الداعية عمرو خالد ...

[مساهم]

بسم الله الرحمن الرحيم

في الحقيقة لم أكن أعرف الكثير عن الداعية عمرو خالد ( سوى اسمه وشكله)
ولكن .. وبعد النقاش المحتدم الذي دار حول هذا الداعية تذكرت ما نشرته مجلة ( الأسرة ) الشهرية .. فقررت أن أفرد له موضوعا خاصاً...

مجلة الأسرة العدد( 126رمضان 1424 )

"روى الأتاذ محمد العوضي قصة لقائه في مكة مع عمرو خالد وعدد من العلماء وحوارهم حول اسلوبه الدعوي. قال العوضي :
سألت الأستاذ محمد قطب: من وجهة النظر التربوية . ما رأيك في منهجية وارشادات الداعية عمرو خالد. فقال : إنه يملك موهبه فذة وظفها في خدمة دينه. قلت له : بعض الناس يرى أنه ليس عالماً ومن ثم لا يجوز أن يأخذ هذا الحجممن الإنتشار. قال قطب : كثير من العلماء عبارة عن خزانة معلومات مغلقة .وهذا الداعية لم أقل أنه فقيه , وكون عليه ملاحضات فمن ذا الذي ليس عليه ملاحضات ؟

علق امام الحرم سعود الشريم حفظه الله قائلاً : علينا أن لا نحصر كلمة فقه في مدلولها الإصطلاحي . وانما الفقه في اللغة يعني الفهم . فكما أن هناك فقه الأحكام . هناك فقه الدعوة وفقه السيرة . وفقه المعاملة ..
وما يقوم به عمرو في جذب الناس ومعرفة مخاطبتهم هو أيضا نوع من أنواع فقه النفوس .. سألت عمرو خالد فقلت : حدثناعن أكثر ما أثر فيك من نتاج بثك الفضائي؟ فأحنى رأسه وسكت قليلاً

[مساهم]

ثم تدفق قائلاً : بعد أن تكلمت عن معنى " العفة " في قنة LBC جاءتني رسالة عبر البريد الإلكتروني من فتاة تقول : أنا فتاة اسمي سارة والدي لبناني مسلم , وأمي لبنانيية مسيحية . انتقلا إلى فنزويلا,وبعد فترة انفصلا عن بعضهما , ليتزوج كل منهما بمن يناسبه .. وبقيت أنا حائرة شاردة, وقد رزقني الله جمالا أخاذا , فانزلقت قدمي لأنضم إلى سباق ملكات الجمال هناك. حتى انتهى بي المطاف إلى العمل في " بار" ‍‍
وصار لي " بوي فرند " ونسيت ديني بل ونسيت أني مسلمة , ولم أعد أعرف عن الإسلام الا اسمه .. ولا عن المصحف الا رسمه ,
وفجأة كنت أتابع LBC من فنزويلا لأنها قناة لبنانية , رأيتك يا عمرو خالد تتكلم عن العفة , فلأول مرة أشعر بالخجل من نفسي, وأنني أصبحت سلعة رخيصة في أيدي الأوغاد .. انشرح صدري, وأنا لا أعرف مسلماً سواك..
ثم قالت سؤالي لك : هل يقبلني الله وأنا غارقة في الموبقات والآثام ؟ أجبتها عن سعة رحمة الله وفضله وحبه للتائبين, فأرسلت تقول: أريد أن أصلي ولقد نسيت سورة الفاتحة , أريد أن أحفظ شيئا من القرآن , قال عمرو: فأرسلت لها بالبريد المستعجل ختمة مسجلة كاملة بصوت امام الحرم الشيخ سعود الشريم _ وكان يجلس بجوار عمرو _ وبعد ثلاثة أيام أرسلت سارة تقول : لقد هجرت البوي فرند وطردته, كما أنني انفصلت عن مسابقات الجمال والبار, .... وبدأت الفتاة تقبل على الله سبحانه بصدق. لقد وجدت ذاتها لأنها عرفت ربها..

