أقوي قصيدة فيها عزّة نفس قرأتها

الوافـــــي · #1 19-08-2003, 08:51 PM

[poet font="Simplified Arabic,5,limegreen,bold,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
لاصـار خِلّـك مستحـق المسـبـّه=سبّه ترى العشاق غيـرك يسبـّون
لابوه لابو الحب مـن قلـب سبـّه=لابو الغرام اللي يحدّك على الهون
يالعـن ابـو قلـبٍ غشيـمٍ يحـبـه=ملعون والقلب اللي يغليه ملعـون
اقـول مـن هبـّاك ياخبـل هـبّـه=الدون مايسلك معاهم سوى الـدون
عِـز الجفـا ولا هَـوان المحـبـّه=ماخوذ من يصير على الذل مغبون
اظهر قواة البـأس والضعـف خبّـه=ترى الضعيف ضعيف لاطعم لالون
الراس ماحـد يقطعـه غيـر ربـه=اقول عز النفس مااقول لك هـون
خـلّـه يـولـي لايـذلـك بحـبـه=ابعد وتلقاهم علـى البعـد يدنـون
والا انت لـو ترقـد وبالعيـن شَبّـه=ابرك من اللي يجرحونك ويسلـون
ياجاهـل افهـم خذ مـن العلـم لبّـه=اصبر وتنسى والعـذارى ينسّـون
الرجـل عقلـه دائمـا قبـل قلـبـه=ماهو عمِى بالقلب ومفتّـح عيـون
لاقدّمـوا حـبـه تقـدمـت حـبّـه=وان وخّروا وخرت والعز مضمون
تـرى غـلا هالوقـت هبّـه وهبّـه=اغنم هبوب الريح لاتقلـب سكـون
لاساعـدك حظـك تغانـم مهـبّـه=لاترتهي يجيـك يـوم ويصـدّون
قبـلٍ يذبّـك نـاب الأرداف ذبّــه=ترى حلاة الرجل طاعن ومطعـون
كم عاشق خلّـوه مـن غيـر سبّـه=يصفق بكف كف مايدري وشلـون
مالـه جـدى ياكـود دمـع يكـبّـه=عليه سيف الهجروالصـد مسنـون
هذامـن اول يـوم لـو دل دربــه=مادش في دنيا المجانيـن مجنـون
لكن تبـع قلبـه وقلبـه لعـب بـه=واليوم يبغى عون ماحصّل العـون
روّض فؤادك ياابن الأجـواد ربّـه=البيض مايصلح لهن كود فرعـون
والا ضعيـف النفـس دايـم مسبّـه=ودك مساكيـن البشـر مايحبـون
[/poet]

للأسف لا أعرف قائلها ...

تحياتي

همسة العنا · #2 19-08-2003, 09:07 PM

أخوي الوافي

بصراحه قصيدة فعلاً بها عزة النفس بهذا

الشكل ولا فلا .

تسلم يدك ويسلم فم قائلها

وكل عزيز نفس أكيد بتجوز له

ولك الشكر

وتحياتي

غــيــث · #3 21-08-2003, 08:08 PM

أخي الوافي..

قصيدة قوية وجزلة المعاني..فيها من عزة النفس وعنفوان الكرامة

ما يطرب له الفؤاد في زمن الهوان والحب المعلب..

تحياتي .. وقد أعجبتني القصيدة التالية :

[poet font="Simplified Arabic,5,darkblue,bold,normal" bkcolor="teal" bkimage="backgrounds/1.gif" border="none,3,indigo" type=2 line=200% align=left use=ex length=0 char="" num="0,black" filter=""]
كان الغلا لازم يهين الكرامه .... مرفوض لو حبك يقد الحشا قد

راسي عزيز وعالي {ن} في مقامه .. ومنهُ خضع يستاهل السيف والحد

مايخضع إلا في صلاته وصيامه .... من له علينا حق نركع ونسجد

بنت الرجال مورثّين الأمامه ..... موروثتن عنهم بجد ورى جد

وأن صاح صياح {ن} لبست العمامه .... نارد على حبل المنايا ونارد

ونترك البرقع لربع السلامه .... وبناقف الموقف مثل عالي السد

في ماقفً منه يثور عسامه ... ونصد صدات الرياجيل ونصد

جمي غزير وأوسع الشعرحامه .... طير{ن} يتل السبق منه وينهد

مثل البحر اللي يثور أرتطامه .... موجه وراى موجه إلى تالي المد

عـــ أميرة نجد ـزوف

[/poet]

الوافـــــي · #4 21-08-2003, 09:17 PM

همسة العنا

أشكر لك مرورك الطيب وكلماتك الرائعة

تحياتي

الوافـــــي · #5 21-08-2003, 09:19 PM

غيث

لم يبق لنا إلا ( عزّة ) نفس نحافظ عليها
فأشكرك أخي الكريم على كلماتك الرائعة
وأشكرك أيضا على إدراجك لهذه القصيدة
فهي كما أرى لفتاه
وبها قد تساوت ( عزّة النفس ) عند الطرفين

تحياتي