رجل قابل للتهزيئ

[يتيم الشعر]

كالعادة تصلني رسائل غريبة على بريدي و أرجو ألا أكون المقصود بها

شوف ياراجل

للشاعرة رشا عبد الرازق





انت ايه او هو ايه؟
كل واحد فيكو راجل
كل واحد فيكو اسمه
أي اسم
بردو راجل
في البطاقه خانه فاضيه
أيوه فاضيه
اتملت بالكلمه عافيه
مش دليل الكلمه يعني
انّك انت تملا عيني
اني أسلملك سنيني
واحلف اني عايشه فعلا
حد قدّي ؟
في ضل راجل...!

شوف هيتنرفز عليّه
طيب افهم
واعقل انت....
وانت فسرلي القضيّه
لما أسهل حاجه عندك
تبقى ديما هيه جرحي
لما تستخسر في قلبي
كلمه حلوه ....
بيها تتشكل ملامحي
بيها أوهبلك حياتي
تبقى كل شيء في عمري
اللي عدّا واللي فاضل
واللا فاكر الكلام دا عيب تقوله
وانت راجل ...!


طب بلاش دي
لما تلعب بالمشاعر
مره بالغنوه الجريئه
ومره تعمل فيها شاعر
وأما أصدق
وانت تبقى في عيني أصدق
نبتدي المشوار وأشوفه
بين ايديه خلاص هيكمل
وتدّي كل اللي بنيته
لواحده تانيه
طب وانا والحلم لأخضر؟
كل ده هيروح ف ثانيه...؟؟!
تبتسم وتقولي شوفي
انت قلبك كان مناضل
بس قلبي حب غيرك
يبقى حقي
وانتي بكره يجيكي راجل.......!


واما تعمل فيها انك
شهريار فارس زمانك
واحده ع الشات بتقابلها
وواحده ع المحمول
وواحده ....
أخت صاحب من جيرانك
وانت فرحان بالرجوله
والاسامي لما تكتر
هيه دي تبقى البطوله
لأ واختك تبقى عبده
وامك المسكينه تتعب
من زعيقك والمناهده
وأما حد ييجي جمبك
اللسان يطول وتعلن
ان جوه البيت ده راجل..!


شوف يا راجل
قبل ما تبرق وتحلف
اني مجنونه بجانبك
واني مش طايقاك حقيقي
بس ديما محتجالك
لأأّ مش محتاجه بدله
وكرافته
وصوت جهوري يجيب زغطه
قلتلك يا سيدنا افهم
أصلي مش هقدر اجامل
محتاجالك لما تبقى
في الكلام والفعل راجل
مستحيل هفضل لوحدي ...
مستحيل مقبلش انك
تبقى أخويه
اللي يستر هو ضهري
اللي ياخد هو يدي
مستحيل مقبلش انك
تبقى لما القاك حبيبي
تبقى ضلاية لهيبي
وأبقى حوا
واللي مبتنكرش عنك
انها كات حته منك
بس لما كنت راجل

[همس الأحاسيس]

تدري أخوي يتيم الشعر
الأهازيج الشعبية سوا كانت في الخليج أو في مصر أو غيرها
أحسن شيء نسمعها وما نقرأها
لأن القراءة تفقدها الكثير من جمالها اللي فيها
والقصيدة اللي حطيتها هنا حلوه بالحيل
وفيها معاني رائعة بالحيل

مستحيل هفضل لوحدي ...
مستحيل مقبلش انك
تبقى أخويه
اللي يستر هو ضهري
اللي ياخد هو يدي
مستحيل مقبلش انك
تبقى لما القاك حبيبي
تبقى ضلاية لهيبي
وأبقى حوا
واللي مبتنكرش عنك
انها كات حته منك
بس لما كنت راجل

تسلم أخوي على هالإختيار الرائع وجعلك على القوة

باااااي