حكامنا عسى عيدكم سعيد ..

[عربي سعودي]

يا عيد لا عاد عيدك ياعيد
كانك ترهب كل متعافي

صدام ودع مع فرحة العيد
ضحية بوش وكلبه المالكي

الله واكبر يا اضاحي العيد
صارت أسود ورجالن سباعي

عقب ما كانت تهابه هالعبيد
غدا للمشنقة بالحبال يقادي

آآ آه يازمان كله تناكيد
هات ما عندك وشعاد باقي

صدام اللي حكم بنار وحديد
صار مصيره عند أخس عراقي

يامالكي لاتفرح وتكثر زغاريد
ترا زمانك هذا ما هو بصافي

يبي يجيك يومن ما عنه محيد
واشوفك معلقن مثل الخرافي

مصير الخونه ماهو بجديد
والقدر ياحل ماهو بخافي

حكام يعرب وشعندكم جديد
غير السكته وبلع العوافي

الذبح اصبح من وريد لوريد
وحالكم يقول اللهم عافي

هذا صدام حسين المجيد
اللي علمه على الكون ضافي

هذا صدام الجبار العنيد
عدّوه اليوم من ضمن الاضاحي

حكامنا عسى عيدكم سعيد
وكل عام بخير وعوافي


كتبه أبو يوسف 10/12/1427


منقول من الساحات السعودية