مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم الثقافي > خيمة بوح الخاطر
اسم المستخدم
كلمة المرور

المشاركة في الموضوع
 
خيارات الموضوع بحث في هذا الموضوع طريقة العرض
  #1  
قديم 19-12-2006, 08:57 AM
*سهيل*اليماني* *سهيل*اليماني* غير متصل
عضو مميّز
 
تاريخ التّسجيل: Jan 2006
المشاركات: 1,467
إفتراضي قصيدة ..

عز الله انه هـال ما طـال ياسعيـد
زل الشهـر والوقـت طـوال بديـده

اللـي مـن أول للخلايـق مواسيـد
اسقـي غريـر الهـم لـو يستفيـده

قم يا رشيـد الحق واقـول يا رشيـد
الله عليـك أنـت مـن أيـا بديـده

أما البـديـده منـك عند المواعيـد
ولا همـومـك من حياتـك زهيـده

ابستفيـدك كـان جـربـت أفـيـد
تنام واسمك حـول الأسمـر رشيـده

لي قصة يشهـد بهـا راضـع الديـد
يعـدهـا غيـب السـراب الطريـده

طـويلـة عـريضـة بالتمـاجيـد
يفرح بهـا الطيـب فعـول مجيـده

طـويلـة عـريضـة بـالمنـاقيـد
يفـرح بهـا النمـام شيـن العقيـده

جـار الزمـان وعاونـوه الحواقيـد
اللـي لهـم من قبـل ذلـك حقيـده

يا رشيـد يـوم اتعبتنـي بالتناشيـد
خذلك من الدرويـش زبـدة قصيـده

واليـا ذكـرت الله وكثـرت تمجيـد
ترى محمـد صفـوة الخلـق سيـده

ترى ابرك الحزات يوم صدف عيـد
جمعة أسبوع وصادفـت يوم عيـده

أذكر لك الأجـواد صـدوا صواميـد
وانـذال لاصـدوا ولا من صميـده

واذكرلك أقشر ما على السيد والبيـد
اللي طمـع بنـت القصيـر الحديـده

فضحة قصيره عنده انه اكسـبه فيـد
سوالف بهـا للنـاس خطـو البليـده

سولف بجرح سال جرحـه تضاميـد
زود لجرح الجـرح ينـزف صديـده

من لا ستر خـلات غـرات اجاويـد
هـذاك نقـال الخبيثــات بيــده

وليا وطـاك اللـي وطانـي تراديـد
رد السـؤال ولا تحيــر بـريـده

وأنا الـذي قد مرنـي سـلك تنجيـد
خـدمـت بـه عـدة سنيـن مديـده

مرحـول هـم وكل شـي له أحيـد
أحيـد زيـن وشيـن والهـم أحيـده

اسمع صريـر القلـب بين الحواديـد
حـدنـه الضـلاع واسمـع رديـده

والله ماأهني قاضـي العمـر ترغيـد
ابـن اللئيـم اللـي حياتـه رغيـده

اهنـي الكلـب الحجـل بالمـراقيـد
وضب الخـلا لو كان ياكـل رديـده ..


بندر بن سرور .....
الرد مع إقتباس
  #2  
قديم 22-12-2006, 12:41 PM
على رسلك على رسلك غير متصل
سـحـابة ظــــل
 
تاريخ التّسجيل: Jul 2005
المشاركات: 6,053
إفتراضي

خذ اللي تطلبه ما دمت اخوي العازم الجزّام
لكن انّ شفت دمعي .. شف لنا شيٍ يسليّنا

فتى احلامٍ .. هنا .. كان يتغزّل في فتاة احلام
خطفها بين حـور البـحــر واغلاها من المينا

وجاب لها بساط الريح .. قالت للغلا قدّام
ولانحتاج يا مــخــلوق مخلوقٍ يوصّينا

انا ذاك الفتى الصبّ وهي اجزل واكرم الاكرام
من اللي مدّ عمره صدق فـ..اولـّـنا وتالينا؟

