من وحى الأمثــــــــــــــــال

[المبتسم]

[poet font="Simplified Arabic,5,green,bold,italic" bkcolor="skyblue" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
0000000
قالوا زمان فى المثل
كلام زى العسل
كله حكم ومعانى
لكن مين امتثل
00000
قالوا عيش فى العز يوم
ولا تعيش فى الذل سنين
وياحامل هم الناس
خليّت همّك لمين
0000
وقول قولة الحق
ولو تبقى وراها سجين
وابعد عن الباطل
ولو كان وراه ملايين
00000
واحذر دايما عدوك
حتى لو صار مسكين
ده ياما براكين خمدت
وقامت من بعد سنين
00000
ونصيحة منى انا
تنفع فى كل زمان
عزاك من بعد سنة
يجدد الأحزان
000000
ولا تنكر ابداً جميل
اللى عليك خيره
تاخد منه ماتطلب
وتروح تشكر غيره
000000
ولا تصاحب ابداً ندل
وابعد لو قرّب ليك
وامشى طريقك عِدل
يحتار عدوك فيك
00000
وخليك دايما حريص
فى ذهابك وقدومك
وان كلت رمان افرد حجرك
وان كلت بطيخ لم هدومك
00000
ولا تقول فى يوم انا
وتنسى اللى كان ورا
ده لو نسيت اللى فات
هات الدفاتر تنقرا
00000
وان عضّك فى يوم كلب
قول مليش ناب أعضه
وان سبك فى يوم ندل
قول مليش لسان أسبّه
00000
ولو يوم صادفت حرامى
بلّغ بيه المسئول
ده الحرامى له مبدأ
ياقاتل يامقتول
0000
وخلّيك صادق دايما
ولو كان الكذب حُجة
لأنه فى النهاية
الصدق حيكون أنجى
0000
وماتمسكش ايدك قوى
وبلاش من التبذير
وان كنت ع البير فى يوم
الصرف بالتدبير
0000
وخليك دايما حذر
من الحريم قبل الرجال
ده كيد النسا دايما
غالب كيد الرجال
00000
الست لو تختار
هتقول والله ياخويا
انا اختار نار جوزى
ولا اختار جنة ابويا
00000
وما يصدر ابدا بُكا
الا من شخص حزين
وجايز فى يوم اشتكى
ولا حد قال له انت مين
00000
يافرحة الباطل بالمال السايب
يكوش عليه كأنه ورثه
والغايب ملوش نايب
والنعسان يغطيله وشه
00000
كلمة قالها حكيم
لو ان المتعوس اشتهى
وجاله يوم ينول
حيكون عمره انتهى
00000
يوم وزّعوا العقول
كل واحد عقله عَجبه
ويوم وزعوا الأرزاق
كل واحد قَل أدبه
0000
ادينى قيراط فى اللحمة
ولا فدان فى ام الكروش
ده بكره القيراط يكبر
وابوفدان يطلع فشوش
0000
سبحانك يارب سبحان من نجانا
دالقدرة ماكان فيها ولا بادنجانة
العسر اصبح يسر
وصارت القدرة مليانة
00000
[/poet]