|
.gif)
مجلة الخيمة
 حوار الخيمة
دليل المواقع
نخبة المواقع
Muslim Tents
|
|
التسكين المجاني
التسكين المدفوع
سجلات الزوار
بطاقات الخيمة
للإعلان في الخيمة
|
| الأسئلة الشائعة | قائمة الأعضاء | التقويم | البحث | مواضيع اليوم | جعل جميع المنتديات مقروءة |
|
#1
23-06-2000, 04:06 AM
|
|||
|
|||
ارحمووووووووووووووووووووووووووونا
شارع فرعي جنب بيتنا كل يوم انوم سيارتي فيه
... وبيوم من الايام اشرقت شمسه . .وغردت فيه العصيفيرات .. وصدحت البلابل ...طلعت كلي نشاط واتجهت لسيارتي ... الاوالله قزاز الباب القدامي الايمن مكسّر والدرج مفتوح .. (ابن اللذين ماحاول يفتح الباب خايف ان فيه جرس انذار) وسارق الاغراض اللي بالدرج (اصلا مافيه الا شريط مقطوع .. وفاتورة جوالي المقطوع).. مير اشّغل السيارة وانقز للقسم ...ابلّغ (القسم) الضابط : مأمن على السيارة انت ووجهك . انا : لاوالله ماامنت عليها . الضابط : وش تبي راز وجهك عندي ... ............ خذ هالورقة فيها رقم التعميم وتاريخه .. ومرّنا بعدين ونشوف وضعك . .................. في نفس الشارع الفرعي .. بعد اسبوعين ..وبصبح اسودّت سماه .. وسكتت عصيفيراته , وانطرمت بلابله.... اكتشفت تكسير نفس القزاز .. بس هالمرة باب السياره مفتوح ... ومسروق المسجل.. ................ (القسم) ........ الضابط : تراك ازعجتني ... تشك بأحد انت؟ انا : لاوالله طال عمرك مااشك بأحد . الضابط : طيب ورى ماتغير هالشارع اللي انت توقف به عشانه مظلم اكيد بتنسرق اغراضك وقف عند باب البيت ولا شف لك بايكه . انا : طال عمرك ماحولنا بايكات وبيتنا مافيه محل اوقف قدامه ... جارنا يبني وذاب رمله وبلوكه قدام بابنا ... على العموم بحاول ادور لي موقف ....مع السلامة . الضابط : اصبر خذ رقم البلاغ . ........................................ (قدام باب البيت) ... وقفت السياره عقب مالقيت لها موقف باللعنه واخته . وبعد شهر من الاحداث ... وبصبح مغبّر , نبحت فيه العصيفيرات , ونهقت فيه البلابل ... اكتشفت سرقة ثالثة ...... الحمدلله اغراضي اللي بالسياره ماانسرقت ... هالمره من برى السياره( كفرين)... لاحول الله ...................................... (القسم)....... الضابط : تشك بأحد ؟ انا : لا. الضابط : خذ هذا رقم البلاغ . انا : طيب واخرتها . الضابط : لاتخاف الشرطه ماهي ساكته . انا : طيب وش بيدي اسويه ولا سويته ... الضابط : ولا شي انت فعلا مقرود ..ومالك الا انك تجيب سيارتك وتوقفها قدام القسم ,وتدلي تركب لموزين لبيتكم والعكس...والحراسه عندنا هنا 24 ساعة ... .................................................. .. (قدام باب القسم) ....... محل سيارتي كل يوم ... وبصبح ..... ماعاد فيه عصافيرولابلابل .....تمام السيارة محلها .. لكن عقب ماصارت عجينه والشنطه واصله الكبوت .....(جيب شرطة يسوقه جندي راقي فوق السياره) ..................................... (القسم) الضابط : تتهم احد ؟ انا : ايه المره هذي الجندي سواق الجيب حق الشرطه . الضابط : يارجال هذا مسكين .. ودخلناه التوقيف وبنحقق معه .. انا : بس تصليح السياره بيكلف فوق العشر الاف ريال . الضابط : يارجال هذا مابجيبه قرش واحد ... احمد ربك انك ماكنت بالسياره وقتها بس .. والله يعوضك ..ومع السلامه ... انا : ههههههه على بالك بروح يعني ..انا ماينضحك علي .... الضابط : ليه فيه شي ثاني ؟ انا : طبعا ياذكي ... وين رقم البلاغ؟ .................................. (بالورشه) ......... هاه يارفيق باقي واجد ؟ *خلاص سمكره خلاص معجون .... طيب وش باقي ؟ *باقي شوي بس معجون فيه ينشف بعدين صنفره بعدين ودي بويه بس انا محتاج السياره ضرووووري اليوم . *اوكي ... شيل سياره ..