[مساهم]

بعد اسبوعين من المراسلات . أرسلت تقول: إنني متعبة لهذا انقطعت عن مراسلتكم .. وأصابها صداع وآلام شديدة . وبعد الفحوص والكشف الطبي . قالت لنا : يا عمرو : انني مصابة بسرطان في الدماغ . والعجيب أنها قالت : أنا لست زعلانة بل فرحانة . لأنني عرفت ربي وأحببته وأقبلت عليه قبل المرض والبلاء .وأنا داخلة على العملية المستعجلة بعد يومين , وأنا خائفة أن لا يغفر الله لي ان مت , فقلت لها : كيف لا يغفر الله للتائبين لقد أكرمك الله بالعودة اليه . وبحفظ سورة الرحمن وأنت الآن بين يدي أرحم الراحمين ...
وفتحنا لها أبواب الرجاء وطردنا من نفسها اليأس , فقالت : لقد وضعت أشرطة ترتيل القرآن بصوت امام الحرم الشريم في المسجد مع أشرطتك . لأنني قد أودع الحياة . لتكون لي صدقة جارية . وبعد يوم أرسلت لنا صديقتها المسيحية تقول : لقد ماتت سارة....

إنتهى كلامه حفظه الله ..

وأخيراً أسأل الله تعالى أن يجزي هذا الداعية عمرو خالد خير الجزاء على دعوته ونصحه .. فلقد أنقذ الله تعالى به حياة تلك الفتاة ...

[abuMojahed_83]

بارك الله فيك أخي على هذه المشاركة الرائعة , والتي لا يعرف قيمتها الا التائبين , اللهم وفقنا لخدمة ديننا يا رب العالمين , ووفق الأستاذ الفاضل / عمرو خالد

[مساهم]

الأخ العزيز أبو مجاهد ...


أشكرك على تعليقك الجميل .. وبارك الله فيك ..

[Almusk]

السلام عليكم

بارك الله فيك أخي مساهم...وفي الداعية عمرو خالد...ونسأل الله أن يوفقنا جميعا للنهج القويم والمسلك المستقيم....

وأسأل الله أن لا يحرمك الأجر والمثوبة....

إحدى قريباتي بعد أن قرأت هذه القصة وتأثرت بها... ذهبت إلى مكة في أول رمضان لهذا العام واعتمرت عن أختنا سارة...

أسال الله أن يغفر لها ويتقبل توبتها ولا يحرمنا أجرها ولا يفتنا بعدها

[مساهم]

آمين ...


فعلاً أخي المسك لقد كان في قصة تلك الفتات تأثير بليغ على أشجان القلوب ..

ونسأل الله العلي القدير أن يقبل توبتها وأن يجعلها في عليين ..

وأن يجمعنا وإياك وايها في مستقر رحمته .. إنه سميع مجيب ..

[يتيم الشعر]

بارك الله فيك أخي الكريم على النقل الطيب ..

[الغرباء]

المسلمين من يقولوا لهم علمائهم الذين يؤمنون بما يقولونه ويثقون فيهم وليس كل من ظهر على الشاشه يمكن ان يؤثر فينا تأثيرا كبيرا .

هناك عامة الناس واصبح حتى هؤلاء قادرين على التمييز بين الحلال والحرام بين الجيد والردىء .

فلقد اصبح الكثير على قناعة أن ما يظهر في إعلامنا العربي ما هو إلا امتداد لسياسات الحكومات بشخصيات تم تجهيزها للقيام بأدوار تخدم مصلحة هذه الانظمة .

بعض هذه الشخصيات متأمر مع الانظمة وجهزته الانظمة لهذا الدور .

وبعض الشخصيات اتفقت وجهة نظره مع وجة نظر الحكومة في موضوع معين محدد فقط فتم ابرازه في هذه النقطة وأهماله بعد ذلك أو في غير ذلك .

وبعض الشخصيات ترى ان لها هدف يجب تحقيقة لذلك فهي لا تريد ان تصطدم بالدولة فتسايرها في بعض الامور .

ثم اننا قد تعودنا في فضائياتنا العربية على ان المحاور يحصر الضيف في زاوية حرجة ويساله مثلا سؤال واحد دون البحث في حيثيات الموضوع ودون أن يعطى فرصه لشرح فكرته .

انت بتؤيد تفجيرات شرم الشيخ والا لا . ماذا سيرد ؟

انت بتؤيد قتل الابرياء المسلمين ؟

انت بتؤيد اثارة الفتنة وقتل العاهدين المستأمنين؟

وغيرها من الاسئلة التي سيجد نفسه من يجيب عليها انه اذا اجاب بدون الحديث عن الوضع العام في العالم الاسلامي . سيجيب اجابات تسعد من يقابله .



