بعد الاتكال على الله .. قررت ترشيح نفسي

[افراح]

بعد ان تنازلت وتعطفت فاني اعلن للجميع اني قررت ترشيح نفسي اميرة للعرب
وفي حال انتخابي وفوزي فاني سأقوم بمايلي :

1 - زيادة الاغاني الوطنية لتحرير فلسطين
2 - زيادة الاستنكار والشجب لما يتعرض له اخوانا في فلسطين لان الصراحه الاستنكار خفيف هاليومين
مو عاجبني
3 - زيادة مساحات الشعر والغناء والطرب في الاذاعات والتلفزيونات عشان تستانسون وتنسون شنو صاير
في عالمكم العربي ولا تخافون انا صاحيه وراح اتصرف
4 - راح اطلع لكم كل يوم بالتلفزيون واصرح لكم بان اسرائيل راح نرميها بالبحر وراح اعلق اصوري في
كل مكان عشان اتشوفوني وانا اضحك وانا اسلم على الناس
5 - تشجيع الشباب على كرة القدم والسباحه وكل الرياضة عشان نفتك منهم وينسون اشويه فلسطين

بس هذا اللي راح اسويه بس يمكن بعد عشان اطمنكم يمكن اسوي محكمة امن ثورة بس لا تخافون هذه حق
اللي مو عاجبهم انتخابي .. وترا مو مهم تنتخوبني كلكم كافي خمسين واحد وراح نقول في الاذاعه ان
الانتخاب تم بنسبة 100%
المهم
خلهم ينتخبوني واتمركز عدل بعدين شوف شسوي فيهم
طبعا كله عداله
ظلم ماعندي .. صج محاكم عسكريه .. وصج سجن بدون تحقيق ولا شي .
وصج مداهمات واعتقالات وطق .. وصج تدهور في الاقتصاد وصج سرقه عيني عينك
بس عداله
مافيه ظلم
لان انا بعد ابي اصرف على الصحافيين عشان يطبلون لي وبصرف على المغنين عشان يغنون ويمجدون
باسمي .. بعدين بصرف على قصوري وبمخابيء السرية
يعني هذا كله فلوس
واذا ماكو فلوس خلصت ناخذ من معاشات المواطنين
انا ماعندي ظلم .. كله عداله