بعدين معجون فيه ينشف ..جيب سياره انا يكمل شغل شكرا رفيق ............................... (شارع العليا) ..... مساء نفس اليوم ...دوريه تمشي وراي ومشغل السفتي ...والضابط بالمكرفون (على جنب على جنب )..... وقفت ..... *فيه شي طال عمرك ؟ الرخصة والاستماره . * تفضل . قفل السياره واركب .. *ليش طال عمرك ؟ كليش .. اقفل السياره واركب مادام النفس عليك طيبه .... *طيب ليش طال عمرك وش السالفه ؟ انشغل الضابط بكتابة المخالفه .. تدخل عسكري كان واقف عند الاشاره باين على شكله سوء التغذية ...ونموذج مجسد لاضطهاد الانسان لاخوه الانسان ...وتطوع انه يشرح لي علشان يفك الضابط من الشرح لامثالي .,. *وش السالفه ليش الضابط بيركبني الدوريه؟ أمل ونتانة... * وشو؟ اقولك أمل ونتانه . *ياخوي وش تقول انت واللي يرحم والديك ؟ ياخي افهم انت ووجهك .. سيارتك لازم تكون مأمله ونتينه .. * بالله وش يقول العسكري ( اكلم الضابط)؟ فهمت من شرح الضابط ان المقصود ... الأمن والمتانة ... قلت طيب السياره قويه ومتينه ومابه الا العافيه حتى شف شدوقها ...(انكت ابيه يخلين) قال وراها كذا ملطخه معجون اجل ؟ قلت المعجووووون ؟؟ هذي مااسمها امن ومتانه .. هذي اسمها قبح وبجاحة .. قال تمام . قلت وبكذا اشوه شكل شوارع الرياض؟ قال ... بالظبط . قلت وبتخرب سمعة الرياض؟ قال ..شفت وشلون .. قلت بس اصلا هالسياره سالفتها انها رقى فوقها جيب شرطه وو.... (قاطعني) وانت بتحكي لي تاريخ حياة سيارتك ... انا لي اللي قدامي بس... شف انا ماني مركبك بس تراجعنا بكرى ولا بعده ....مع السلامه قلتله لحظه بالله؟ نعم خير وش عندك ... فيه سياره طال عمرك شمعاتها مكسّره والبدي رايح فيها وطول ماتمشي تطلع دخنه سوداء تعبي الشارع كله .. قال ...وينه هذا وانا اوريك شغل الله فيه ؟ قلتله هالسياره اللي انت راكبها ...... هاهاهاها تنكت انت ووجهك . لاجد وين الأمل والنتانة؟ قال حنا شرطة .. ............................... (بالورشه نفس اليوم) .... رفيق انا ماراح اركب هالسياره مره ثانيه الا ان خلصت .. كم باقي لك وتخلصها ؟ *عشره يوم باقي... ........................................ (بعد اسبوع)....... هاه رفيق قربت تقضي السياره ..... *مافيه سياره... وشوووووووووووو؟ *امس فيه يجي ونش مال مرور فيه شيل سياره مال انتا . ليييييييييييييش؟ كلام هذا سياره فيه سوي (اشغال طريق) . .................................... تأكدت عاد ان الشرطه عينهم على سيارتي من زمان ..بدليل انهم تركوا جميع اشغالهم وتفرغوا لسيارتي بس .وقبلهم كانوا الحراميه مستلمينها .(ويمكن انها السياره الوحيده بالرياض اللي يطارده الحراميه والشرطه بوقت واحد).. عقب ماتأكدت ان عينهم على السياره ...اخذتها من مقبرة السيارات ووديته لمدير القسم .. دخلت عليه............و قلت له: - الظاهر ان لكم بهالسياره اكثر مني .. *هاها يارجال وش هالكلام ... هذي سيارتك مهما كان . - وانا متنازل عنها للشرطه. *(بعد لحظة صمت) انت تتكلم جد؟ - وجد الجد بعد . *(افتر افمه عن ابتسامه شرطية عذبه) صراحه هذي اسمها روح وطنيه عاليه جدا .. صراحه انت مثل المفروض يحتذون فيه جميع اهل السيارات .. - العفو طال عمرك ... السياره واقفه تحت عند باب القسم .. خذ هذي مفاتيحها لين مااخلص اجرائاتها .. *شكرا صراحه.............................. بس يعني ممكن خدمه صغيرة ... - سم امر طال عمرك .... * نبيك تكمل لها السمكره والبويه بالمره يعني عشان مانت عارف ,,, - وش عارف؟ * الأمن والمتانه 1111111111111111111111 =============================== لحد يزعل ترى مااقصد شي ... (وجه خايف) |
|
#4
24-06-2000, 12:41 AM
|
|||
|
|||
المنشق..