دقيقه من دقايق هـ..المكان تساوي مية عام
هنا .. ساعاتنا ما كانت تلـّـحق ثوانينا

هنا ياما تعاهدنا .. هنا ياما غدينا اخصام
هنا ياما تعاتبنا .. هنا ياما تراضينا

هنا كنـّا نصيح وتحتوي صيحاتنا الانسام
لطيفه كنـّها لا من تجادلنا تهدّينا

هنا كان الحمام يطير لكن لا وصلنا حام
يحسب انـّا من السرب وهو اللي كان ناسينا

هنا طلنا حضن نجد وهوا الطايف وتمر الشام
وجوز الهند واعذب دجله وسكر قصب سينا

ما ارقـّه من مكان .. الله يوم انـّا نجيه هيام
عطاشى جايعين وكان يطعمنا ويسقينا

نجيه بلا هدايا والخفايا حسبة الايتام
ونعود بلا خفايا والهدايا في مخابينا

ولو ينطق .. تفجّـر به نهر كلـّه ذهب وانغام
وزمّ الفل ّ والريحان والنرجس حوالينا

نحبـّه كثر ما طشنا وقسّـمنا فضاه اقسام
لاماسينا واسامينا وامانينا واغانينا

كثر ما ضمّنا وايامنا ما هي من الايــام
ودنيانا شبر في شبر تضحك بين ايادينا

على وضح النقا .. وضح النقا .. وضح النقا اللي دام
وكنّ الكون باللي فيه ما والله يعنــيــنـا

توادعنا وودعــّنا المكان وحارت الاقدام
ولا ملـّت شفاه افواهنا ترديد اسامينا

ايلين الدمع طاح وطاح معه الشال والبسـّام
يا ليتك تدري بذيك الدقايق وش حصل فينا

ورى دمعتك سالت .. وانت اخوي العازم الجزّام
انا ما قلت لك : دوّر لنا شــّيٍ يسلـّينا
__________________
الرد مع إقتباس
  #3  
قديم 22-12-2006, 03:10 PM
*سهيل*اليماني* *سهيل*اليماني* غير متصل
عضو مميّز
 
تاريخ التّسجيل: Jan 2006
المشاركات: 1,467
إفتراضي

يا وجودي كل ما هب نسناس الشمال
وجد من حده زمانه على الي ما يبيه

ويا وجودي كل ما اضحيت ثم مال الظلال
لاغفت عيني ولا ذقت شي مشتهيه

وجد من قفى وهو في رجا كلمه تعال
والتفت من عقب ما اقفى ولا احد لد فيه

وياعذابي لا دنا الليل من روس الجبال
وانقضى يوم من العمر ماعاد ارتجيه

وانتي ابعد من سمى الحلم ووصالك محال
يابعد من هل دمعي ضحى الفرقى عليه

ياغناتي لا تحسبين دمعي يوم سال
ضعف ولا خوف ولا كذا ولا كذيه

والله اني من رجال يضدون الرجال
لكن الحظ الردي ساق دمعي كلبيه

والله اني كل مادار حوليك الجدال
قمت كن الموت يشر على قبري بيديه

والله ان قد لي وانا اصد لا جالك مجال
صدت الي لا تضايق تذكر قبر اخيه

ومن سألني قلت مدري واذا عاد السؤال
قلت له تكفى سؤالك ترى ماهو وجيه

وش تبيني اقول عن من ترى ذبحي حلال
والخطاء منها علي صرت احبه واهتويه

عذرها لو ماتعذر مثل واضرب مثال
واحد ما يعرف الحر الاشقر يشتويه

وان رجعنا للتواصيف لله الكمال
لانتهى ليل المزايين جاتك تبتديه

كنها غفل مع البدو طاويها الحيال
ما يميز وصفها الا نبيه من نبيه

واهني الي وصلها وذاق من الزلال
رشفه مع غفله الناس من فيها بفيه

وعزتي للي سواتي عشق ما لا يطال
ويوم طاله ضيع الحلم بين امه وابيه

ياول احلام الطفوله على حد الخيال
الرجا باللي حمى البيت من حمله بريه

حال دونك سيف عنتر وتاسع حول حال
باثر حول حال دونك وانا ادعي هيه هيه

هيه يالي غرك الحسن واطغاك الجمال
والله ان اموت ما شفت لاوصافك شبيه

لو يسام الحسن والتيه بجنيه وريال
ما بقى في سوق غيرك ريال ولا جنيه

كيف اهدك للمقادير وانتي راس مال
راس مال ومال والمال ما يعطى السفيه

حافظك حفظي لعيني ورمشي لك جلال
وانتي تشحين بالماء وانا شفي مويه

شايف ظلمك وساكت وطال الليل طال
لاتركتي طعن قلبي وانا ما قلت ليه

لو بقى للهيل صبر على فوح الدلال
ما بقى للقلب صبر على شي يجيه

كنت احسب ان الغلا زال واثره لا يزال
في الحشى ما كنه الا دخيل في الوجيه

ساقني حبك على الموت وسنيني هزال
والظروف اقسى من الظلم للعرض النزيه

وانتي تسوقين عقلي على حد الهبال
تحسبين ان من بغى شي يقدر يشتريه

ولا انا ياوجد حالي وجود ما يقال
وجد من ضحى بغاليه لرضى والديه

ويا وجودي باول العمر قبل البس عقال
وجد من باع اخر العمر في رغبه ذويه

ويا وجودي كل ماهب صوتك من شمال
وجد من حده زمانه على الي ما يبيه




ضيدان بن قضعان
الرد مع إقتباس
  #4  
قديم 22-12-2006, 03:20 PM
على رسلك على رسلك غير متصل
سـحـابة ظــــل
 