للأسف آلاف المسلمين يثنون الركب للطلب العلم

وقد ذكر الشيخ أبو مصعب السوري في كتابه دعوة للمقاومة العالمية الاسلامية وهو يصف حال المسلمين ( وهذه حالة أكثرية المسلمين مع الأسف , وهو ما أخبر بحصوله رسول الله صلى الله عليه وسلم في آخر الزمان "أنظر مسك الختام ، في آخر الكتاب " . ومهما تكن هذه الحقيقة مؤلمة ومهما أنكرها و أنكر واقعتها علماء السوء والمشايخ العصريون من أصحاب القبة البيضاء وربطة العنق الأوروبية! واللحى المنتوفة .. من دعاة الإسلام الأمريكي , والجمهور المعجب بـ

ولاويل

و إلا فما ذا تحتاج هذه الشعوب الإسلامية حتى تتحرك ؟! )

اللهم أصلح أحوال المسلمين
واكفهم شر علماء السوء والرويبضات

وأتحدى ان تنقل إفتراءات
عمرو خالد الى علماء بلاد الحرمين
وليس الى ائمة المساجد ؟؟؟

بواسطة الغرباء


رابط لتحميل محاضرة لأبي إسحاق الحويني بعنوان **عمرو خالد**المبتدع جدا في عالم العلم الشرعي
هـــــــــــــام
http://media.islamway.com/lessons/ishaq//000-Amr.rm


وهذا رابط آخر

http://www.islamway.com/?iw_s=Lesso...lesson_id=37205



ــــــــــــــــــــــــ



عمرو خالد : فدبستك ( المقصود هو النبى ) فى الموضوع عشان ربنا يجيب الفلوس


قال عمرو خالد فى حلقة الثقافة و الفنون :
فن الكوميديا انتوا عارفين ان ناس من أصحاب النبى صلى الله عليه و سلم و بن حجر ذكر فى كتاب الإصابة ذكر الصحابة دول كانوا متخصصين فى الكوميديا يعنى ايه فى الكوميديا كانوا يقولوا المدينة مليانة مشاكل و مليانة صعوبات احنا عايزين ندحك النبى و ندحك الصحابة بنية الترويح عنهم عشان ورانا جهاد و ورانا مسئوليات يعنى حتى الكوميديا بقت متوظفة لخدمة الفكرة و لخدمة الرسالة .

صحابى إسمه سيدنا نعيمان سيدنا نعيمان ده كانت قضيته ازاى يبسط النبى صلى الله عليه و سلم و ازاى يبسط الصحابة مرة سيدنا نعيمان لقى واحد بيبيع عسل من الأعراب ميعرفش شكل النبى واحد بيبيع عسل جاى من البادية فقالله تعالى و قام واخده قدام بيت النبى صلى الله عليه و سلم و قالله ادينى كده برطمان عسل خد العسل و قام مخبط على النبى و داخل على النبى صلى الله عليه و سلم قال يا رسول الله أحببت أن أهدى لك عسلا فأنت تحب العسل ففرح النبى و جزاك الله خيرا يا نعيمان خد النبى صلى الله عليه و سلم العسل و قام طالع نعيمان للأعرابى و قال ثمن العسل عند الرجل الذى بالدار تخبط عليه تاخد منه تمن العسل و قام واخد بعضه و مروح فالنبى لقى واحد بيخبط عليه أعطنى ثمن العسل قال ما العسل قال أعطنى ثمن العسل قال هذا هدية قال أتماطلوننى أعطنى ثمن العسل فالنبى قال فعلها نعيمان خد يا ع..هى هى هى( يضحك ) فالنبى راح لنعيمان قال يا نعيمان لم فعلت ذلك قال يا رسول الله أعلم أنك تحب العسل و قلت ليس معك ثمن العسل و قلت إذا أعطيتك العسل سيبعت الله المال يعنى ربنا هيبعت الفلوس فدبستك فى الموضوع عشان ربنا يجيب الفلوس ( يضحك ) ...... نعيمان بس كان بيعملها بنية يعنى أنا عايز أقول ايه فى الآخر عايز أقول يا جماعة بعد النبى صلى الله عليه و سلم حضارة كبيرة قامت على الثقافة و الفنون أنا مش عايز أقول قد ايه الإسلام اهتم بالموضوع ده لكن عايز أنقل على النقطة اللى بعدها

يا شباب الفنانين يا شباب الموهوبين يا فنانين احنا عايزينكوا فى مشروع صناع الحياة احنا عايزينكوا فى مشروع النهضة احنا عايزينكوا تضيفوا انتوا ليكوا دور كبير مفيش نهضة من غيركوا مش هنقف على رجلينا إلا لما تكونوا بتساعدونا و بتوجهوا معانا.........

