ديوان غناوى الشطار

[محمد عبد القوى حسن]

	غناوى الشطار بنغنى بنغنى بنغى للامل للصبح لما يطلع للبدر لما يلمع بنغنى للعمل بنغنى بنغنى بنغنى للامل *** بنغنى بنغنى بنغنى للنجاح للشطار فى المدارس الحافظين الفهارس ومعاهدين الكفاح بنغنى بنغنى بنغنى للنجاح *** بنغنى بنغنى بنغنى احنا الشطار للعالم والوجود والفرح والورود للصغار والكبار بنغنى بنغنى بنغنى احنا الشطار *** بنغنى بنغنى بنغنى للمزارع للنخل وللعيدان والشجر والكيزان للفلاح اللى زارع بنغنى بنغنى بنغنى للمزارع *** بنغنى بنغنى بنغنى لأى شىء فيه جد واجتهاد بيوزع الوداد وبنعتمد عليه بنغنى بنغنى بنغنى لأى شىء *** بنغنى بنغنى بنغنى للغنى والحب والمنى ويارب يدوم غنانا ويارب يدوم هنانا ونعيش مليون سنه بنغنى بنغنى بنغنى بنغنى بنغنى بنغنى *** الصبح جه ياولاد الصبح جه ياولاد ودخل كل البلاد مزغطط مبتسم وعلى الوجود رسم فرحه وضحكه ووداد الصبح جه ياولاد *** الصبح جه ياحنان وكسى كل الاركان والشمس فتحت والقمره روحت والشارع بقى مليان الصبح جه ياحنان *** الصبح يامحمود بينور الوجود وبيسعد الزمان بالحب والامان وبيفرش الورود الصبح يامحمود *** الصبح ياامل بيدعى للعمل ويقولنا تعالوا نقرا بسرعه فى مقاله والصوره تكتمل الصبح ياامل *** الصبح ياحماده بيدعى للسعاده والبهجه والفرح والقلب اللى انشرح والخير يصبح زياده الصبح ياحماده *** الصبح ياعم حسين بيصبح ع الحلوين اللى زيك بيدوا وباخلاصهم يجدوا ببلدهم مؤمنين الصبح ياعمى حسين *** الصبح ياخالتى صابحه فيه الامانى سابحه صليلوا ركعتين وادعى طول السنين يجيلك وانتى رابحه الصبح ياخالتى صابحه *** الصبح يابشر اهو عم وانتشر غنولوا واطلعوا للرزق اتوزعةل واقرولوا كام عشر الصبح يابشر *** انا عندى ارنبه انا عندى ارنبه جميله مؤدبه اديلها برسمايا تطلع تجرى ورايا وتقولى نفسى اكل ياعمروا جزرايا اوصى ماما وبابا فبسرعه يشتروا طلب ارنوبتى فافرح ومعاها انبسط وبسرعه بسرعه جدا كبرت بعد ماشبعت وقالت متشكره انا عندى ارنبه جميله مؤدبه انا عندى ارنبه *** انا اسمى هدير انا اسمى هدير حلوه زغنططه زى العصافير غاويه تنططه اصحا من الفجر واصحى الطير واقول للبدر صباح الخير اسمع قران زاين البلدان مع ابويا اصلى واخويا رمضان *** اللبس