من المســـئول ؟؟؟

[أبو أشواق]

السلام عليكم

كيف الشباب و الصبايا؟؟ الحقيقة انا احب اطرح الموضوع التالي للنقاش هذا اذا كان ما انطرح قبل انظمامي للخيمة و امل من الجميع المشاركة في النقاش ...... والموضوع هو :

المعاكسات في الاسواق ...من المسئوول عنها الشاب ام الفتاة؟؟؟

اتمنى التوفيق للجميع ....

و تقبلوا التحية

[تحدوه البشر]

وخر بس

انت المسول عنها ولا فيه احد غيرك ايه انت ولا وشوله تسوي كذا

ذكرتني الي على بالي وناسيني .. على طاري المغازل يقولك باخر الزمن البنات هم الي بيرقمون والشباب هم الي بيترقمون (الله يالدنيا)

المسعول عن هالمشكله العويصه :............

كل واحد يرقم وكل وحده تنترقم وكل بيت يخله بناته ينترقمون وكل واحد يخلي عياله يرقمون وشركه الاتصالات لانها خلتهم يكلمون

انت جب ذبيحتك واعلمك من المسول

[*******بنت النور****]

ها ها ها ها ها ها ها ها ضحكتونى ياشباب 2002

الله اعلم من اللى يرقم الثانى

اللى مايصدق يشوف بنيه الا وهو ماشاء الله عليه ناط تقول هذا متأخر على الامتحان النهائى هههههههه

المهم يلزق فيها ويجدع عليها الرقم ولا يعطيها ذيك الغمزه الله بعدها


يجيه كف يلعن أبو المغازلت............... ياحرااااااااااااااااااام


الزبده >>>>>>>> الشباب هم المسئولييييييييييييين

اقول العاشق وتحدوه البشر ما تبونى اعلمكم وشلون تبهرون الذبيحه

ولا هونتوا عشان الشروط ...........ههههههه

[حنــــــو نة 84]

السلام عليكم اخو ي العاشق00
موضوعك جدا مهم و انا يضربني على الوتر الحساس00يعني انفعل فيه

هههههه الله يعينكك علي
اخوي العشق00المعاكسات في الاسواق لها متهمين و منشئين00
البنت + الولد00
1- البنت لما تلبس عباية ضيقة على جسمها و كانها فستان عرس و ماهو عباية و غير النقشة اللي عليها الملونة00و الطرحة الشيفون الملفته و النقاب اللي كانه شارع عام شكبرة و العيون مكحلة من اول العين لاخر العين00طبعا هذا احنا البنات نظرنا يتحول على طوول لهالصنف من البنات و نقعد نطالع فيهم00عاد طبعا لا تنسى العطر اللي ينشم من بعد ميل00( ما ابرأ نفسي منهم اني ما البس عباية كتف00البس ولكن لله الحمد عبايتي وسيعة و مافيها زحرفة ولا شي يلفت00عارفة انها ما تجوز بس شي اهون من شي)
هذا اللي قلته ماهو السبب الأول للمعاكسة00يمكن من اهم الاسباب و اقواها لكن التربية هي اهم شبب للطرفين00
البنت لو اهلها كانت رقابتهم عليها قوية ماكانوا سمحوا لبنتهم تتزين للسوق و للغرباء و تطلع مفاتن جسمها امام الناس00
و الولد لو كانت عنده غيره على محارم الناس و خوف على بنات الناس و اهم شي احترام لنفسهم و هذا اللي هم ناسينه او متناسينه على شان ناستهم00و ( زعاطتهم) 00ماكان تعدى على حدودة و كلم بنت عمره في حياته ما شافها ولا شي00
في سبب يخلي الشباب يعاكسون البنات وهو سبب تحس فيه و تشوف عقلية الشباب المحدودة و نطاق تفكيرهم اللي ما يتعدى اللي قدامهم00طبعا انا ما اعم كل الشباب00الحمدلله في شباب والله ان نستحي نمر من عندهم من كثر احترامهم و ادبهم00
مثلا يكونون قاعدين في جلسة شباب مع بعض00و يقوم واحد خلف الله على عقلة و يقول : اتحداك تغازل بنات او انت اصلا مو رجال للحين طفل ما تعرف تغازل00و طبعا الثاني الطرف الثاني اللي يسمع له الرجولة عنده تتحرك و يعصب و يقول مين يقول اني طفل راح اثبت لك اني رجال و ارجل منك بعد00في اليوم الثاني او في نفس اللحظة بعد يكشخ و يروح السوق00او اي مكان في بنات00المساكين البنات يمشون في حالهم00يجيهم هذا بكل وقاحة و يكلمهم و يقول لهم: تبون الرقم؟ ههههه ما اعرف ارقم هههه هذا و انا بنت بعد الحمدلله اني مو ولد-000هههههشوف التفاهة في العقل و المستوى بس00يغازل البنات و يأذيهم عشان تحدى بينه و بين صاحبه!!! ايش هالتفكير00
بعضهم او اغلب المغازليين زي الذئاب طبعا يبون البنت عشان غرض يسود الوجه00
في هالحالة 00فئة البنات تنقسم لقسمين00قسم مثل ما نقول يعطيهم وجه لأنهم والعياذ بالله فيهم هالشي انهم يحبون اللعب او بايعين سمعتهم فيتجاوبون معاهم00اول شي: نظرة من بعيد لبعيد00ثاني شي: تسوينفسها ثقيلة00ثالث شي يقرب منها و يعطيها الرقم مع مدحة على الطاير-00و يبدا المشوار الحلو في نظرهم00مكالمات في انصاف الليالي00طلعات والله يستر عليهم و على المسلمين الاماكن اللي يروحون لها00و النهاية؟؟!! النهاية مكشوفة من الاول اصلا ما يبيلها ذكاء و عبقرة اصلا00

