حدث في الامارات!!! .. الوقائع كامله (( لأصحاب القلوب القويه ))

[بو سيف]

السلام عليكم .. هذ وقائع جريمه كامله بأسماء مستعاره .. وهي عبره لمن لا يعتبر :

... في تاريخ 13\10\ م2000 ... عيله مكونه من (( سلطان- 52 سنه )) و إبنه خالد ( 23 سنه ) و زوجة خالد , (( مروه- 21 سنه )) , كانوا راجعين من عرس لواحد من الجيران .. و دخل الوالد سلطان علشان ينام و يرتاح , و حط البشت ماله في الكبت و نااام .

خالد : حبيبتي ((مروه)) انا رايح عند الشلّه .
مروه : بسك يا خالد من هالشله الفاسده الله يهداك .
خالد : يالله عاد شو انا ياهل , انا رايح رايح , المهم ابوي سلطان راقد .
مروه : إي ليش ؟؟!!
خالد : زيييين , باخذ البشت ماله أتكشخ به وسط الشباب .

... المهم ظهر خالد و سار عند الشباب , و بدوا يلعبوا في هالقمار , و خالد كل شوي يخسر , حتى ما بقاله شي يراهن عليه , تدرون على شو راهن ؟؟؟؟؟؟

... راهن خالد على حرمته , و خسر !!! .. عرفت (مروه) بالسالفه و انصدمت و حلفت يمين انها تقتله , انتظرته لين ما رد البيت , اندست ورا الباب و أول ما دخل !!!! حزت السكين في رقبته

... قامت اتنظف بهالدم لي متناثر يمين و سار و دست الجثه في المطبخ , أذن الصبح , و قام الشيبه سلطان يتيدد , و راح يدور على البشت علشان يروح المسيد ما لقاه ؟؟!!!

... سأل الشيبه سلطان مروه عن البشت , فتذكرت مروه أنها لمل إقتلت خالد كان لابس البشت , و البشت الحين كله دم , فقالت لعمها سلطان إنه خالد كان يجربه و الحين بتييبله إياه .

سلطان : على طاري خالد وينه فيه الحين ؟؟!!
مروه : خالد !!! مريض اشوي مصدع .
سلطان : اروح أشوف وش به .
مروه : لا عمي ما يحتاج الحين أجيبلك البشت و بعدين أصحيه .
سلطان : خلاص أوكي أنا أنتظر .

... مروه تدخل لمطبخما تعرف ويش إتسوي , و شلت البشت من الجثه و نزلت بالصابون فرك في بقع الدم علها تغسله و ما تنفضح , و عرقت المسكينه من التعب و هي تفرك بالصابون البقع .

... سلطان شاف الوقت تأخر و قام يشوف ويش إتسوي مروه , سمع أصوات غريبه تجي من المطبخ , بطل الباب إشويشوي و شاف ولده ميت على الأرض , و مروه المسكينه هلكانه من التعب و هي تفرك بالصابوون بقع الدم من على البشت , سلطان ما قدر يستحمل المنظر و فقد أعصابه و دش و مسك مروه من كتفها , مروه خافت و تبطلت عيونها , و قالها سلطان : (( ليش ما تجربين تايد مع مبيض ))


هاهاهاهاهاهاهاهاهاهاها
و إسف إذا كنت خرعتكم

حبيبكم بو سيف

[امنيات]

تعبت نفسك على هذه النكه السخيفه

[بو سيف]

شكرا يا أمنيات

[بو سيف]

هاهاهاهاهاها
المهم إنه هذي ثاني إبنيه تقرا هالكلام كاملا

[...etc]

صاروا ثلاثه...

بصراحه اسلوبك مشوق -القصه لها دور-

و بالنهايه..؟؟؟

ما اقول الا فاا111111111اضي!

[بو سيف]

هاهاهاهاها

والله من ذوقج إخت ألخ...

بس صراحه الكلام غير كذا .. بس الله و فقني في صياغته بشكل أفضل و الحمدالله إنها نالت إستحسان البعض

[الوحيد]

انا بصراحه اعتقد صابون ( آريال ) افضل وممكن يساعد مروه ويعطيها بياض اكثر.............

[بو سيف]

مرحبابك أخ وحيد يا مرحبابك
كثر ما حنا فرحنابك

و إنشالله وياينا ما تكون وحيد .. و أنا من مناصرين تايد في هالقصه حبيبي تدري ليش ؟؟!!!

لأنه تايد ماشي مع لون القصه (( أحمر ))

[امنيات]

اخي الكريم ابو سيف في البدايه اعتذر على اسلوبي الغير لائق
في الرد فأرجو ان تقبل اعتذاري 00 عندماقرأت اسم الموضوع
خفت وترددت من الدخول كثيرا وبعدما دخلت وقرأت القصة بحماس
اذ هي في النهايه نكته ومن هنا كان الرد الغير لائق مني
فأرجوك اخي الكريم ان تعذرني 00
على فكرة صحيح النكته حلوه وتضحك لاكن انا الان لست من انصار
التايد او الاريال بسبب المقاطعة وانصحكم بأمو00 ترى مفعوله
فعال

[بو سيف]

...