مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم الترفيهي > خيمة الأصدقاء والتعارف
اسم المستخدم
كلمة المرور

المشاركة في الموضوع
 
خيارات الموضوع بحث في هذا الموضوع طريقة العرض
  #1  
قديم 30-06-2002, 02:51 AM
أبو أشواق أبو أشواق غير متصل
ابو أشـواق
 
تاريخ التّسجيل: Mar 2002
الإقامة: الســـــ الشرقية ــــعودية
المشاركات: 5,122
Talking البعير العاشق (تمثيلية)

السلام عليكم.................



حاشي مراهق قصة حلوه

يكثر في فياض الصمان الابل لكبر المساحه وحسن المرعى وكثرة الربيع

وقت الامطار(الله يجيب السيل) وايضاً وجود الدحول التي تختزن الماء

في الصيف (الدحول : جمع دحل وهي الحفر العميقة الملتوية في الأرض

وتكون في اماكن منخفضة من الأرض تنحدر السيول فيها اثناء موسم
الامطار)

من هذه الابل حاشي مراهق ممشوق القوام ابيض اللون كثيف الشعر

على الرقبة والحلق والرأس وذروة السنام يمشي متبختراً بجماله (ولا

رامي عيّاش) كل همه يتندح بين هالنياق الصغار خاصة (البكار) ويضمنها

لا هيئة ولا شرطة ، المهم مرّت الايام وهو على هالحال همه أكل وشرب وغزل في هالنياق ......


يوم جا ذاك اليوم على عادته الى هاك الناقه واردة الماء وتبي تشرب

وماقدرت قال هذي فرصتك وقم وافتح لها حنفية الوايت كلها قال:

اشربي لعن ابو الفقر لا تروحين للدحل وانا فيه على غير اهلها ماتجيب

راس مالها. شربت لين رويت ومسحت شفايفها بمنديل عشان مايتلعوط

الروج وقالت الله يعطيك الف عافيه توني زملة من نزلة هالدحل وعلي

هالخف الكعب يزلّّق...........

قال الحاشي:

على شانك تحملت الصعايب

***************** اذوق المر لأجل رضاك حالي


ابتسمت الناقه وصكّته بذيك النظره اللي بغت تجيب اجله

تنهّد وقال ..:


الله اكبر كيف يجرحن العيون

************** ** كيف مايبرى صويب العين ابد

احسب أن الرمش لا سلهم حنون

************** **واثر رمش العين ماياوي لاحد

يوم روّح لي نظر عينه بهون

************** **فزّ له قلبي وصفّق وارتعد



ضحكت الناقه ودرت انها لعبت في سستمه، قال:


آآآآآآه وانعطف هاك الشعر فوق المتون

************** **وانثنى عوده وقفى وابتعد


طال الليل على خوينا الحاشي متى يجي الصبح؟ كل شوي يطالع في

ساعته الريموندويل ماصدق اانه يسمع صوت الراعي يذّن طمر من محلّه

وراح يدور عند الشبك وهو يطقق خفوفه طبعاً ماله أصابع ويروح ويجي

لين طلع النور وجاالراعي وفتح لهم هو يقاله صغير والا الأبل مايصّك

عليها ماصدق خبر وراح عند الوايت يحتريها تشرب جا الراعي قال : خير

انشاالله وش جايبك انت وخشّتك كل ذا ضما؟؟ تلعثم الحاشي

قال : هاه لااا أبد مافيه شي بس طاح كبكي امس هنا وجيت ادوره

قال الراعي : اقول بلا استهبال كبك وانت عليك ثوب ساده يالله ظف

وجهك مع البعارين لا ألكمك....

لٌقّط وجهه خوينا وراح قال: خيره انها ماسمعت وش قال لي الراعي كان

طحت من عينها ولا عطتني وجه المهم وهو يكلم نفسه الا هذي رفيقته

تقابله يوم شهق من الفرح ( أمّا بعير يشهق كثّر منها) وقال ...

كفاني عذاب الله يجازيك بافعالك

************** **جرحت الضمير ولا طرالك تداويني


ضحكت الناقه ذيك الضحكة اللي شلعت قلبه وقالت .:


ياعل قلب ماشكا الحب والتاع

************** **تنهار من فوقه محاني ضلوعه

ياما نهيت القلب لا شك ماطاع

************** **ماطاع يدله والليالي تلوعه

أثر الموّلع دمعته تجرح القاع

************** **والى ذكر مافات هلت دموعه



الحين تاكد الحاشي انها تبادله نفس الشعورارتاح خاطره واسفهلّ

وماعاد خذته الدنيا. مرّت الايام وكبروا وكبر حبهم معهم ،يلتقون كل يوم

ويتبادلون المشاعر والاحاسيس..

