لأول مرة زواج في الخيمة العربية .. - صفحة 4

ابو البراء · #31 27-08-2003, 05:09 AM

لم أتوقع أن يكون الموضوع بهذا الشكل فقد اعتقدت أن الموضوع يتحدث عن التزويج الفعلي و لكن بالتأكيد سيكون له صدى طيب إن احسنتم استغلاله و ها نحن نرى أول قطافه من خلال :
س / هل تقبلين أن يكون مهرك خمسة آلاف ريال فقط ؟

ما أبي منه إلى ريال فضة بس علشان نطبق السنه

طيب ياعروستناهل تريدين من زوجك أنه يحبك حبا يطغى على حب والدته ، بمعنى أنك نغارين من أمه وتحاولين إبعادها عن زوجك بكل ماتستطيعين ؟

إن ماله خير بأمه ماله خير فيني

و إن سمحتم لي اسأل : إذا غضب زوجك منك ماذا تفعلين ؟

همسة العنا · #32 27-08-2003, 05:54 AM

جـ : اتركه لفترة بسيطه يسترخي ، وبعدها اناقشه

إن كان الغلط على اعتذر له وما اكرره

علشان مايرد يزعل مني .

أطياف الأمل · #33 27-08-2003, 07:09 AM

هلا وغلا بمرت اخوي

والله أنا وحده ما في مني اثنين فاخوي اكيد ما يشبهني

المهم ..
خليني أسألك الحين كم سؤال .. واتحملي أسالتي ..

(س1) : على أي أساس اخترتي عريس الغفله ؟ ايش هي المقومات اللي تختارينه على أساسها ؟ علشان منصبه او اسمه او عايلته او عشان شخصه ؟؟

(س2) : كيف تنظرين لأم زوجك ؟؟ وعلى أي أساس تعاملينها ؟؟ ولو كانت ام زوجك (لا سمح الله) تأذيك أو تسيء معاملتك ..بتعاملينها بالمثل ؟

(س3) : تتمنين زوجك يكون غني وجاهل والا متعلم وفقير ؟؟

(س4) : لو زوجك تزوج عليك وش بتسوين ؟ (الله لا يقول)

(س5) : إذا زوجك جار عليه الزمن وصار بلا وظيفة.. وبعد ما كان غني صار مايلقى الريال .. ايش بتسوين عشان تساعدينه ؟

(س6) : لو غلط عليك زوجك ولكنه رفض الإعتذار .. تنسين له اللي سواه وإلا تظلين تطلبين اعتذاره ؟

(س7) : ايش اللي تتمنيه من عريسك

؟

وبس لو جا ببالي أسأله ثانيه بكتبها على طول

دايم العلو ..
ما عليك بتجيك الـ 500 وفوقها زياده

اما بيانات اخوي ابرسلها لك ان شاء الله ..
(شفتوا أن الموضوع خفيف دم وحلو ؟؟ والله انكم ظلمتوه )

دلع

دايم العلو · #34 27-08-2003, 08:58 AM

أخي أبو البراء : أهلا بطلتك علينا هنا في الخيمة ، وأشكر لك مشاركتك ، وسوف نستغل هذا الموضوع بمايعود على الجميع بالفائدة إنشاء الله ، بمشاركتك ومشاركة الإخوان الطيبين أمثالك نصل إلى الهدف المنشود .

دايم العلو · #35 27-08-2003, 09:02 AM

أختي همسة العنا : من خلال إجابتك السابقة على أسئلتي وسؤال أخي أبو البراء ، يتضح انك جمعتي كل النقاط التي تؤهلك للوصول إلى زوج صالح بإذن الله ،، أسأل الله أن يجيبه في أسرع وقت ، عشان أعقد بينكم وآخذ الخمسمية ...أنتظر أيضا أسألة بقية الأعضاء ..

