مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم الإسلامي > الخيمة الرمضانيـة
اسم المستخدم
كلمة المرور

 
 
خيارات الموضوع بحث في هذا الموضوع طريقة العرض
  #1  
قديم 14-09-2007, 02:52 PM
الشيخ عادل الشيخ عادل غير متصل
عضو جديد
 
تاريخ التّسجيل: Jan 2005
المشاركات: 158
إفتراضي فضفضه رمضانيه مع الشيخ عادل





احبتى فى الله
بحبكم لازم لازم لازم تحبوني

انا حاتكلم معاكم بالبلدى من غير كلام مزوق عشان يخش القلب على طول ..
انا عارف زهقتوا من مواضيع رمضان اشى الاستعداد واشى الاستقبال وغيره وغيره...
انا ياجماعه حا اقول لكم باختصار ازاى تستفيد من رمضان ...

رمضان ياجماعه موسم والانسان فيه عامل زى النمل اللى يخزن طعامه فى الصيف عشان يلاقى المخزون ده فى الشتاء...
يعنى رمضان كنز حقيقى مفتوح لك خد منه على قد ماتقدر عشان ينفعك باقى الاشهر اللى تكون فيها ضعيف ايمانيا او عملت فيها ذنوب كتير..

أخي...أختي... ايه رايكوا نشوف احنا ايه اللى حانطلع بيه من رمضان

انا جمعت لكم ست جوائز عظيمه ملخص ما سمعت وقرات نكسبها ان شاء الله وهى:

اول حاجه :مغفره للذنوب صفحه جديده يعنى يتمسح اللى فات يعنى تطلع من الشهر ده عالزيرو ان شاء الله

كما فى الحديث الذى يرويه البخارى

من صام رمضان ايمانا واحتسابا غفر له ما تقدم من ذنبه

ايمانا يعنى مش مساله انى بصوم لان كل الناس صايمه مش عاده يعنى ؟...لا يارب ده انا صايم عشان عايز ارضيك يارب ...
واحتسابا يعنى عايز اخذ الثواب ده يارب طمعان فيه ..والشرط انك تصوم الثلاثين يوم كاملين ..؟

يقوم ربنا يغفر لك ما تقدم من ذنبك ...طب يعنى ايه ؟
يعنى كل اللى فات يتمسح خالص ..واحد يقول بس انا عملت اليوم الفلانى الذنب ده ومكسوف منه قوى ...
اقولك صفحه جديده بيضه ..مبروك عليك ياعم...احنا ولاد النهارده ...صفحه جديده.

واحد تانى يسالنى ياشيخ عادل بس اناممكن يفوت منى يوم كده ولا كده ويضيع عليا الفرصه دى يعنى ما اقدرتش اصوم ال 30 يوم كاملين يقوم الرسول صلى الله عليه وسلم يقول لك طب خد فرصه تانيه

من قام رمضان ايمانا واحتسابا غفر له ما تقدم من ذنبه
نفس الحديث بس شيل صام وحط قام ..
اصل القيام ياجماعه مدته اقل ..تجيب 30 تراويح وتكون مركز قوى فيهم عايز ترضى ربنا ..
تقدر تجيبها ؟.....تقولى بس انا ممكن يضيع على ليله او اتنين مقدرش اصلى فيهم التراويح..اقول ماشى ...يقوم يعطيك فرصه ثالثه..فى الحديث النبوى

من قام ليله القدر ايمانا واحتسابا غفر له ما تقدم من ذنبه

ثلاثه احاديث عرفتها ...من صام ..من قام...من قام ليله القدر( ..ايمانا واحتسابا غفر له ما تقدم من ذنبه) يحصل ايه مبروك يتفتح لك صفحه جديده.

وبعد كل هذه الفرص للتوبة والمغفرة والرحمة، يقول الرسول صلى الله عليه وسلم لمن لم يغتنمها، وخرج منها خالي الوفاض:
" قال لي جبريل : رغم أنف عبد دخل عليه رمضان ولم يغفر له، فقلت : آمين" (حسن/ الألباني/ فضل الصلاة/ 18)
أي أنه كما أضاع على نفسه هذه الفرص العظيمة، فليمرغ أنفه إذن في التراب، فهو إنسان شقي محروم، لا يستحق الكرامة بعد هذا.

ماشى فتحنا صفحه جديده نخش على اللى بعدها..؟

تانى حاجه العتق من النار...
اصل انت ممكن يتغفر لك كل اللى فات بس تيجى السنه الجايه تعمل مشكله وتموت عليها وما تلحقش رمضان اللى بعده ..وتكون من أهل النار، .يقوم ربنا يعطيك حاجه اكبر من كده ..؟
يعتقك من النار ...

تخيل لو واحد عتق عبد عنده ياترى ممكن يرجعه تانى ؟

طبعا لا فما بالك لو اعتقك الله ؟
ولله عتقاء من النار فى رمضان وذلك كل ليله

كل ليله تكتب الملائكه اسماء من اعتقوا من النار ..يا ترى مين فينا اكتب اليومين اللى فاتوا دول

لو كنت من عتقاء شهر رمضان، فكأنما كانت رقبتك مسلسلة، وهناك من يقودك من هذه السلسلة إلى النار، وأنت متجه إلى جهنم، وأعمالك وتصرفاتك تظهر أنك من أهل النار، ثم صمت رمضان، صياماً حقيقياً، فإذا بك تعتق من النار، وتتحرر رقبتك من هذه السلسلة،

يقول الرسول صلى الله عليه وسلم: " ولله عتقاء من النار، وذلك كل ليلة" (صحيح/ الألباني/ صحيح الترمذي/ 549)

فيختار الله تبارك وتعالى من عباده الأتقياء، ليعتقهم من النار، هؤلاء الذين صاموا بحق، وقاموا بحق، وأطاعوا الله بحق.
ولو أعتقك الله هذه السنة، لا يمكن أن يدخلك النار بعدها أبداً، لأن الكريم لا يعود في عتقه أبداً،

فلن تجد نفسك بعدها مع أهل المعاصي، وحتى لو ارتكبت ذنوباً بعد رمضان، ولا بد أن تفعل، لأن كل ابن آدم خطاء،...يقوم واحد يقولى معقوله ازاى فهمنى بالراحه شويه
اقول لك ان خيرك سيكون غالباً على شرك، وطاعتك غالبة على معصيتك، فتكون قد تحررت من كل ما فعلته في الماضي، ومن كل ما ستفعله في المستقبل.

وكفايه كده عليكوا اليوم عشان ما تزهقوش منى ..والى لقاء باكر ومع ..

ثالثا كنوز الحسنات...؟




__________________
ان غـــاب اسمـــــى عــن البـــــــــــال

ودفن جســـــــــدى تحت الرمـــــــــــال


فهذا اسمــــــــــــــــــــــــــــــى لا يزال

الشيــــــــخ عادل مامـــــــــــــــــــون
 


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م