خواطـــــر حمـــــــــــــار

a6562h · #1 20-03-2006, 11:13 PM

حمار ببقول لحمار
لو غبت عنك يا صحبى تدور عليا فين
قاله حدور عليك وسط الأسود والخيـــــــــــــــل
أو حدور عليك في قصور الخيال بالليل
ما أنا أصلى عارفك ومعلمك من الدمــــاغ للديل
قاله بتسخر منى يا صحبى يا ناكر الخير
وأنا فاكرك صديقي ومخلص وعاملك لــي دليل
طلعت خسيس وخاين وكمان عميل
و طلعت منافق ومتستهلش حتى الديل
قاله زعلت يا صحبي؟ أصل حدور عليك فين!
ما أنت تعبان ومتهان بالنهار واللـيـــــل
الحمل عليك والشقى والبرتعه للخيل
وتتعب بجد وفي الأخر لسه برضه ذليـل
حدور عليك فين وأنت طافح الكيل
وبقيت هزيل من الشقي والوعيد والويــل
قلت أدور عليك يا صحبى بين فصايل الخيل
يمكن ألقاك هناك واقف حرس بالليـــــل
لقيتك هناك متهان وشغال خدام للخيل
خدام خدام مش أخر النهار بتــــــــاخد الكيل
حتفرق إيه حدور عليك فين ولا فين
ما أنت حمار ومتعلم من الدماـــــــغ للديل
لو عشت عمرك في قفص الأسود(حمار)
ولو عشت عمرك في قصورالخيال(برضه حمار)
ولو بنيت قصر في خيالك من الذهب (حمار)
ولو سكنت عمرك في قصور الجان(برضه حمار)
متعذ بش نفسك يا صحبي و ارضى بالمقسوم
أنت حمار بدماغ كبيرة وبردعه وحدوه وذيل
وعجبي

a6562h · #2 23-03-2006, 04:54 AM

أخواني أشكر كل من قرئها وارجو أن أسمع أرائكم

*سهيل*اليماني* · #3 24-03-2006, 09:48 AM

إقتباس:

المشاركة الأصلية بواسطة a6562h

أخواني أشكر كل من قرئها وارجو أن أسمع أرائكم

جميلة الفكرة .. سياسية المعني .. لاتكون ابدا بين شخصين بهما ذرة جمع من .. دين . نصح . حب
.. لانها تسبب القنوط ....

وما اجملها تكتب في كشوف الارصدة لجميع خونة الاسلام وعملاء الاعداء الجبناء ...