والله انك صادق من جد.. تصدق..حاولوا مرة يسرقون سيارتي..ويوم شافوني انحاشوا.. رحت للقسم وبلغت.. قال الضابط: مسروق منها شي.. قلت لا.. قال..مكسرة ولا شي.. قلت..لا.. قال السيارة..موجودة ولا اخذوها.. قلت موجودة.. قال: احمد ربك..انا سيارتي مسروقة..ولحد الان مالقيتها..كخخخخخخخخخ يعني لازم تسرق وتكسر السيارة..حتى تبلغ..؟؟؟؟ الحمد لله على السلامة..بعد العرس..كخخخخخخخخخخخخخ والسالفة..حلوة..مشكور ياالطيب. تحياتي DAYEM. |
|
#5
24-06-2000, 02:07 AM
|
|||
|
|||
ساميه .... اشم من كلمة مواطن ... نجاسه ههههههههه..
........... فجر .... والله بخير الله يسلمك ( وجه حوطي) ...................... دايم ههههههههه رئيس هيئة مكافحة سرقه السيارات مبلغ عن سرقة سيارته اي عرس يارجال شكلي بهوووون بتجيكم السالفه في وقتها |
|
#6
24-06-2000, 06:15 AM
|
|||
|
|||
|
ايه اه اه اه
يا منشق صباح الخير .... الله يرجك يامنشقنا العزيز .... ... يدوب انهيت قصه سيارتك ماصارت قصه ... فيلم هندي يا بو الشباب ... كل ماقلت خلصت .... تطلع بشي جديد ... ياليتني في الشرطه ... اسجنك اسبوع ... و اودي سيارتك لتشليح النظيم وافتك منكم ابوراكان...... |
|
#8
24-06-2000, 08:33 PM
|
|||
|
|||
يعني يا منشق يا ملقوف الملاقيف
إذا تزوجت ... تنهييها بمشكلة وأذا عندك سيارة برضه مشكلة تعرف أنك تسببت لي بمشكلة عشان أنك صديقي ؟ لا حول الله ولا قوة إلا بالله ... الأخت فيافي ....... إوعي يكون الحرامي اللي في بالك أهو أنا ؟ بصراحة قصتك واقعية يا الملقوف ويا ليت قومي يعلمون ... يا دايم ويا منشق ... ليش ما انكمل قصة الفندق يا الحبايب ؟ عشان نبط كبد المشاركين من الكخخخخخخخخخخ والوععععععععععععع والهههههههههههيهههههههههههي أخوكم : جمال |
|
#9
26-06-2000, 09:52 PM
|
|||
|
|||
|
مرحبا يا جمال
ليس أنت الحرامي ..اللي في بالي حشاك و للتوضيح الحرامي هو...أبو شهاب (بس لا يزعل) ليش؟؟؟؟؟؟؟؟؟؟؟؟ لأنه بس يدخل الخيمة يسلم ويطلع تمويه يعني... وأخيرا كتب موضوع( لها هي) عشان يبعد الشكوك... وبعدين في فندقكم ...ما تريدون موظفة استقبال مثلي؟؟؟؟؟؟؟ تراني أعرف انجليزي وكمبيوتر ..أمشي حالي وبعدين نحن الحريم ولا زينا في التخطيط والتكتيك وأنتم أدرى هاااااااا وش قلتوا أقدم أوراقي بس بدون صورة شخصية.... عشان لو شوفتوني أدري بترفضون... اعذروني على ال(قرقر واجد) بس أنا اليوم كنت راااااااااايقة خااااااااااالص تحياتي لكم فيافي |
|
#10
27-06-2000, 02:55 PM
|
|||
|
|||
اهلا فيافي
فندق ايه واستقبال ايه ...انت صدقت ..ده فندق وهمي يا حلوة ..سرقوا فلوسنا واوراقنا وضيعوا علينا فرصة العمل في البنتاغون ....هيييه حرامية يا اختي حرامية ...دول منظمة خطيرة ...اياك والعمل معهم ..ادري انهم مطنشين ومش حيردوا...اكيد في عملية ثانية بيخططوا لها..حذاري. الناي المفجوع ياسين |
«
الموضوع السابق
|
الموضوع التالي
»
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | بحث في هذا الموضوع |
| طريقة العرض | |
النمط الخطي
|
|