انتهى كلامه فض الله فاه
و أتسائل هل هناك من يوقر النبى صلى الله عليه و سلم و أصحابه يقول عنهم هذا الكلام ؟
أترك لكم التعليق؟



ـــــــــــــــــــــــ


عمرو خالد: فى مسرحيات للأستاذ عادل إمام

مبقدرش أقوم من قدامها

هذا الكلام قاله عمرو خالد على قناة المستقبل اللبنانية فى برنامج يستضيف المشاهير و أسوقه هنا مجردا و أترك لكم التعليق :
- المذيع :

الإستماع إلى الغناء مع العائلة أو مع مجموعة من الفتيات

- عمرو :

أشكرك يا رولا

لكن تانى أنا

بأؤكد لك يا رولا

أنا مبكسفش يا جماعة إنه أنا أقول الكلام ده

رولا أنا عايز أقولك

مفيش مشكلة يا رولا طالما انتى عمالة تقربى من ربنا و تدى الأمور حقها الآية اللى انتى قلتيها فى علماء فسروها ان هوا منسمعش الأغانى و فى علماء قالوا لأ ..... ( مقاطعة من المذيع )
- المذيع : حضرتك تستمع ؟
- عمرو : أقولك و تصدقنى أنا مش لاقى دقيقة أقرا جرايد فانا وقتى بقى محدود جدا
- المذيع : أيام ثانوى و اعدادى
- عمرو : آه طبعا - المذيع : الكلام عن الحب عن الإشتياق و عن الفراق و عن هيك كويس ولا وحش
- عمرو : انت عارف ايه الخطر يا ( اسم المذيع لم أستطع تمييزه ) ان يبقى شبابنا عمالين يسمعوا الكلام ده و الأمة منهارة و تبقى دى قضية حياتهم يعنى خلينا ندخل فى عمق الأغانى أكتر هيا الأغانى بتؤدى بعد شوية لإيه ؟ ده الجو اللى أنا عايشه... لو مش ده الجو اللى أنا عايشه إسمع لكن لما يتحول البنت أو الشاب ان دى القضية و نفسه يعيشها و نفسه تبقى قضية حياته كلها بحب و باسمع و عايش القصة دى مينفعش مفيش أمة بتقوم كده ألمانيا و هيا بعد الحرب العالمية التانية ماكانش ده اللى بيحصل هناك ما كانوش عايشين يسمعوا أغانى مش بقول منسمعش بس بقول مش.... (مقاطعة )
- المذيع : نوعية...
- المذيع : نوعية و مش ده المحور يا جماعة إحنا أمة محتاجة تتبنى مينفعش تبقى قضيتنا أغا.. (مقاطعة )



