ألــــــــــــــــــــــف مبروك للعالمي وعشاق الأصفر

[كوكتيل]

النقطة السوداء في صفحة النصر السوداء هي
أنه لعب على مستوى العالم !!! ..

الله يفضحكم .. فضحتونا عند الخواجات ...
الحين يبي يحسبون أن كل الأندية السعودية خيخة مثل النصر

ورى ما تندمجون مع سدوس أو الفيحاء أو الوشم
كود يجيكم كم بطولة حتى لو كانت إقليمية


وش ذا الغبار اللي كبس على أنفاسنا يا ناس ؟
من اللي مفحط و مثور الغبار على الرياض

[HONDA999]

بومبا..الله حيه ..انا اقول انك ذكي حتى اني مسميك الذكي ..بس انت اخبرك متواضع ..وبعدين اقرأ ردي زين علشان تعرف وش جاب طاري حيكم..الا على طاري حيكم امس مريت هناك ..وتخبر النصر كالعاده طلع وانا زهقان ..قلت ياولد (أئوي ألبك مع ديو )وانا اللي اصفط الموتر عند ذيك البقاله واخذ لي ديو ..ويوم فتحته وما ادري الا اللي حولي قاموا يتبطحون على الارض وقلت عمى !! وش جاهم؟؟ واتذكر ..وقلت ما ينلامون ..وقلت يا ولد الهجه بس لا يجينا شي الله يستر..وهع

كوكو ((النقطة السوداء في صفحة النصر السوداء ))حلوه ذي ..وشلون نشوف النقطه اجل ..هع..وبعدين اي فضيحه ؟؟ ما بعد ثمانية المانيا شي..

[دبدوب]

مالكم وجه تفرحون بالتأهل اللي ما جاء الا بالطقاق بعد الفوز الصعب على الرائد واللي يزيد الطين بله دخلتوا المربع وهزمكم القادسية

على العموم مبروك التاهل والهزيمه واوعد الموسم الجاي

[الخنساوي]

8
8
8
8
8
8
8
واللي ما يطول العنب .............

أقول هوندا .... على بالهم ما أنفقعت مرارتهم يوم طلعو من الدوري

....
ولا يستهزون بالقادسية وعلى بالهم القادسية الحين فريق سهل .. ماخذ كأس أسياء ومستهزين فيه

... يابن الحلال . المشكلة أنهم يقيسون الفرق على فريق الهلال ...
" ما يحتاج أكمل "

[بومبا]

^
^
^
^
^
^
^
^
^
شباب الي يجيد لغة فرنسيه لا يبخل علينا في الترجمه

[الخنساوي]

قسم بالله يا جماعه فيه مثل وأبي أقوله لكم

" لا تدخل عصك في شي ما يخصك "

يا جماعه أنا قايل بومبا ولا هوندا
.......
...
الظاهر يا بومبا تحسب كل ما يقال في الدنيا تحسبه لك ...
.. هذي الحاله تسمى .. سيكولوجية النقوص في علم النفس
.. وأظن أن هالحلة تنطبق عليك
......

وللمعلومية .. تراني أعرف واحد في كلية اللغات والترجمة
لغة فرنسية ... يترجم لك هالكلام ...

وقبل الختام .. أنا على الاقل أتكلم لغتين عربية وفرنسية
... لكن غيري .. ما يفهم الموضوع بكبرة ..
زي بعض الناس نقول مبروك التأهل للنصراويين
ويقول كل هذا علشان فزتو على الرائد وأمحق من طموح ...
والله اذا كان دخول المربع مهوب طموح أجل وش الطموح ..

[الفجر السعيد]

ياجماعةالخير ماتشوفون نادي النصر اسم علي غير مسمي فريق كله هزايم ومابوه نجوم فريق الفلس اي والله اني صادق وأدي دئقني اعملو بيها زي منتو عاوزين ان شافو حتة كاس في العشرسنيين الجايه,يابابا ماغيره اللي يجيب الكؤوس والبطولات هلال النجوم والامجاد بس اه ياالقهر ماله حظ هالسنة والله ماله طعم المربع بدون الزعيم.

[المتيم المجهول]

هلال النجوم والامجاد بس اه ياالقهر ماله حظ هالسنة والله ماله طعم المربع بدون الزعيم.

أحسن مربع صار بهاذي السنة ... بدون غش او تحيز في التحكيم .. إثارة ومتعة ... ياريت كل السنوات على هذا المنوال

[HONDA999]

هاي شله يازينكم اذا قمتم تتناقرون في موضوعي ..تصدقون اني اضحك ..لان فيه نقرة تجيني منا والنقره الثانيه من هناك ..حشى صرتم ديوك ..المهم خلوني ارد عليكم واحد واحد بما أن ذا الموضوع موضوعي ..

دبدوب..خش في عيني ازين ياحبيبي اذا صارت مشاركاتك 100 تعال كلمني ..بعدين شكلك يوزر ثاني لواحد في بالي بعدين ليش ما نفرح بالرابع ترى لهم مكافأة تنفع النادي علشان يسددون فاتورة التلفون

الخنساوي..ايه عليك بهم

بومبا ..الملقب بالذكي ..انت هالحين اكتب عربي زين علشان تبغى ترجمه كلام فرنسي..اجل كاتب ((الي)) تراها تكتب كذا((اللي)) وهع

الخنساوي ..ايه عليك به ..هع ..وابي اطلب منك طلب ..ابغى تحلل شخصيته لأني عجزت افهمه ..وبعدين وشلون ما تبيه يرد عليك وانت راد عليه (دبدوب)

الفجر السعيد.. انت هالحين حدد هويتك ..قصيمي والا مصري؟؟ كلامك مخلوط ..الا فجر السعيد وش تقرب لك ؟؟ و ما ادري هالسنه كاتبه مسلسل والا لا؟

المتيم المجهول.. من ناحية هالسنه صراحة المربع ما له داعي ..صراحة مشتاقين للأفلام الهنديه ..اجل لاعب يطلع الكورة بيده من الباب ..هع