اما القسم الثاني واللي ولله الحمد منهم00
اللي ما يرد عليهم ولا يعيرهم اي اهمية مهما قالوا و مهما تكلموا زي الجدار00
صدقوني يتكلم و يتحرش من الصبح لحد ما يتعب ولكن ما في اي اجابةو اذا زادوا اروح اقول لأمي اذا كانت بعيدة عني شوي او ماكانت منتبهه00في هالحالة امي تتصرف احسن من اني اتصرف00ترى مو شرط الولد يتحرش في البنت لأنها كاشفة او حلوة او ضعيفة او شي00بس كذا مزاجهم يقول لهم غازلو!!!
بس المجتمع ما يرحم ابدا00لما ولد يعاكس بنت00و البنت ما ترد عليه00و بالصدفة تمر (مرأة ) او اي احد 00و يشوف الموقف00ماراح يقول ان البنت ما تبي اللي يعاكسها و ما قاعده ترد عليه00را يقول0البنت اصلا قليلة ادب والا ليش00و يبدا يطبع العيوب اللي فيها00مثلا ليش ماشية لحالها في السوق؟ ليش لابسة عباية كتف ليش و ليش00
و ينسى الشاب الواقف و راز طووله و عرض و بكاامل كشخته انه واقف ورا البنت00
مشكلة يصعب حلها والله00

نتعب نفسيا لما نتكلم في هالشي00


على هالكلام اللي قلته كله00احس اني ما قلت ولاشي يعبر عن ربع اللي فيني00
صعب لما تعيش في مجتمع مسلم و هالشباب و الشابات يخربون الجو اللي فيه00

و قبل لا انسى00طلعة البنات بدون احد كبير معاهم اهم سبب يخلي الشباب يتجرؤوون على البنات00

لاحظوا اني ما قلت طلعتهم بدون محرم00لأن الحين مافي محرم يطلع من اهله الا في بعض الحالات00ما انسى يعني بعض العوائل اللي محارمهم يطلعون معاهم لكن الواقع اليحن غيير00الرجال في همه و شغله و طلعاته و الحريييم مساكين ما عندهم احد يوديهم السووق و مشاويرهم00السواق هو البديل



تعبت ههههه

شكرا اخوي على موضوعك المهم


تقبل تحياتي
حنونة

[أبو أشواق]

السلام عليكم...

اختي العزيزة حنونة ... حفظك الله و رعاكي ... كفيتي وو فيتي بارك الله فيك ..... انا كل اللي كنت بلقوله قلتيه.

اخوي تحدوه البشر المفطح الى الحين ما استوى و بنت النوور عيت تعلمني .... شاسوي ؟؟

و تقبلوا تحياتي

[حنــــــو نة 84]

اخي العاشق00
شكرا لك اخوي احرجتني