كلنا بالهوا سوا

[daimon x96]

سلامات

من جمعتين ، توفت صديقة لي عرفتها باسم woodie
ولكن لم اعرف خبر وفاتها غير البارحة ،

اولا قبل ان ابدا اتمنى ان تقرؤا سورة الفاتحة عن روحها ..
كما واتمنى الدعاء لها ...

تعرفت على هذه الفتاة من كورال قد شاركت فيه ، وبما ان الشكل الخارجي كان وما زال يشدني الى الفتاة والى اي شخص، ، فلم نكن تلك الصحبة في الكورال ..
ولكن بعد ان تركت الكورال كنت اتكلم معها على الانترنت مما جعلني اتعرف على العمق في تفكيرها وابداعها والشي الذي يسمى بالجمال الداخلي اكتشفته فيها !!

هذه الفتاة التي كنت اعتبرها قردا من شهرين الان اعتبرها ملاكا ، وصديقا وفيا قل ما تجد مثله هذه الايام ..

سيستغرب البعض لماذا اكتب هذا الموضوع هنا !!!!
هل لاقول لكم اننا لا نلاحظ الصفات الحسنة الا عند الفراق ؟؟
او ربما لاجلب اليكم الياس ؟؟

كلا،،،،،،،،، مش هيدا هدفي

هدفي هو التذكير، فعندما عرفت الخبر ، قالوا لي صفاء ماتت ، فانا استغربت وقلت مين صفاء ؟؟؟
فقالولي صفاء في مجموعة ال alto
فكنت ابحث في عقلي عن بنات كبار بالسن ولكن لم اجد !!
لاني كنت مستبعد انو بنت صبية تموت بعمر العشرينات .
بس لما قالولي انها كانت تعرف باسم وداد و وودي (woodie)
اجتني الصدمة صدقوني لو ما كنت بمكان عام لكانت الصدمة تحكمت بي ، بس يللي خلاني اتحكم فيها انو كنت بمكان عام ، وانا من النوع ما بحب اظهر مشاعري قدام حدا !

المهم انصدمت صدمة كبيرة ، مش لاني عرفت سبب انها ما كانت تطلع اون لاين ..
لا ،
بل لاني شعرت انها رسالة من الله ، رسالة تبلغني بان الموت لا يفرق بين صغير وكبير رسالة تقول لي انو الانسان ممكن يموت باي لحظة رسالة تقول لي انو ما نستبعد الاشياء ابدا وانو كل شي معقول يصير ..

ومن تلك اللحظة حتى الان وشريط حياتي يعرض الف مرة في الثانية امام عيني ..
انا انسان مؤمن وبعرف انو الموت حق وانو كلنا ممكن نموت ، بس كنت افتكر انو بعد بكّير عليي ،
وحتى الان تراودني افكار بانو بعد بكّير ، بس هيدي الافكار مش قوية متل الاول .
ما بعرف !!!!
كل يللي بعرفوا انو نبضات قلبي اكيد غير عن الاول .
وانو عقلي مش عم اقدر افكر فيه .. حاسس كانو صار تقل على راسي ،
من كتر الافكار يللي عم تاخدني وتجيبني ..
حتى نفسيتي تغيرت ، كل شي فيني اتغير ..
قاعد وعم اسمع هيدي المعزوفة من البارحة على امل اني انسى وارتاح بس مش عم اقدر !!!

مش عم اقدر خلي حالي انسى انو لو انا هلأ متت شو رح يكون مصيري ؟؟
يا هل ترى شو رح قول لربي ؟؟؟
يا هل ترى معقول اتعذب بالقبر ؟؟؟
يا هل ترى معقول يللي عم اعملو هلأ يكون صح ؟؟
واذا مش صح شو هو الصح ؟؟؟

ويا هل ترى في ناس عم تفكر متلي ، ولا ، لأ !!!!!!!؟؟؟؟؟؟؟؟؟؟؟؟؟؟؟؟؟
في ناس بتفكر انو رح يجي يوم وتكون تحت الارض!!!!!!! ؟؟؟؟؟؟
في ناس بتفكر انو اجل الانسان مش معتمد على العدّ!!!!!؟؟؟؟؟؟؟
في ناس بتفكر انو الموت ما بفرق بين حفيد وبين جدّ!!!؟؟؟؟؟؟؟؟؟
في ناس .....!!!!!!!!!!!؟؟؟؟؟
في ناس!!!!!!!!! ؟؟؟؟؟؟؟؟؟



x96