{ قصـــايد أعجبتني }

[كرامـ CaRaMiLlA ـيلا]

صحيح إن السحــاب .. انتــي


********
صحيح إن السحاب ... انتي
و أعشاب الربيع ... انتي
و أجمل من على هذا التراب ... انتي
.. وفي عز الليل لو بنتي..
يطير الصبح..من كف الربى عصفور
ولكن الليالي تدور..
كفاك ... غرور

سقاني صوتك البارح .. مرار الحزن والترحال
صحيح ان البحر مالح ... ولكن العطش قتّال
سألتك يا ظماي...أمطار
سألتك عن هواي ..أخبار
سألتك كلمتين أعذار...ولكن ما تعذرتي
وحقك لو تكبرتي..

صحيح ان السحاب ... انتي
و اعشاب الربيع ... انتي
و اجمل من على هذا التراب ... انتي

أنا جرح... وحنين وهمس...
و قلب ينبض بصدري
ولا ادري من حبيبي .. الشمس
ولا ودي بعد أدري
يكفيني دفا انسان
يشاركني فرح و أحزان
ونورك في السما لو بان
اشوفه ..مثل كل الناس
و احسه..مثل كل الناس

صحيح ان السحاب ... انتي
و اعشاب الربيع ... انتي
و اجمل من على هذا التراب ... انتي
.. وفي عز الليل لو بنتي..
يطير الصبح..من كف الربى عصفور
ولكن الليالي تدور..
كفاك ... غرور

********

تحيتــي

[نور الحياة]

هـــــــــــــــــــــــــــــلا بــــــك

هلا بك كثر مارحتي واحرقتي كثير قلوب
وهلابك كثر ماجيتي وفتحتي كل ابوابي

دخلتي مع وريد الدم وصار الدم فيك يذوب
وتوزعتي على كلي وصرتي كل احبابي

ترى ذنبي مهو ذنبي انا عندي كثير ذنوب
ادور للفرح بسمه تلوّن بأسمها كتابي

ولقيتك ترسمين الحب لوحه تبتدي بغروب
كيف ألقاك؟ أوصلك وغروب الحب بغيابي

وجودي والأمل قصة شعور الحب والمحبوب
أحيى به وأشعر به ويشعر بي ويحيى بي

تعاهدنا بدون اسباب نقطع دربنا المكتوب
وقضينا وقتنا نحلم بأسبابه واسبابي

خيالي معظمه واقع والواقع انا المغلوب
فديت الحب , وأيامه بتعذرني عن عتابي


للشاعر :: مناحي المقنع

[الوافـــــي]

قصيدة كتبتها ( بنت )

شنبك اللي تفاخربه..ترى اللي جابته حرمـه

تصيح تقول يا ( حرمه )،تحسب إنك تعايرني!! ... شنبك اللي تفاخربه..ترى اللي جابته حرمـه
تصدق كذبتك دايم ،، مبادئ حيـل تقهرنـي ... (نقص عقلك مع دينك)،،ترى مليت هالكلمـه
ياجاهل فتح عيونك..ياويلك لو تصاغرنـي ... غضب،،تهديد،،وإستلمّه..وسمّه اللي تبي سمّه
أنا مليت من ظلمك يا(آدم) وش تصورني!! ... أذا إني ناقصه بعينك،،وداعي منتهي الحكمه
تراني ساكته بكيفي ،، نصيحـه لاتفجرنـي ... غضب شيطان ماميز ،،مابين الخال والعمـه
عيوبي طيبتي وقلبي..حنان وشوق يجبرنـي ... علي عكسك تجي قاسي وكلن راضي بسلمه
حسافه وقتي الفايت،،تذكّـر يـوم تِسهِرنـي ... علي قولة انا عاشق وحبك صابنـي سهمّـه
تذكّر يوم لي تركض ،، تقول يازين آمرنـي ... علي سنة رسول الله أشيل الحمـل وآزمّـه
فرحت وقلت هذا اللي أبي في ظلّه يسترنـي ... اذا ضاقت بي الدنيا،، مسح دمعاتـي بكمـه
ابي انسى به الدنيا وابي بالحـب يشعرنـي ... ابيه يكون لي فرحـه اذا زاد الزمـن همـه
لكن للاسف غلطه وهـم كـذاب ساورنـي ... جزاتي والثمن عمري..وقتلت بخافقي حلمـه

الشاعرة / شقاوية

مع إنها صدقت في كل حرف
لكن " اللهم حوالينا ولا علينا "

[الوردة الندية]

( المدينة و الغريب )


