هـــــــــــــــــــــــا بغداد !!!!!

[muslimafromiraq]

ها بغداد
هذا العيد .. مشطيها الظفاير حنه حنيها
لو صبح نهار العيد .. كلها الناس
تلتف على خصرج من تحظنيها
ادري اجروح بيج وادري تتالمين
بس ضحكة جذب للناس اضحكيها
طبع الناس متعودين
مراجيح وحدايق صورتج بالعين
حلوات الصور بالج تغيريها
ضلت ساكته وماسولفت بغداد
ودمع العين ترجم سكتة البيها
مدت ايديها ورسمت صور ع الكاع
بيها اسلاك
بيهاالغام
بيها جنود
بيها بيوت هاجرها الضوه والناس
وظل بس الحزن غافي بمبانيها
وشالت عينها ..اونت حزن موال
ياصاح صمت الشهر واتنطرت عيد الي
والفرح مني ارتحل بس الحزن عيد الي
للغير صار الثمر من الغصن عود الي
مجروحه من كل كتر صار الجرح راحله
ناس الاحبهه ابعدت عني اسف راحله
لياوكت اطحن صبر جفي وادي راحلة
تعودت تدري الحزن وصار الحزن عاده الي

منقول
أختكم مسلمة

[حسبي ربي]

مشكورة اختي على الكلمات الرائعه .لمدينه حلوة
الله يرجعها مثل ماكانت وافضل

[خاتون]

اختياراتك جميلة

دمت للجمال متذوقة
ودامت بغداد متألقة

تحياتي
خاتون