خلك نايم

زهرة الربيع · #1 31-05-2003, 07:15 AM

خلك نايم بفراشك لين تشبع
تمدد وغمض عيونك وتمتع
تلفف زين وتلةى وتنطع
حط راسك على المخده ولا تتمنع
أندعس بفراشك مثل الفرخ المنقع
نام نوم الهنا غير النوم ماينفع
ماعليك من الدنيا خلها تصرقع
لاتتعب نفسك ولأحلامك أرجع
شخر بأعلى صوتك ماحد يسمع
أغطس بالنوم مثل الطفل إلي يرضع
واصا ياخوك مايصلح النوم المقطع
واصل إلى ثلاث بعد العصر أو أربع
وش عليك تغيب الشمس أو تطلع
لاحق على الدنيا لاتفزع ولاتتخرع
تمغط وتقلب واحضن المخده بلأربع
تدفى بفراشك ترى البرد برده يصقع
النوم أحسن من إلي في الشوارع يتسكع
النوم أحسن من إلي في قعدته ماينفع
النوم أحسن من إلي على العاير يتربع
لاتهتم وغيرك يسحبها ثلاثه أيام أو أربع
ماهو فايتك شي والرزق يروح ويرجع
وإذا تعبت جنوبك الظهر والبطن تفزع
مايلومك إلا حاسد النوم عنه تمنع
لايهمك تلحف وبنومتك تمتع

kimkam · #2 31-05-2003, 09:54 AM

__________________

النوم أحسن من إلي في الشوارع يتسكع

.............................النوم أحسن من إلي في قعدته ماينفع

________________

اي والله صحيح النوم احسن

يقال في المثل ( نوم الظالم عبادة )

طار النوم ياخلي وانا فرحان

...........................فرحة لقاء الاحباب بعد طول غياب

شكرا زهرة الربيع علي كلام الربيع الخصب

القوس · #3 31-05-2003, 10:23 PM

سيدي قم

....

سيدي قم ما خبرت اللي يحب يشتهي النوم

سيدي قم لاتنام وفي السما باقي نجوم

ياجريح البارحة كيف طبت اليوم

سيدي ياسيدي قم

***

سيدي الليل للعاشق نهار

قم معي نجمع نجوم الظلام

سيدي لو عرفت الانتظار

ما غفالك جفن يا عذب الكلام

آه لو تدري الهوى والسهر مقسوم

ياجريح البارحة كيف طبت اليوم

سيدي يا سيدي قم

****

سيدي لاتناظري بغضب

ودي تحس مثلي بالغرام

سيدي ماوراك الا التعب

ليت عيني مثل عينك تنام

الشاعر :بدر بن عبد المحسن

زهرة الربيع · #4 07-06-2003, 04:20 AM

مشكورين حبايبي على التواصل