جاء يشوف الحال كيفه بعد ما هزه حنينـه
وقبل يسألني سألته كيف حالـك يالحبيـب

قال أنا كني غريبٍ ضيّـع أدروب المدينـه
قلت أنا كني مدينه تنتظر رجعـة غريـب

قال اجل وش فيك تكره سيرة الحب وسنينه
قلت اجل وشلون ما اكره سيرته دامك تغيب

أنت لامن غبت حتى مرايتك صارت حزينه
كيف ما تبغاني احزن وانت لي حظ ونصيب

الهدايـا والرسايـل والمكاتيـب الثميـنـه
والليالي والقمر والريـح والكـون الرحيـب

كل ما تبعد تجيب ليّه الشعـر مـن يدينـه
وتقعد جروحي تودي فـالطواريق وتجيـب

يابعد كل القصيـد ونـزوة إحـداه وأنينـه
لاذكرتك لاح بيت وطاح ورد وفاح طيـب

وان نسيتك مانساني صوتك المبحوح لينـه
ياخذ لجرحي بثاره من خطايـاك ويطيـب

وبعد هذا جاي ترمي ذنبك بوجـه المدينـه
ما دريت إن المدينه كلهـا شمعـة غريـب


للشاعر/ فهد المساعد

[سطام بن أحمد]

يعطيك العافية أختي

ما شاء الله تبارك الرحمن

شيء طيّب الحقيقة

[همس الأحاسيس]

جمرة غضى

[poet font="Simplified Arabic,5,white,normal,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=5)"]
جمرة غضى .. أضمها بكفي
أضمها حيل حيل
ابي الدفا .. لو تحترق كفي
وأبي سفر لليل
بردان أنا تكفى .. أبا احترق بدفا
لعيونك التحنان .. فعيونك المنفى
جيتك من الأعصار .. جفني مطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان انا تكفى
يا اول الحب .. شفتك أنا مره
اهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآآه ي الحنين
لليل له حارسين
برد وسحاب
وبردان .. بردان أنا تكفى
لعيونك التحنان
وعيونك المنفى
[/poet]

بدر بن عبد المحسن

[همس الأحاسيس]

[poet font="Simplified Arabic,5,blue,normal,normal" bkcolor="transparent" bkimage="backgrounds/8.gif" border="none,4,gray" type=2 line=200% align=center use=ex length=0 char="" num="0,black" filter=""]
ضاعت أوراقي على وجه المكان = والزمان أقرى على وجهه احروف
والقصايد من ضنا العاشق يبان = في العيون برمشها يرسم عزوف
وان لبس عيد الفرح ثوب الزمان = يا عيوني وش نخلي وش نشوف
الحبايب ما لهم عهد وضمان = كل شي راح في حكم الظروف
من يعيش بعز ما يرضى الهوان = رغبتي ما تكسر اعزاز الشفوف
لا تروح ابعيد يا الغصن الليان = تصفق الحره على فقدك كفوف
[/poet]

بندر بن فهد

[غــيــث]

[poet font="Simplified Arabic,5,deeppink,normal,normal" bkcolor="deeppink" bkimage="backgrounds/3.gif" border="none,8,gray" type=0 line=200% align=center use=ex length=0 char="" num="0,black" filter=""]






غيبوبتي طالت وحلم العمر طاف

وهـمّ التعاسة في مكاني رماني



أضحك وأجامل والحشا يرعف رعاف

مـتبعثرٍ مابين قـاصـي ودانـي



ماتت جماهير الأمل قبل تنشاف

ومستقبلي من قبل أزوره جفاني



وليلي طويلٍ ماله حدود وأطراف

والصبـح ما بيني وبينه موانـي



والموج يهزا بي وانا بدون مجداف

متغربـلٍ واليـاس حـلّ وطوانـي



مانيب شاعر ينظم الحرف والقاف

أنا قصيـدة و أبدعتها الأمانـي



على مساحاتي صدى الحزن عزّاف

وعلى جراحي تستريـح الأغانـي



شيٍ بجوفي ما درى فيه شفاف

ولا كل من يقرا الملامح قراني



وين السعادة ودربها كله إجحاف

لا راح هـمّ ... جدّ هـمّ ودعانـي



كنّي مطية للشقـا بين الأجـلاف

لا روح تفـهمني ولا قلـب حانـي




[/poet]

أسير الشوق

[همس الأحاسيس]

حالمه

[poet font="Simplified Arabic,5,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=5)"]
حالمه وابعاد تفكيرك خيال = في هجير الشمس ما تلقين فيّ
يوم عشتي من حناني في دلال = تحسبين إنك ملكتي كلّ حي
لو تندمتي وناديتي تعال = ما تغير صرخة احساسك علي
كيف وانتي للكبر صرتي مثال = وانطويتي بدنيتي أحلام طي
غرّك احساسي وتحقيق المحال = لا بغيتي شي خذتي كل شي
الغرور يحطم جسور الوصال = يعمي عيونك ترى عن كل ضي
الغلا له حدْ يا بنت الحلال = خففي من كبرك الزايد شوي
[/poet]

فهد محمد السماري

[الـــــــــريم]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=left use=ex length=0 char="" num="0,black" filter=""]
اشتكي لوسادتي دنياي واسمعهاتنوح=
كنها بعضي وبعضي وين هو منهو معه
[/poet]
احسنتي اختي همس قصائدك المختارة رائع وتنم عن حسك الشعري المرهف

اما بالنسبه للبيت اللي سألتي عنه هو للأمير الشاعربدربن عبدالمحسن

ودمتي يااحلى ريم انا احب حيل حيل اسم ريم