- المذيع :هل تذهب إلى المسرح إلى السينما مثلا اى........؟
- عمرو : يعنى خلينى أقولك حاجة اى..... ممكن أرد عليك بشكل دبلوماسى و أقولك معنديش وقت زى معملت معاك فى الأغانى
- المذيع : نعم ( ضحك من المذيع و من عمرو ) و أنا عديتها
- عمرو : لكن خلينى أقولك حاجة لو فيه عرض مسرحى أو سينمائى بيقول قيمة يمكن ....... (مقاطعة من المذيع )
- المذيع : لو الأستاذ عادل إمام مثلا ؟
- عمرو : انت انت شوف انت قومت .......... ( و يضحك عمرو )
- عمرو : على فكرة أنا فى مسرحيات للأستاذ عادل إمام مقدرش أقوم من قدامها بموت من الضحك و فى مسرحيات للأستاذ محمد صبحى مقدرش أقوم من قدامها مسرحية زى وجهة نظر أهوه قلتلك إسم أهه عشان تعرف إن أنا......... ( و يضحك عمرو ) ( المذيع يقاطع ) : أستاذ عمرو لى عندك ....
- عمرو ( يستمر ) : إلا لو فى حاجة حرام منعملهاش و منتفرجش عليها
- المذيع : موضوع تانى طبعا احنا مش بندعو إلى الحرام يعنى أنا عن نفسى أنا بعمرى يمكن يكون جهل منى و لكن أنا بعمرى ما شفت رجل دين بمسرحية أو بفلم سينمائى حتى لو كان الفلم جاد و محترم و ما فى شى ما شفت رجل دين بمكان عام بمطعم مثلا ....... ( عمرو يقاطع )
- عمرو: أنا هاعملك دلوقت دعاية لمطاعم مصر و لبنان ( ضحك ) أنا بروح كل ........ طالما بص حضرتك تانى
- المذيع : ( كلام شامى غير مفهوم لى ) هوا قدوة محترم مش هيك أستاذ عمرو ؟
- عمرو: اللى أنا بقوله إن الحاجة اللى مفيهاش حاجة حرام هيا إسم مسرح دى كلمة مسرح دى كلمة حرام ؟ لأ هيا كلمة سينما دى كلمة حرام ؟ لأ يا جماعة كلمة فن دى كلمة حرام كل ده كلام حلال ده النبى كان بي........ الشعراء اللى هما فنانى العصر فى ذلك الوقت كان النبى بيكرمهم تكريم واحد شاعر يقوم يسلم عليه سلام شديد الشاعر و هو برده بيقول أنا فرحت قوى إن هوا سلم عليا و قاللى الشاعر ... احنا معندناش ( كلمة غير مفهومة ) احنا موهبتنا بسيطة جدا بنتعامل مع الأمور حسب طبيعتها الحاجات دى الأصل فيها إنها حلال إنما الحاجة بتتقدم ايه لو الحاجة بتتقدم غير لائقة نقول مش ده الفن

إحنا نعرف الفن الحلال

إحنا نعرف الفن الحلال

إحنا نعرف الفن الحلال

.

ــــــــــــــــــــــــــــــ






وأنا أسأل كل ذى عقل و دين و إنصاف يغار على دين الله عز وجل
الذى ضحى من أجله النبى و أصحابه بدمائهم و أموالهم
يا مشرفين الخيمه الاسلاميه بالمنتدى
أحبتي في الله الاعضاء
أينسب هذا الإنسان إلى الدعاة أينسب هذا إلى الصحوة أيرجى من وراء هذا خير؟
لو كان هذا فى زمن الخلفاء الراشديين لضرب بالنعال
هذا و الحلقة مليئة بالخزعبلات و هذه خاتمتها و من أراد أن يسمعها كلها فهى موجودة على موقعه - أبو مالك المصرى - ش -انا المسلم
ــــــــــــــــــــــــ

[الغرباء]

ليبراسيون: عمرو خالد داعية بأسلوب أمريكي

إسلام أون لاين.نت/
عمرو خالد



خرج عن الشكل المعتاد للشيوخ؛ فهو لا يرتدي الجلباب الأبيض ولا يطيل لحيته{ أقول وكأنها ليست من السنه حسبنا الله ونعم الوكيل} كما أنه

استخدم أساليب العرض الأمريكية الجذابة،

وهذا كله أدى إلى زيادة جماهيريته..

كان هذا رأي صحيفة ليبراسيون الفرنسية في الداعية المصري الشاب عمرو خالد{انظروا من يشهدون له}

وقالت ليبراسيون في تقرير إخباري حول أسباب نجاح عمرو خالد: إنه خلال عامين فقط استطاع عمرو خالد -36 عاما- أن يجمع حوله جمهورا عريضا تعدى حدود مصر بل ومنطقة الشرق الأوسط.

وأضافت الصحيفة "استطاع عمرو خالد استخدام أساليب العرض الأمريكية الجاذبة، مثل استخدام حواسه أثناء إلقاء الدروس؛ من أجل مزيد من التأثير؛واستطلع مراسل الصحيفة في القاهرة "كلود جيبال" آراء بعض مريدي الداعية الشاب؛ فيقول المهندس نادر: "عمرو خالد يمكن أن يكون أحد أصدقائي،

ملابسه تشبه ملابسنا

بخلاف كثير من الشيوخ والدعاة.. وهو يتحدث العربية البسيطةوعلاوة على ذلك فهو يعشق كرة القدم مثلي ".


