مرت سنه ...

[عسى&ى&ى ماشر]

السلام عليكم ورحمة الله وبركاته

ومساكم الله بكل خير

مرت سنه ما اصدق

ما صدقت لين شفت مذكره التقويم

تذكرني تقول مرت سنه

مرت سنه على اخر قصيده كتبتها

ومرت سنه عليه

مرت سنه من تفرقت بنا الطرق

مرت سنه يمكن عليه بس انا مرت ثواني

لاني من شوي افكر فيه

مرت سنه من يصدق؟؟

بس بعد السنه وش صار فيه

يمكن نساني ويمكن نسى كل اللي صار

يمكن ويمكن بس من هو اللي يدري؟

يوووووووووووه ما اصدق مرت سنه؟؟

اخواني اول قصيده اكتبها من تاريخ 16\8\1422

اتمنى الا تخيب امالكم فيني اذا كان هنالك امال

بس جت المناسبه وكان لازم اكتب وكتبت المقدمه بعد ما كتبت القصيده

لم اراجعها ولن اراجعها ولن اكملها

هذا ما استطعت كتابته فاعذروني جميعا




هلا بك كثر ما غبتي هلابك والعقول صحاح
..................................هلابك كثر شوقي لك وكثر الشوق باضلاعي
هلا بك فكره ورسمه هلابك والعيون رماح
..................................هلابك وانثر دموعي لعلك تفهم اوجاعي
هلا يا جعل سعدي لك هلا بك والقلوب ضواح
...................................هلابك والزمن واقف وقنديل الدهر صاحي
هلابك نشوة الدنيا هلا بك بهجة الافراح
...................................هلا بك نسمة(ن) عذبه تهيج وتنفض شراعي
هلا بك يا بعد باكر هلا بك نجمة السواح
...................................هلا بك والفرح فرحي ولكن ضاع باوجاعي
هلابك طيف ينشدني هلابك مشرط الجراح
...................................هلا بك بعد ما مرت سنه من وقتنا ضاعي
هلابك في مخيلتي هلا بك برق ولا رياح
...................................هلابك كان تسمعني تراها اشتاقت اضلاعي
هلابك كان تذكرني هلابك نور في مصباح
...................................هلا بك يا بعد كلي رضاك امر ونا انصاعي
هلابك لا نسيتيني هلابك طلة الاصباح
...................................هلا بك مستحيل انساك سنه وسنين وارباعي

وسلامتكم

سلام

اعتذر منكم مره اخرى