
مقلة اللي حب واخلص
وش بقى ذكرى معانا ؟
غير شكوى وغير بلوى
وغير همٍ نصطبح به
وغير ذكرى بس ذكرى
وليتها تبقى معانا !!

باااااي

الفس-الزكية · #4 14-04-2003, 04:48 PM

الحمد لله على السلامة أخت ريم 000 لقد أطلت الغيبة 000 مشاركة رائعة جدا 000 وإلى مزيد من الإبداع 000

إلى اللقاء

همس الأحاسيس · #5 15-04-2003, 02:41 PM

تسلم أخوي الوليد على كل اللي كتبته

والحمد لله على سلامتك إنت بالأول والتالي
وصدقني الموضوع نوّر بوجود إسمك فيه أخوي ، وهالخيمة تنتظر إبداعاتك إنت فيها
وحيّاك أخوي .

بااااي

الصمصام · #6 24-04-2003, 07:21 PM

(لو تشوف اشكتر حنا كبرنا
وصرنا نهرب من عواطفنا
وحتى من صورنا
ما أدري ليه صرنا نخاف )

الفاضلة ريم
صدقت كبرنا وكبر همنا وزاد خوفنا
صورة جميلة لقصيدة غنائية أجمل

ولي استفسار
لماذا خرجت عن الرتم الذي كنت عليه في آخر القصيدة
هنا تحديدا
( كنت لقيت أسمك معي موجود
مهما كان
أو مهما حدث )

همس الأحاسيس · #7 26-04-2003, 08:00 AM

أخوي الصمصام
شكرا لك أخوي على الملاحظه
وبالفعل ما لاحظتها إلا من بعد .

وأبي رايك لو تكون النهاية بها الطريقه
<CENTER>

إقتباس:

لو تشوف الصدق في عيوني وقلبي
وتقرا دفتر أمنياتي
كان تلقى صورة اسمك
فوق أحلى ذكرياتي
قد نقشها الشوق مرّه
وقد نقشها الحب مرّه
واتخذته وشم واضح
حتى صار إسمك علامه
تبقى دايم في جبيني
وتبقى مني ، وتبقى فيني
في حياتي أومماتي

باااااي

سطام بن أحمد · #8 26-04-2003, 11:36 AM

أختي ريم

تحية طيبة وبعد

في الحقيقة قرأت الخاطرة

وهي ما شاء الله في غاية الروعة

بس تدرين

أحب أن أتكلم عن موضوع

ربما يفيدك

وربما أنتي لستي بحاجة

فأنتي تعلمين بهذا الشيء

الخواطر (( مثل تلك ))

يعني نسميها غنائية

و معروف

الخواطر الغنائية ؟او الشعر الغنائي

طريقة عرض الخاطرة

من كوبليهات

و المتعارف عليها أنها تتكون من 3 كوبليهات

قد تزيد (( هذا أم عادي ))

ولكن هذا المتعارف عليه

اتمنى أن نجد لك خاطرة من هذا النوع و فيها هذه الكوبليهات

ويا هلا

همس الأحاسيس · #9 26-04-2003, 02:17 PM

هلا وغلا فيك أخوي جرح الزمان

وحياك أخوي معنا مرة ثانية وتراك طولت الغيبة هالمرة

وتسلم أخوي على كل الأفكار اللي كتبتها في هالموضوع
لكن ...

أبي أسألك

حنّا اللي نكتب الشعر وإلا الشعر يكتنبا ؟؟

صدقني أخوي أنا أترك القلم يكتب اللي يبي وما أتدخل إلا نادرا
وما أناظر للقصيدة غنائية أو غيره
المهم أكتب اللي بخاطري
وأنا عارفه ومتأكدة إن اللي أكتبه قد يلاقي أثر عند اللي يقراه ، وقد ما يلاقي
ويبقى كل اللي أكتبه ( همس ) يهديه لي ( الإحساس )

وتسلم أخوي مرة ثانيه

بااااااي

الوافـــــي · #10 26-04-2003, 02:39 PM

همس الأحاسيس

إقتباس:

وش بقى ذكرى معانا ؟
غير شكوى وغير بلوى
وغير همٍ نصطبح به
وغير ذكرى بس ذكرى
وليتها تبقى معانا !!

تصوير بديع ، ولكنه صورة سوداء قاتمه

أنظري للحياة بتفاؤل

شكرا