من جهتها تقول "مها" وهي فتاة مصرية محجبة: "لقد غير الأستاذ عمرو حياتي".

وعن مساحيق التجميل بالنسبة للفتيات التي ظهر القليل منها على وجهها تقول مها: "أعلم أن هذا ذنب، وأحاول أن أتفادى ارتكابه"

أما "لبنى" فأكدت أن سبب إعجابها بالداعية المصري هو
أنه لا يحرّم كل شيء؛ فخطاب عمرو خالد يخلو من التشدد، ويقول إن ممارسة الفتيات للرياضة أمر مطلوب، ولا يحرم دخول السينما، ولكن شرط أن تخلو شاشة العرض من المشاهد الإباحية{أقول وأي سينما لا تخلوا من الفساد} أما بالنسبة لعمل المرأة فلا مانع

بواسطة الغرباء

عمرو خالد و التطاول على رب العالمين :

إذهب يا عبدى يا فنان فإنى راض عنك

بصو يا جماعة لو انتوا شايفين اننا مش عايزين ننهض و خلينا فى الحضيض يبقى الفنانين يعملوا اللى هما عايزينه يبقى ليهم حق لكن لو احنا جادين ان احنا عايزين نعمل نهضة أنا باناديهم من هنا و ربنا .... و بارجو كل واحد سمع كلمتى يوصل الكلام ده للفنانين وصلوا الكلمة دى ليهم أرجوكم احنا فى بداية صناعة نهضة و المرحلة ديان محتاجة انكوا تحطوا إيديكوا و تساعدونا و تفكروا بالعقلية دى عايزين نزق النهضة لقدام حرام يكون حد بيبنى و واحد تانى بيهدم و بالتالى ييجى السؤال سؤال و احنا بقى بنختم الحلقة سؤالين تلاتة بسرعة :

هوا الفن حلال ولا حرام ؟ (يضحك )

هيا الأغنية حلا ولا حرام ؟

هيا التمثيل حلال ولا حرام ؟

هيا السينما حلال و لا حرام ؟

أروح السينما ولا لأ؟

هوا أروح المسرح ولا مروحش المسرح ؟

هوا ينفع الستات يمثلوا ولا ما ينفعوش ستات يمثلوا ؟

يا جماعة الأسئلة دى الناس............. و أسمع أغانى ولا ماسمعش أغانى ؟

هوا المغنيين حلال و لا حرام ؟

يا جماعة الموضوع أكبر من كده بكتير

و يفضل الممثلين يحرجوا و .... أنا مليش دعوة أنا مبفتيش إنما أنا بتكلم فى موضوع أكبر من كده بكتير

عارفين ايه الموضوع ؟

ازاى يا جماعة نقول حلال و حرام على حاجة مش بتاعتنا مش احنا اللى أنشأناها مستوردة من برة

فاهمين أنا عايز أقول ايه يعنى حاجة جايا من برة و بعد كده تجيلنا و بعدين احنا نقول للمفتين قولولنا حلال ولا حرام ما احنا مش بتاعتنا و بالتالى مش معمولة لقيمنا و لا معمولة لمناخنا

دى معمولة لقوم آخرين بفكر آخر فى مرحلة أخرى بمعتقدات أخرى بقيم أخرى و بعدين جاى تقوللى حلال ولا حرام ؟ ( يضحك )

لكن فى الآخر الفن ده أداة الثقافة دى أداة حتسخدمها ازاى ؟

زى السكينة يا تدبح بيها فرخة يا تدبح بيها بنى آدم

حتستخدمها ازاى فمتقولليش حلال و حرام

لما تطلع من معتقداتنا و قيمنا و المرحلة اللى احنا فيها بداية نهضة و تبقى طالعة من جوانا و طالعة موجهة لاستفاداتنا احنا مش تبقى حلال و بس دى بتيقى أداة لتحريك نهضة زى ما حكيتلكوا على حرب أكتوبر .

كأن فى رسالتين عايز أقولهم للفنانين :

الرسالة الأولانية المهمة قوى أرجوكوا اعملوا فنكوا اللى مناسب للمرحلة اللى احنا فيها .

