جديد في الماسينجر

[العم صابر]

طريقة جديدة عليَّ ما كنت أعرفها لكنها مفيدة جاتني على الإيميل و أتمنى تكون مفيدة لكم كذلك :

مساكم الله بالخير ...

والله مدري مين راح يقرأ موضوعي ... لأن كل الناس مسافرة ، ما ينلامون الحر السنة ذي موب صاحي

المهم اللي سافر ... نقوله ترجع بالسلامة واللي منرزع هنا ... نقوله خيرها بغيرها وشغل المكيف الصحراوي علشان فاتورة الكهرباء ما تصير كايدة وتراهم يمدحون الصحن الدوار بملاهي الحكير والمفاجأة الثانية إنهم رجعوا الجاموسة اللي بخمسة أرجل لحديقة الحيوانات اللي بالملز . بعد طول غياب تجمدت على إثرها الحركة بالحديقة وقلوا الزوار والمصطافين ، مما جعل الناس فاضيين وقاعدين ببيوتهم وما عندهم لا شغل ولا مشغلة ما غير شغالين غيبة وتجسس على الآخرين ، ومن بين طرق التجسس هذي : انهم يروحوا لمواقع تعلمهم اذا كان أصدقائهم متواجدين على الماسينجرات والا لا ، وشوف المصيبة اذا اكتشف واحد عن طريق ذي المواقع ان صديقه متواجد على المساينجر وبنفس الوقت يشوفه اووف لاين عنده بالماسينجر ، وش تتوقعون يصير طبعاً النتيجة أو أو وطبعاً ماصار في حظر لأحد .. كله خوف من عواقب الحظر بسبة ذي المواقع ، طيب وش الطريقة ، وشلون الحل ، كيف السبيل عندي الحل وأنا أبو هندي فقط تتبعوا معي :



1- نروح للقائمة ونختار أدوات (Tools)



2- بعدين نختار خيارات (Options)



3- نختار الخصوصية (Privacy) ونحط علامة صح مكان الدائرة الحمراء وموافق والا OK وخلاص قضينا على خير طبعاً ذا الكلام مع الماسينجر اصدار 6 اللي عنده غيره يدور على أي أحد يشرح له

أنا عارف ان الإسلوب دمار وقروي بالحيل بس أهم شي المضمون والأخلاق

سلملم