منوعات....

[hottrigger]

قصيدة من بريدى عبارة عن مجموعة من النصائح والنقد للفتاة الجامعية المعاصرة -طبعا ليس كلهن وانا اعرف الكثيرات منهن يتمتعن بخلق عال وأدب جم-

وضعتها هنا لتمتعها بجانب النصح والنقد بشئ من الطرافة

والقصيدة بعنوان "ودنك لحظة" وفيها يقول صاحبها...

ودنك لحظه يابنت الجامعه بس ياريتك صاحيه وسامعه
هى نصيحه وقلبى عليكى عايزك تبقى النور والشمعه
خارجه الصبح ولابسه الموضه عامله ف نفسك أجمل زينه
رايحه تتمى هناك تعليمك ولا حاتقفى فى الفترينه ؟
ليه بتزيدى النار الوالعه بس ياريتك صاحيه وسامعه
************
لابسه ملابس عيب أوصفها عيب أتكلم كلمة عليها
حاجه بتكشف مش بتغطى والطلاب زغللتى عنيها
والاصباغ على وشك فاقعه بس ياريتك صاحيه وسامعه
************
عامله زى بتوع السيما هم المثل الأعلى بتوعك
والتيار لو يعصف بيكى مش حاتفيد يابنتى دموعك
ولاحتطفى نارك دمعه بس ياريتك صاحيه وسامعه
************
هو العلم مالهش قداسه ولا الجامعه دى أرض ملاهى
ولا تهتمى بحد يقولك أى أوامر ولا نواهي
هايفه وكل أمورك مايعه بس ياريتك صاحيه وسامعه
***********
قلنا كبرتى ورحتى الجامعه يبقى ده فهمك للحرية ؟
تبنى ازاى مستقبل بلدك وإنتى هشه ومش مبنية
نازالة بتهوي بغايه السرعة بس ياريتك صاحيه وسامعه
*********
اللى بيشغل بالك موضه طالعه جديده بتجرى وراها
ولا روايه تشد عواطفك تقضى الليل سهرانه معاها
بين ده وبين ده حياتك ضايعه بس ياريتك صاحيه وسامعه
*********
عايزك تبقى النور الهادى اللى بينبع من إسلامنا
عايزك تبقى الشمعه القايده اللى تنور كل حياتنا
عايزك تبنى الاسره النافعه بس ياريتك صاحيه وسامعه
*********
عايزك تبقى الأم الواعيه اللى تحافظ على أولادها
تغرس فيهم كل فضيلة وتقدمهم يحموا بلادها
غرسك وانتى حاتجنى الزرعه بس ياريتك صاحيه وسامعه
*********
عايز يبقى جمالك جوه نفسك - روحك هم الأولى
أبيض وأحمر ولا باروكه كل ده ايه حايفيد الدوله
روحك هى الشمس الساطعه بس ياريتك صاحيه وسامعه
********
فوقى لنفسك عودى لدينك هوه الحصن اللى حايحميكى
خلى العلم يابنتى عباده تلقى قوام ربنا يهديكى
علمك يبقى سلاح مش صنعه بس ياريتك صاحيه وسامعه
********
هى نصيحه وقلبى عليكى عايزك تبقى النور والشمعه
**********