هوا ايه المرحلة ؟ بداية نهضة زقوها لقدام ارفعوا روحنا ارفعوا روح الناس حنعمل نهضة حننجح ( يصرخ )

متهيفوناش و تضيعونا .

و الرسالة التانية اللى عايز أقولها للفنانين مش عايزين نستورد الفن من بره عايزين ننتجه واحنا ياما أنتجنا فنون من عندنا انتوا ناسيين إن الموال دوا منتج من بلادنا الموشح ده منتج من بلادنا الزجل ده منتج من بلادنا انتوا ناسيين ان فيه المسحراتى ده منتج من بلادنا انتوا ناسيين ان فيه فنون كتيرة احنا اللى مطلعينها .

متيجوا نطلع فنون متيجوا نطلع أفكار جديدة حتى جوة الفنون و ساعتها مش حلال و بس دى بقت أداة لتحريك النهضة .

فاضل الحقيقة نقطتين بسرعة :

هل هناك ضوابط لحرية الفن و لا لأه ؟

يعنى من الآخر فى رقابة ولا مفيش رقابة ؟

أنا الحقيقة عايز أقول كلمة بصراحة موضوع الرقابة دى فكرة جديدة فكرة نشأت لظروف سياسية و أمنية و ما كانتش موجودة قبل كده واللى أنا أراه إنه يترك لكل واحد يعبر عن ثقافته و عن فنه بالطريقة اللى هوا عايزها و تترك له كافة الوسائل للتعبير عن رأيه دون إنها تصادر و يكفل له كافة الضمانات ان هوا يعبر عن الرأى دوان بس يترك للرأى الآخر فى نفس الوقت حرية التعبير و الحجة و الكلام ده مش كلامى القرآن قال كلام إبليس و اتربى عليه و عقيدتنا يا مسلمين إن الحجة الأقوى يتسود إحنا منخافش على ديننا إحنا حجتنا قوية جدا جدا جدا و فى الآخر فمن شاء فليؤمن و من شاء فليكفر و فى الآخر بعد كده متخافوش أبدا عارفين ليه ؟ لأن ربنا حط قاعدة بدل الرقابة قال ايه ؟ ( فأما الزبد فيذهب جفاء و أما ما ينفع الناس فيمكث فى الأرض ) الغث حيطير و هوا ده حدود الرقابة انك تسيب الآراء تقول و احنا معانا أقوى حجة متخافش .


نقطة أخيرة أحب أقولها للفنانات التائبات و المعتزلات و الفنانين التائبين و المعتزلين

أنا أصلا معترض على كلمة تائبين و معتزلين

.

معترض على كلمة تسمية تائبين لأن دى حاجة بينهم و بين ربنا .

و معترض على كلمة معتزلين لأن ليه يعتزلوا إذا كنا احنا مبنصدق إن حد يفهم رسالة الفن يقوم يسيبها

{أقول حسبي الله ونعم الوكيل}
و يمشى أنا عارف إن هما بيتعرضوا لضغوط شديدة لكن جهادهم و صبرهم هوا ده ثوابهم احنا عايزين حد يمسك الرسالة دى و يطلع فن غير عادى و يطلع فن موافق لمرحلة النهضة اللى احنا فيها و منتج فى بلادنا مش مستورد من برة فيا فنانين ياللى فهمتوا رسالتكم دوركوا مهم جدا جدا جدا لا تائبين و لا معتزلين تائبين دى بينكوا و بين ربنا و ربنا يتقبل منكم لكن اللى احنا عايزينه منك إنتاج و إضافة .

فاضل حاجة أخيرة كلمة لشباب الفنانين

أنا عايز أقولكم طلبين أرجوكم احفظوهم خلى فنكوا مناسب للمرحلة اللى احنا فيها متستوردوش الفن انتجوا الفن هوا دى رسالة الحلقة خلى بالكوا الكلمتين دول و عايز أقول حاجة تانية أنا شباب كتير من شباب الفنانين بيقابلونى بيسئلونى و بقولهم دايما كلمة واحدة : خليك صاحب رسالة إوعى تعيش عشان تكون أرزقى إوعى تعيش عشان أكلة العيش إوعى تعمل فن عشان أكلة العيش أرجوك إوعى تكون أرزقى حتقف قدام ربنا يوم القيامة و حيقوللك : ألم أنعم عليك ألم أرزقك موهبة ألم أفتح عليك ماذا فعلت بهذه الموهبة

