هلأ جايي بالأخير تقلّي عن قلبي حلّي؟؟؟

[aboutaha]

يا زوجي جايي تقلّي

____________ يلّا عن قلبي حلّي

من حبك شبعت كتير

____________ بدي من بيتي تفلّي


وزعت الدرب مشاوري

____________ حتى قدرت توصلّي

مفكر لي حالك وزير

____________ أمّا شي صاحب طلّة

محتاج معتر فقير

____________ بجيوبك ما في غلّة

عاملّي شكلك أمير

____________ شايف حالك ومعلّي

ما بعرف ليش التغيير

____________ شو في بعقلاتك خلّة؟

قايلّي قلبك كبير

____________ بحب الصادق متحلّي

تاري كذاب وخطير

____________ خليت بقلبي علّة

هلأ جايي بالأخير

___________ تقلّي عن قلبي حلّي؟

بحقوقي منّك قدير

___________ خليتك مهري تغلّي