دايم العلو · #36 27-08-2003, 09:07 AM

أختي دلوعة بابا وهقتيني بهالموضوع وتبين توهقين الضعيفة بخويك بعد

ماعلينا ... بالنسبة للأسئلتك للعريسة تراها واجد ، ومن شروط طرح الأسئلة هنا أن يطرح سؤال واحد فقط لكل رد حتى تتم إجابته من قبل أحد العريسين،،

أما بالنسبة لمبلغ كتب الكتاب فهو خمسمية بس حاليا قابل للزيادة ذا كثروا العرسيان ....

همسة العنا · #37 27-08-2003, 10:04 AM

هلا والله بخت رجلي

أجل إلى صار موب مثلك ما أبيه ، ننسى الموضوع .

وبقولك المهم

تدرين إن هذا الموضوع يا دلوعة بابا

موضوع جداً رائع ويفيد كثير من البنات وأنا الأن

تحت الفحص الدقيق ، همن تبي تصيرين عقبي وياليت كل البنات

إلي بالخيام يشاركون لأنه بالأخر بنطلع بمعلومات نفتقدها

أو نكون غير ملمين بها صح ... ولا

يالله بسم لله

( جـ 1 ) شيء أكيد أبي شخصه وأي شيء ثاني ماأبالي به .

( جـ 2 ) أم رجلي أمي مهما كان ولها الحق مثل أمي .

( جـ 3 ) متعلم صح وبقوة بعد ، والفقر موب عيب .

( جـ 4 ) باقول أمر الله ، وأكيد قصرت بحقه واجبه وأستمر معه .

( جـ 5 ) أكيد مثل ما أحبه يحبني ، وماراح اطلبه يعتذر

بس ممكن أخليه بطريقه غير مباشره يبتسم وبكذا انتهى الموضوع .

( جـ 6 ) اتمنى طبعاً مثقف ، ومتحضر فكرياً ، وغيور ، ودمه خفيف

وقلبه أبيض علشان يشوفني على حقيقتي بدون مؤثرات ،

ولسانه ما يلفظ الشين ، وأحب الرجل إلى يعمل ويحب عمله بقوة

وبصراحه اتمنى يكون شخصيته قويه يامر وينهي واقوله لبيه .

أبد أنا احتري أي سؤال ، بس حضري روحك يا دلع .

وياليت المأذون مايبدي رايه إلا عقب ما تمر الأسئله

على كل مين تبي تخضع للفحص علشان ، هو دايم العلو

وما نبي نفشله ، نبي نخليه مأذون شرعي ناجح وعالي

وتحياتي

همسة العنا · #38 27-08-2003, 10:26 AM

المأذون دايم العلو

يا أخوي ما نبي الحين تقول رايك وزيه شوي

همن ناظر مين بتكون زوجه ناجحه

إنت موب ذابحتك غير هلـ 500 ريال ياكافي

اصبر وبتاخذ رزقك ، وإن ماخذته مقدماً

لا تكتب العقد ولا بعد تقرأ الفاتحه

بس إنت سمي ويصير خير

وبيمتلي مخباتك قروش

وبعد بتأخذ بشت ملكي ،وخمس تولات دهن عود حر ،

وبتاخذ خمس نياق ، وعشرة خرفان ، وبعد تستاهل أكثر

وش رايك بعد ، بونيت هاي لوكس .

بس إنت قول يالله ياكريم كثر العروس

وزوج كل البنات

العنـيـــــــــــــد · #39 27-08-2003, 12:11 PM

ماشاء الله تبارك الله
زوجتوني وطلقتوني وانا ياغافل لك الله

لكن هين
بيت الطاعه جاهز يدور شكاوي

كوكتيل · #40 27-08-2003, 02:49 PM

حلوه منك أخوي دايم العلو ..

أجل غيرت إلى مأذون أنكحة

لا .. لا .. لا

المفروض أول واحد تبحث له عن زوجة كوكتيل

نعم .. لان المتزوجين هم بأمس الحاجة للفرفشه !

العزاب ما تفرق معهم <== يرفع ضغط العنيد

على العموم ..
النت عندي دماااااااااااااااار
بالكاد تفتح الصفحة و أنا قريت الموضوع من الأخير
خل اشيك و أشوف الطلبات و الاسعار و ارجع لك

يا شيخ