وفي يوم من الايام وهم قاعدين على ذاك الطعس الا يوم مرت ذيك

الناقه العفراء طيّّر عيونه رفيقنا مشبّّه عليها مهوب قصده شي! انتبهت

له الناقه خويته وطمرت من محلها قالت خلها تنفعك الله يمّليك بركتها

انتبه خوينا انه اخطأ ولحقها وقال: وّقفي اشرح لك الموضوع التفتت عليه

وقالت:

مدام قلبي لك شفوق وميلاف

************** ** وراك ياخلي قليل المروفه

قلّي عسى مابه على الخاطر خلاف

************** **عسى حبيبي ماقصر دون شوفه

لا لا تعسر القلب في كل محراف

************** **واحذر يجي عقب الموده حسوفه

دوك الدموع بحاجرالعين وقّاف

************** ** لاانت بماسكها ولاهي ذروفه


تحسّف ابو الشباب ودرى انه غلطان وانه حسّها رد عليها وقال:



لك حق تزعل ثم لك حق نرضيك

************** **مااقوى زعل حبيب قلبي وعيني

مدام قلبي ياريش العين مغليك

************** **اطلب ولك روحي ومافي يديني

يوم الله احسن صورتك خصّني فيك

************** **فيك الجمال وصادق الحب فيني



وقفت وتبسمت وارتاح خاطرها وهو تنهد و قال: هاه طاب خاطرك ؟؟

قالت: اه ياااني لو كنت أأدر اسيبك (شويكار مهيب ناقه)

وعاشوا في سبات وتبات وخلفوا حواشي وناقات........


تحياتي للجميع و امل اهنا نالت اعجابكم............

من ايميل و صلني
__________________
الرد مع إقتباس
  #2  
قديم 30-06-2002, 03:19 AM
جاد جاد غير متصل
أبـ الخيمة ـن
 
تاريخ التّسجيل: Jan 2001
الإقامة: لبنــان
المشاركات: 6,685
إرسال رسالة عبر MSN إلى جاد
إفتراضي

سلمت يداك أخي العـــــ 2002 ــاشق
الرد مع إقتباس
  #3  
قديم 30-06-2002, 06:32 AM
alreem alreem غير متصل
Registered User
 
تاريخ التّسجيل: Mar 2002
المشاركات: 332
إفتراضي

هلا بالعاشق،،،،،،،

هههههههههههههههههههههه

حلوه هالتمثيلية، اتارى حتى البعارين تحب وتكتب شعر مو بس البشر
__________________
قد مات قوم وما ماتت فضائلهم..وعاش قوم وهم فى الناس اموات
الرد مع إقتباس
  #4  
قديم 30-06-2002, 07:10 AM
المد المد غير متصل
عضو مميّز
 
تاريخ التّسجيل: Apr 2000
المشاركات: 2,335
إفتراضي

جميلة يسلمو العاشق اثاريك منت ابصيط اه يا نمس
تسلم على المشارة والف تحية لك
__________________
الرد مع إقتباس
  #5  
قديم 30-06-2002, 07:18 AM
أبو أشواق أبو أشواق غير متصل
ابو أشـواق
 
تاريخ التّسجيل: Mar 2002
الإقامة: الســـــ الشرقية ــــعودية
المشاركات: 5,122
إفتراضي

السلام عليكم.........

و من قال سالم اخوي جاد

=============================

اختي alreem شفتي و شلون حتى هم عندهم قيس و ليلى هههه

=============================

اخوي احمد الله يعطيك العافية يالنمس انت


تشكوراااااااااااااااااتي للجميع

و اهم شي هي مرتسمة على هالوجيه

تحياتي
__________________
الرد مع إقتباس
  #6  
قديم 30-06-2002, 01:50 PM
منسق لقاءات الخيمة منسق لقاءات الخيمة غير متصل
مشرف
 
تاريخ التّسجيل: Feb 2002
المشاركات: 689
إفتراضي

الاخ العاشق 00 البعير العاشق ضابط الدور
الرد مع إقتباس
  #7  
قديم 30-06-2002, 02:22 PM
دايـم السيف.. دايـم السيف.. غير متصل
Registered User
 
تاريخ التّسجيل: Jan 2002
الإقامة: Australia
المشاركات: 1,846
إفتراضي

اسلوب راااااااااااااااااااائع للغايه وقصة جميله

طلع بعير رومانسي

يعطيك العافيه اخي العاشق
__________________
الرد مع إقتباس
  #8  
قديم 30-06-2002, 04:02 PM
اليمامة اليمامة غير متصل
ياسمينة سندباد
 
تاريخ التّسجيل: Jul 2001
الإقامة: السعودية
المشاركات: 6,889
إفتراضي



والله يالعاشق حكايات حلوة ماادري من وين تجي لك

الاولى قصة النملة ودحيم 00 وبعدها النحس ابو وجه نحس الله يبعده عنا والحين البعير العاشق
__________________
الرد مع إقتباس
  #9  
قديم 30-06-2002, 04:13 PM
أبو أشواق أبو أشواق غير متصل
ابو أشـواق
 
تاريخ التّسجيل: Mar 2002
الإقامة: الســـــ الشرقية ــــعودية
المشاركات: 5,122
إفتراضي

السلام عليكم..........

اخوي منسق لقاءات الخيمة تحياتي لك و يعطيك العافية على

المشاركة ........... و البعير على قولت ضابط الدورر صح ... و اخاف

المسكينة هالناقة بعد فترة تغني ... لعبها صح و خلاني

================================

اخي و حبيب البي دايم ....... الله يديمك متواصل معنا و انت بخير و

عافية ........ تسلم يالومانسي

================================

اختي الكريمة اليمامة ..........

اذكري ربك لا تصكيني بعين ........ و الله يستر لا تكون مثل العين اللي

صابته هالبعير و الله يبعد النحس عنا و عنكم



تشكورااااااااااااااااتي للجميع
__________________
الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م