)))))))))) العين عزّتني (((((((((((

[سطام بن أحمد]

[poet font="Simplified Arabic,4,orange,bold,italic" bkcolor="transparent" bkimage="backgrounds/3.gif" border="none,4,gray" type=2 line=200% align=center use=ex length=0 char="" num="0,black" filter=""]
العين عزّتني بمليون دمعه=يوم أبتعد عن ناظري كلّ ربعي

وصدر الفضا ضايق على كلّ وسعه=ضيق ٍ على موت التباشير ينعي

و وجه القمر قفّى من الضيم لمعه=و ليلي هبوب ٍ فيه خوفي و هلعي

و أشعل بداخل جمرة القلب شمعه=و اكتب قصيد الحزن و الحبر دمعي

قلب ٍ تكفّف فيه شوفه و سمعه=و وقّف على غرمول لله يدعي

ربّي شسوّي و الزمن جار طبعه=نسّت طباعه كل فكري و طبعي

وين المراجل و المروّه و فزعه=و ناس ٍ على نخوه من الطبع ترعي

وقت ٍ تحوّل ناس تنهش بنزعه=ناس ٍ تقرّب وقت لا بان نفعي

تحصد من الواحد مجاميل زرعه=ترحل ولا بقّت سوى شوك زرعي

عمر ٍ مضى ليل ٍ سرى كلّ ربعه=كل ٍ سرى في تالي الليل يسعي

ليل ٍ رفض يصبح على يوم متعه=مالي سوى نوح ٍ تردّد بسمعي

يا ربّ ودّي موت حزني بسرعه=و يطفي صباح الخير ليلي و شمعي

و أنسى قصيد الهمّ و يْجفّ نبعه=و أكتب دواوين الفرح دون منعي

سطام بن أحمد 6 / 7 / 1424 هـ


[/poet]

[سطام بن أحمد]

اشكر كل من قرأ القصيدة

و الحمد لله رب العالمين

تحياتي العطرة

سطام بن أحمد

[همس الأحاسيس]

أخوي سطام هلا فيك وهلا بجديدك الرائع
الصورة اللي رسمتها بها القصيدة حلوه بالحيل ، وكني بها الدنيا معاك معانده

الـعـيــن عـزّتـنــي بـمـلــيــون دمــعــه
يــوم أبـتـعــد عــن نـاظــري كــلّ ربـعــي

وما كفاها العين ودموعها اللي عيّت ، فزاد

وصـدر الـفـضـا ضـايـق عـلــى كــلّ وسـعــه
ضـيـق ٍ عـلـى مـوت الـتـبـاشـيــر يـنـعــي

ويا عزتالي من الصدر إذا ضاق

و وجـه الـقـمـر قـفّـى مـن الـضـيـم لـمـعــه
و لـيـلـي هـبـوب ٍ فـيــه خـوفــي و هـلـعــي

وما كفاه الظلام فزاد عليه الخوف

تسلم أخوي على هالدرّة الجميله ، ومن جد كل بيت فيها جوهرة لوحدها
حياك أخوي مره ثانيه ويا هلا بك

بااااي

[سطام بن أحمد]

هلابك والله ريم

حياك الله و الف شكر على هذا الاطراء

و ان شاء الله القادم احلى و أجمل

و يا هلا