حل الفراق

[ابو طارق]

عقب الطرب صرت اقضى الليل بالنوح**والدمع حرق محجر العين فوحه

بأمر الوحيد المعتلى منشى الروح** كل يجيه اللي كتب له بلوحه

اثرى النصيب وما كتب لي باللوح**فرقا الذي روحه لروحي نصوحه

الجادل اللي بالتواصيف مملوح**قبل أمس جاني نور عيني بروحه

يقول دربك مالنا فيه مصلوح**عطني مكاتيبي بنفس سموحه

صح الخبر ما هو هرابيد ومزوح**اثرك على غيرى تسوق الصبوحه

ولا تحسب انك يا هوى البال مسموح**خليت قلبي كل طارى يشوحه

ودنق وحلفني عن السد لابوح**واقفا كما تقفى عن الحي روحه

وسلامة القارئ