مريله حلوه معطره واجمع كراستى مع المسطره غاويه الترتيب هاويه التهذيب لو مره غلطت اقول معذره ولو انت قبلت انا متشكره وف دربى افوت رايحه المدرسه دوغرى ومظبوط كدا متحمسه انا بنتى هدير حلوه كويسه *** الربيـــــــــــع الربيع جاى السنادى شايل الفرحه لعنينا ماسك الفرشه وطالع يدهن الاشجار بخضره راكب فى اجازة السنادى فى اجازة السنادى البحر ماكانشى عادى الموج كان عالى لفوق بيرفعنا بزوق وينزلنا يداعبنا فى البحر ياعينى عمنا فى اجازوة السنادى ع الشط لعبنا اللعاب ولاحدش منا غاب نطينا الحبل كتير شعبان ومعاذ وهدير وملينا عب نارنا بسمك شوينا كلنا والبحر علينا نادى فى اجازة السنادى فى اجازة السنادى ياقمر فى السما ياقمر فى السما عامل ملحمه النور فى عنينا على طول اترمى *** فى اصيف والطيف يجمعنا هنا داشفيف وعفيف غازل حبنا *** نلعب ونهيص طول ماه سهران دى عروسه وعريس زى الغزلان *** ياقمر ياجميل ياشريف واصيل خليك وسطنا ابدا ماتميل *** ياجميله ياحنان حنان هاديه ورشيقه وبتلعب فى الحديقه وكمان تعزف موسيقى وتسمع الجيران ياجميله ياحنان *** حنان هاديه ومطيعه ومعاملتها بديعه بتقول حاطلع مذيعه واوصل كل البلدان ياجميله ياحنان *** حنان هاويه الكتب والفن والادب ماتحبش الغضب وتصالح الزعلان ياجميله ياحنان *** حنان حلوه وشاطره حاله واجبها ومذاكره ولكل دروسها فاكره طالعه الاولى كمان ياجميله ياحنان *** الشمس روحت الشمس بتصحينا الشمس بتدفينا الشمس دى بتشفينا *** الشمس هيه املنا بتصاحبنا فى عملنا باشعتها الجميله بتمدنا بالنور عاليه الشمس وكبيره دايره فى الكون تدور الشمس حقيقة الكون والعالم بها مفتون الشمس ضيا ف عنينا واهبها الرب لينا الشمس دى تبقى حياه وكمان عزه وجاه وان كانت عنا بتغرب ابدا داماكنش مهرب لكن لجل القمر مايجينا والنجوم فيخلوا الليل جميل فننام وعنينا تحلم تانى بشمس الاصيل *** الفلاحين الفلاحين مروحين اخر النهار شايلين كمان ومحملين كوسه وقته وخيار والشمس بتروح معاهم كل يوم شايله الوصايا للقمر مع النجوم بنقول امانه ياقمر ياقمر امانه تفضل هنا طول العمر دايما معانا والقمره تسهر للفجر تفرح تغنى وتشيل لعين الفلاحين كل التمنى تغسل وشوشهم بالندى فيعودوا تانى للارض يدوها بفدا وكل الامانى الفلاحين