تاريخ التّسجيل: Jul 2005
المشاركات: 6,053
إفتراضي

قصيدة الهنوف او الطموح


الهنوف اللي سرت من نجد وامست فالحويه
ضيّـقت صدر الرياض وسافر الطايف وجاها
وانثنى غيــــــــم الحجاز لخد نجد النرجسيـــه

يوم جاتـــــــه من زعلها كنها تقصر خطاها
سافرت والله ما اخبر اللي يزعلهــــــــــــا عليه

واستبــــاحت يالله الخيره سهر عيني وماها
ليتهــــــــــا يوم استباحت دمعة العين الشقيه

مااستباحت دم قلبي من خلاها في خـلاها
سامح الله ظلمهـــــــــــا وطعونها الخضر النديه

والله يسامح خناجرهـــــا ويعفو عن خطاها
عرضتني للهـبـــــــايب والظمـــا والمهمهيـــــه

واتركتني للزعل والشــــوق والكبر وغلاها
والغلا ماهو فديهـــــــــــــا ولا هو في يديــــــه

الغلا شيٍ من الله واشهد ان الله عطاها
من غلاهـــــــا لو توردني على حوض المنيه

كنها تسقيني الشهد المصفى من شفاها
ومن حلاهــــــــا ما توصفها الحروف الابجديه

كيف توصف وردةٍ يبري من العلـــــة شذاها
الورود اتغــار منهــــــــــــــــــا مزهريه مزهريه

وان تباهت عذرها معها يحق الهــا تباها
ما يشابههــــــــــــــا شبيه ولا يحاليها حليه

جلّ ربٍ يوم صورهـــــــــــا فرقها عن سواها
لا اقبلت هيجنت وان اقفت جذبت السامريه

وا عذابي لا عطتني وجههـــــــــا والا قفاها
ان بدالي وجههــــــــا يسعد صباح اليوسفيه

وان غشتني نفحةٍ من ليلها يسعد مساها
درةٍ بالموت محروســــــــــــه وبالبحر امحميه

البحر من دونهـــــا والموت الاحمر من وراها
دونها مااغليت وسم اهلي ولا شداد المطيه

مرخصٍ فالقاع عمري والثريــــــــا في سماها
لايمي يبلى بحب الحضر فعيون ابدويــه

في ظروفٍ مــا يقارن مستواهــــا بمستواها
الله اقوى يــــا فقير القلب ابو نفس غنيــــــه

مالك الا الصبر والجنــــــه لقاها من لقاها
والهوى اللي يطرح الرجــــــال فيدين اجنبيه

علـــــــــةٍ بالجوف لا تبرى ولا يلقى دواها
والهنوف اللي لرد الثار تاخذهــــــــــا الحميه

شفتها بالعين في قلبي وهي تاخذ قضاها
وشفتهــــــا تشتاق تطعني بلا ذنب وخطيه

كثر ما تشتاق لاعماقي وانا اشتاق لدفاها
كل ما عرقت بميسمهـــــــــــا تحريت لخويه

والحقت الميسم الميسم كذا .. على عماها
عاقبتني كـــل يومٍ تلحق الكيــــــــــــه بكيه

واتعبتني وادركتني والحقت نفسي مداها
وان تمادت جهزوا قبري وانا بكتب وصيـــــــه

بكتب الله لا يعاقبهــــــا ويرضى لي علاها
العمار تلفّـهــــــــــــــــــــا الايام والدنيا مديه

والسنين تلفني والنار تحرق من وطاها
علموها تلحق الباقي مدام الشمس حيه

واتّـغانم ما بقى مني ومــــا تطلب فداها
لا تمادى في جفاهــــــا والرياح الموسميه

ما تقدّر وقفـــــــــة الاشجار وتثمّـن عطاها
وعلموها ما بقى لي غير أدنّ الهاشميه

كان ترضاهــــا علي والاّ تهوّن من جفاها
وانصحوهـــــا لا تحمل نفسها نفسٍ بريه

وعلّـموهـــــــــا علّـموها لا تطوّل فالحويه
ديرةٍ ما هيب ديرتهـــــــا لواعجبها هواها

******************************
__________________
الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م