أنا هاهاجر ، حد عايز يهاجر معايا ؟

[الشيخ عادل]

مفيش حد عايز يهاجر


طبعاً إحنا لو كنا بمكة واشتد علينا الإيذاء والتعذيب ، وفتن وشهوات وشرب خمر وجو يشجع على المعصية بأيام الرسول عليه الصلاة والسلام كنا هانهاجر طبعاً مع اللي هاجروا ، لكن إحنا خلاص مش في الزمن ده ، يعني مش هاينفع نهاجر ولا إيه ؟ ،
أكيد هاينفع ، أكيد هاتقولوا عايزنا نسيب البلد اللي إحنا فيها ونمشي يعني علشان نهاجر ، لا ، أنا ماقلتش كده ، مينفعش أصلاً ،

الحاجة التانية إننا ببلاد مسلمة هانهاجر نروح فين ؟


قال رسول الله صلى الله عليه وسلم : لا هجرة بعد الفتح

امال إزاي نهاجر ؟

ينفع الواحد يهاجر في أي وقت ، قال رسولنا ( حبيبنا ) صلى الله عليه وسلم : (لا تنقطع الهجرة حتى تنقطع التوبة ، و لا تنقطع التوبة حتى تطلع الشمس من مغربها) رواه ابوداود و النسائي ، صحيح الإرواء ( 1208 ) .
و عن عبد الله بن عمير عن أبيه عن جده ، أنه قيل لرسول الله صلى الله عليه وسلم: ما أفضل الهجرة ؟ قال : (من هجر ما حرم الله) . مشكاه المصابيح ( 3833 ) .

و قال صلى الله عليه وسلم في حجه الوداع : (المهاجر من هجر الخطايا و الذنوب) السلسلة الصحيحة (549) .

وفي حديث جميل قوي " عبادة في الهرج كهجرة إلي الله" ،

والهرج هو الفتنة والمعاصي زي اللي إحنا عايشين فيه ده !!!

- اللي يغض نظره عن الحرام لله ويبص للحور العين ، في الوقت اللي غيره بيشوف الحرام 24 ساعة ، ده مهاجر
- اللي تلبس الحجاب والنقاب وتفتخر بيه في الوقت اللي غيرها بيتفننوا إزاي يفتنوا الناس ، واللي بيدعوها إنها تقطعه وتدوس عليه ، دي مهاجرة .

- اللي يسيب الأغاني والفيديو كليب ويسمع القرآن والدروس والأناشيد ده مهاجر
- اللي يترك سيرة الناس والكلام عنهم ويتكلم في سيرة حبيه ( الرسول عليه الصلاة والسلام ) والصحابة ، هو دا المهاجر .
-
كملوا أنتو بقى الكلام ، عايز أي حد عنده خاطرة عن السنة الهجرية ، عن الهجرة ، عن انتهاء السنة القديمة ، عن ذنب عايز يتركه ، ناوي ينضم لقوافل المهاجرين يتفضل معانا هنا ويتكلم .

وبإذن الله هاسجل هنا خواطر عن الهجرة وأنتم معايا طبعاً

وكل سنة وأنتم طيبين يااحبابى بمناسبة العام الهجري الجديد