اشكر الله واعبده ما عبدت الدرهمي ....

[الوافـــــي]

أخواني واخواتي

اسعد الله اوقاتكم بكل خير
قصيدة اليوم لشاعر ألتمس كلماته من بيئته
وكان بعيداً كل البعد عن التكلف
وبطلب من احد الاخوان اراد معرفة شاعر هذه القصيده
وتكملت بعض الابيات
وها أنا اطرحها اليكم والتمس العذر لأن بعض الابيات مفقوده او غير كامله
فمن يعرف الشاعر او يصحح القصيده او يكملها
فليتفضل مشكوراً...

[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

يوم أنا والريم والطير نسـرح فـي فـلاة =ابـدوي وارعـى نياقـي واتحـي لغنمـي
والسدر حول غصونه على المـاء سابحـات =والغيـوم مـروحـه والصـبـاة تنسـمـي
في الخلاء واخط بالرجل واقيـم الصـلاة=واشكر الله واعبـده مـا عبـدت الدرهمـي
ناصـبٍ بيـت الشعروالرفـاف مشرعـات =والــذلــول مـقـيــده .........
والشبوب السمر والجمـر سامـر مايبـات = والطعـام التمـر نعـم الغـذاء والمطعمـي
والرشا والدلو والبيـر مـا عنهـن غنـاة =والجمل والحرث والغرس كنـز الموسمـي
عندي المحماس والنجـر وادلالـي خـوات = وانتخي واعشي الضيـف وافخـر بكرمـي
والحفه في البرد وادرى عليه من الشمـات = واتلّمـس فاقـتـه وبجنـاحـي يحتـمـي
لو ما اجد من عشاء بيتي الا شخـب شـاة = اتنـازل عـن طعامـي وارده عـن فمـي
واتنفـث للعـدا والوحـوش الضـاريـات = اتقن التصويب واصيب ويصيـب سهمـي
وان سريت بخرمة الليل ادلّ مـن القطـاة = هنتي واعرف حصا الأرض واسما الانجمي
تـاركٍ عيشـة تـرف للبنـات المتـرفـات = أجرشن كفي وخدي مـن الشمـس سحمي
[/poet]

تحياتي

[همس الأحاسيس]

أخوي الوافي
أبيات حلوه بالحيل ، وبصراحه فيها كلمات كأنها جنوبية وعلشان كذا أنا أقول إن الشاعر من الجنوب
وأحس ن بيت أعجبني بها القصيده

في الخلاء واخط بالرجـل واقيـم الصـلاة
.........واشكر الله واعبده مـا عبـدت الدرهمـي

وأنا حطيت القصيدة بمنتدى ثاني وطلبت معرفة الشاعر وإذا عرفته كتبته لك هنا
تسلم أخوي

باااااي

[sars]

صراحة ياخوي العزيز الوافي من جمال القصيدة


ضيعت الحل


يريت تزودنا وتمتنا من قصائدك انا اموت بالقصائد التراث

يا ماحلا الفنجال مع سيحت البال

في مجلسًًًُُُُُُاً مافية نفس ظقيلة

هذا ولد عم وهذا ولد خال

وهذا عشير ماندور بديله

[الوافـــــي]

همس الأحاسيس

شكرا لكلماتك الرائعة ، ولست أعرف منطقة قائلها
وأتمنى أن تجدي لي الجواب عن صاحبها

تحياتي

[الوافـــــي]

sars

شكرا على مرورك ، وطيب ما كتبت

والأبيات التي كتبتها للشاعر الفارس ( راكان بن حثلين )

وهي كالتالي

يا ما حلا الفنجال مع سيحت البال
............ في مجلسٍ ما فيه نفس ثقيله
هذا ولد عمٍ وهذا ولد خال
............ وهذا رفيقٍ ما ندور بديله

تحياتي