بنت واللا ولد ؟؟

[يتيم الشعر]

جاءتني الرسالة التالية على إيميلي :



سالفه معكوووووووووسه







يعني تتفاجأ في يوم وانت قاعد تقرا كتاب رومانسي و مشغل اغنية رايقة و سرحان في حبيبة مجهولة , الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع.
ترد انت بكل خوف : خير يمه؟
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟
ثم تنزل انت راسك في الارض و تلعب باصبعك في شعرك (او شنبك) و ترد و انت مستحي و خدودك حمرة (هذا اذا كنت محلق اللحية) و تقول:
الشور شورك يا يمه إهئ إهئ
تقول امك: انا بصراحة ما اشوف في البنت شي. ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف السفر و الخربطة و ما تشرب خمر و لا تروح لاستراحات البنات. يعني بنت ما عليها.
تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)




تقول امك: هي شافتك و انت نازل من باص المدرسة بس و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)




و تراها هي و امها جايين يوم الخميس علشان يشوفونك.
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ وش يعشينا.
تقول انت :اللي تشوفينه يمه.
وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع و تقول : اه اخيرا حست و خطبتني. ( لا لا لا والله ما يصير بس بكمل)




و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (ميش) و تحف حواجبك و تشيل شعر يدك و رجلك بحلاوة و تطلع زي فلقة القمر






وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر و بدون اكمام (جبانيز) و ذاك المكياج وذاك العطر و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي
ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي




و تاخذ صينية العصير و تخش المجلس اللي فيه البنت و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك)
و تقولها تفضلي
تقول هي: وش الاحاى العصير الاحمر و لا الاصفر؟ بزعمها تبي تلطف الجو معك
تقول انت: كله حلو
تقول هي: اكيد كله حلو لانك انت اللي مسويه
ثم تحط الصينية بسرعة و يدك على فمك و تضحك و تروح داخل بسرعة
الا اخوانك يستنونك و يقولون: ها وشلون شكلها
تقول انت: واي واي تهبل تهبل حلوة و دمها خفيف و ذوق اهههههه
الا ابوك من المطبخ يلولش (يزغرط بالمصري) لللللللوووولللللوووووشششششششش مبروك يا ولدي






الا بدخلة اختك العربجية من بره و حاطه عبايتها على كتفها و معلقة السجارة في فمها و تقول : خير وش فيه
يقوله ابوك : قصري صوتك في وحده داخل خطبت اخوك
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن امها اللي جايه تخطب اخوي
الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات .




و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)






و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود و سارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر
ثم تلف وجهك وانت مستحي




و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم
وتطلع من المستشفى الى بيت اهلك علشان ينفسك ابوك ( النفاس 40 يوم)
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك
و ترجع لبيتك تربي عيالك و تطبخ الغدا لزوجتك
وتتخانقون ساعات و تنام و دمعتك على شنبك
ويزيد حدة الخلاف و تاخذ شماغك و عيالك و تروح لبيت اهلك
و تصلح امك ما بينكم و ترجع الحياة مثل اول.
لا لا لا لا لا لا لا لا لا لا والف مليون لا
انا انتحر احسن لي
مانيب قادر اكمل
هل يا شباب تخيلتوا في يوم انكم تقولون : واي واي يهبل






فبماذا أرد ؟؟

[ALAMEER99]

بسم الله .... وبه نستعين
أما بعد :-

أخي / يتيم الشعر .... تحية طيبة

ربما يكون أكثر ما أوردته في الموضوع ( ممكن الحدوث ) ...
ولكن
توقفت عند هذه ولم يبق لي إلا أن أقول ( ياي ياي )

و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم

هذا الشيء هو المستحيل بعينه ( الله يهديك ) ما يسير
وصدقني أضم صوتي لصوتك وأقول ..

لا لا لا لا لا لا لا لا لا لا والف مليون لا
انا انتحر احسن لي

جزاك الله خيراً فقد أضحكتني في وقت كنت محتاج فيه إلى ذلك ...

ودمتــــــم ،،،،

[ألوان]

حياكم الله جميعا.....

ياخي شقيت بطني من الضحك....والله حالة آخر زمن..

بس تصدق عجبتني (عبدة شولق) و(البسام بصمة خمسة)

وبعدين مافي داعي ترد انا لو واحد قدامي زي كذا ماغير اصفقه طراقين

اخليه يوحد بالله

وسلامتكم

[عسى&ى&ى ماشر]

هههههههههههههههههههههههههههههههههههههههههههههههه

والله قويه

بس من جد اخت الولد نشميه

بتطق البنت وتتوطا ببطنها

ما عندها لعب

تحياتي اخي يتيم

يعطيك العافيه



سلام

[يتيم الشعر]

تحية مخلصة للجميع

لا تأخذوا عني فكرة خاطئة لكن ..

الميوعة تستشري في بعض المجتمعات وبين طبقات معينة من اناس أحياناً وهذا ربما يكون نتاج تربية من نوع معين .. تربية حشود الخدم الغفيرة وعدم الاعتماد على النفس و تخويف الأبناء من القيام ببعض الأمور الجريئة أو التي فيها شيء من المخاطرة أو الاحتكاك بالآخرين .. وكل ما أخشاه أن يأتي يوم تتحول فيه هذه القصة إلى حقيقة !!

[يتيم الشعر]

قبل فترة من الزمن كنت أشارك بهكذا مواضيع من باب إدخال السرور و إبعدا الغرور لكن وحال أمتنا في هذا الظرف الراهن هكذا فأعتذر لكل من طالبني بمعاودة هذه الكتابات في الوقت الحالي ..

[العسكري]

مساواه حتى في هذي

تشكرات أفندينا

[العم صابر]

هذا الكلام فيه الكثير مما يحدث الآن على أرض الواقع من التخنث والميوعة من شباب هذه الأيام ..

[يتيم الشعر]

أشكر الجميع على المشاركة وعلى النجمات الخمس ..

[حاير]

لا يا عم صابر كلامك شديد على الأولاد بس لكن السبب الأساسي هو البنات وليس الأولاد .