حتقولله ايه حتقولله يا رب أصل أنا كنت عايز آكل عيش أصل كانت الظروف صعبة و لا زم أعيش

هيقوللك : إنت معرفتش قولى و فى السماء رزقكم و ما توعدون فورب السماء و الأرض إنه لحق مثل ما أنكم تنطقون

يا شباب الفنانين هتفوا قدام ربنا و يقوللك : ضيعت الأمة طمست ملامح الأمة كانت طالعة فى سكة نهضة و انت اللى وقعتها عشان أكل العيش . حتقول لربنا ايه حتقولله ايه ساعتها

و تخيل و انت بحسرتك و انت بتعض على ايدك على أعمالك الفنية ياريتنى ما عملتها وقعت الأمة ميت سنة و تسمع ربنا و هوا بيقوللك : انت مسمعتش قولى أنه من قتل نفسا بغير نفس أو فساد فى الأرض فكأنما قتل الناس جميعا فما بالكوا باللى قتل أمة جرييمة حتقوله ايه .

أو تخيل فرحتك و هوا بيقوللك : أعمالك الفنية دي حتدخلك الجنة لأنك فوقت الأمة و أيقظت الأمة إذهب يا عبدى يا فنان فإنى راض عنك .تخيل فرحتك أو تخيل ألمك .

يا شباب الفنانين أرجوكوا خلليكوا اصحاب رسالة قبل ما تعمل أى عمل فنى إسأل نفسك بيخدم النهضة بيخدم المرحلة اللى احنا فيها ؟ آه كويس منتج و لا مستورد ؟ منتج موافق لقيمنا آه مستورد موافق لقيمنا هيطلع عشرة فى المية آه بس مش ده الأصل آآآه اسأل نفسك السؤالين دول .

أنا كده وصلت الرسالة اللى كنت عايز أقولها يا رب توصل للشباب و الفنانين و يا ناس ياللى سمعتونا وصلوها لكل فنان تعرفوه بالذات الشباب فى المعاهد الفنية و كليات الفنون التشكيلية و التطبيقية و الفنون الجميلة الشباب بتوع عمارة الشباب النحاتين يا كتاب الأغانى يا ملحنين يا مغنيين يا رسامين يا مخرجين يا كتاب يا مسرحيين يا كل من تعمل بالثقافة و الفن و الإعلام ياللى بتشتغلوا فى التليفزيون يا مذيعات يا مقدمى البرامج أرجوكم الأمة فى مرحلة عايزة تنهض أرجوكو خدو بإيدينا و شدوا معانا .

يعنى يقول الله تبارك و تعالى كلمة أخيرة للفنانين

( إن أحسنتم أحسنتم لأنفسكم و إن أسأتم فلها ) و يقول
( و تحسبونه هينا و هو عند الله عظيم ) خلى بالكم مطلوب ايه فى النهاية مطلوب نعيد صياغة الأحلام فى مجال الثقافة و الفنون و نبعت و الفنانين يبعتوا كلام جديد عشان ننزله فى التصويت مطلوب ايه تانى مطلوب مشروع محو أمية الكمبيوتر يشتغل بقوة و نبذل فيه الجهد مطلوب لكل الناس الموجودين اللى سامعيننى دلوقتى أرجوكم متقبلوش إن ملامح الأمة تطمس حافظوا على ثقافتنا و على فنوننا يا رب يكون كلام مفيد نشوفكوا الإسبوع الجاى السلام عليكم و رحمة الله و بركاته

( طبل و مزيكا )


وأنا أسأل مرة اخرى
كل ذى عقل و دين و إنصاف يغار على دين الله عز وجل
الذى ضحى من أجله النبى و أصحابه بدمائهم و أموالهم
يا مشرفين الخيمه الاسلاميه بالمنتدى
احبتي في الله
أينسب هذا الإنسان إلى الدعاة أينسب هذا إلى الصحوة أيرجى من وراء هذا خير؟
لو كان هذا فى زمن الخلفاء الراشديين لضرب بالنعال
هذا و الحلقة مليئة بالخزعبلات و هذه خاتمتها و من أراد أن يسمعها كلها فهى موجودة على موقعه - أبو مالك المصرى - ش -انا المسلم



*