[محمد عبد القوى حسن]

وتبكى وقلبى يتقطع
================
وتبكى وقلبى يتقطع
بدم الدم صار يدمع
ومش بايدى ومش ذنبى
حاجات مش قادر اوصفها
حاجات جوايا مدفونه
ويمكن نظرتى تفسر
وعهد الله انا بحبك
ولا اقدر على فراقك
ولا قلبى لغيرك لان
وعشت العمر فى الاحزان وبتعذب
ياريت ترحمنى احزانك
وقلبى فى عمره ماخانك
ونفسى فى ضمتك ضمه
بطول العمر انا اشيلك
فى احضانى
فداكى الروح اهى خديها
ياريت كنت اقدر اديها
ياريت الغاليه تعذرنى
انا فاهمك .. انا حاسك
ياريت انا اكون فى وجدانك
واعيش العمر علشانك
ودمعك قال
كلام ما اتقال
ودمعك اكد انى انتى
صحيح ياغاليه عاشقانى
وانا عاشقك .. انا صاينك
عيونك اه على عيونك تدوبنى
تعذبنى وتكتبنى فى روح الروح
وابات مجروح على جروحك
لمين انا ابوح لغير دمعك
وانتى فى منام الليل انا سامعك
وحاسس لوعتك حاسك
لكن اشياء بتبعدنى
تخوفنى وترعبنى
واكتر من احاسيسك انا دايب
ولا عن نظرتك غايب
عشان انتى فى تكوينى
اسافر وانتى فى حنينى
والف الدنيا وارجعلك
بشوف كل البنات فيكى
بشوق الشوق الاقيكى
ينام الطير فى اعشاشه وانا سهران
انا اجيكى
ينام الليل على فراشه وانا حيران اناديكى
على فراش الحنين سهران وبتقلب
وعارف انه مش زنبك
وادعى ويستجيب ربك
بانى اكون فدى لعيون بتدمعنى
فدى لنظرات تلوعنى
ويوم مانظرتك تضحك
اكون طاير من الفرحه
اكون اسعد حبيب فى الكون
ونفسى اكون سكن ليكى
بشعر ونبضى ارقيكى
واكتبلك بدمى كلام
يحققلك جميع لحلام
ياغاليه الدنيا ببحورها
وببخورها وبقصورها
بجناينها .. باغانيها .. بامانيها
بعشاقها بمحبينها
ماتسوى دمعه من عينك
فارجوكى وبترجى واترجاكى ماتبكى
بكاكى قال كلام ما اتقال
بكاكى حرقنى مزعنى
ودم القلب نازف سال
ومش قادر الدمع فى كفوفى
ولا انا قادر انا اوصفلك
واحلفلك
على كل الكتب والدين
مافيه فى القلب غير حبك
وانا مسافر بوجدانى وعهد الله انا بحبك
وانا دايب مع حنانى مافيه فى القلب
غير حبك
وقلبى يشيل كتير احمال وبيحبك
ولو حبك يفارقنى اموت واموت
فدى حبك
بحبك كلمه ماتتقال
بحبك قلبى ميل مال
بحبك فى جميع لحوال
انا بحبك انا بحبك انا بحبك
بحبك كلمه مش عادى
ولا لغيرك انا انادى
ياجاهى ومالى وبلادى
نشيدى وفرحتى وعيدى
ومش بايدى انى انا احبك
اقولها كيف واوصلها
وكيف بالنبض حسيها
وتوصلك .. اكيد والله توصلك
بطول العمر اندهلك
وتوصلك
وانتى فى حضنى بشتقلك
وتوصلك
انا فرحك وانا كرحك وانا جرحك
هاتوصلك
جرحتينى بدمع جراحك الصادقه
وحسيتم ونفسى بجرحى اداويكى
ونفسى بدمى ارويكى
بكل النبض كل الحب كل الحس
كل الصدق اهديكى
حياتى وعمرى واحلامى
الامى وفرحى وايامى
اموت وتعيشى واحبك
بكل احايسى انا بحبك
انا بحبك انا بحبك انا بحبك
ومحتاجلك وبحتاجلك وهاحتجلك
بطول العمر انا جنبك
حاسس نبضك فى جوايا
انا كاتبك .. انا عاشقك
اموت وارحل عن الدنيا
وما اشاهدك فى يوم تبكى
فماتبكيش
اذا كان فرحى بيهمك
تعالى نودع الاحزان
بضمة حب فيها حنان
وننسى كل افعال السنين والناس
فى ضمتنا
وترجع تانى ضحكتنا
وترجع تانى فرحتنا
ويرجع حبنا الانسان
دعا كروان
يصحى الطير
يناجى النيل
ينام الليل على جبينى
ينام البدر فى حنينى
ياقمرة صبحنا الضاحك
انا بحبك
تعيشى العمر لافراحك
وانا جنبك
اداوى بحبى اوجاعك
واكتبلك
كلامى وشعرى وغرامى
الامى وجرحى واحلامى
حياتى ومنيتى سلامى
كتابى وشعرى وعلامى
انا بحبك انا بحبك انا بحبك

[محمد عبد القوى حسن]

اين ردودكم يااهل الفن والابداع

[السيد عبد الرازق]

شاعر العامية المصري الأصيل محمد عبد القوي حسن
نورت وشرفت الخيام .
تحياتي وتقديري.
وأنا أبحث في خيمة دواوين الشعر.
نقلت لك الديوان هنا في مكانه .
ودمجت لك موضوع آخر قد نشرته.
وحين أردت أن أدمج لك المساجلة الشعرية بينك وبين الأبنودي.
تركتها إلي حين وستضم بمشيئة الله وعونه للديوان المثبت أعلاه.
تحياتي وتقديري
ولنا عودة بمشيئة الله تعالي .
والسلام عليكم ورحمة الله وبركاته