بجانب الاحاديث والنصائح الدينية والقيمة..ايضا في رمضان رح نكون جوعانين..

[الشــــامخه]

عزيزتي اوراق الله يعطيك العافيه على طريقة الكبسة اللذيذه والرائعه
ولكِ طريقة الكبسة النجدية ..
فهذي هي طريقتي اللي غالباً ماأسويها..


أولا اسلقي اللحم مع البهارات والبصل ضيفي البهارات بدون طحن
[ هيل, قرفة (دراسين) , فلفل أسود, مسمار(قرنفل) ] ....
وإذا عندك ورق غار حطيه يعطي طعم ممتاز وبعد اذا في كزبرة ناشفة
الغير مطحونة جداً ممتازة ..
و لا تحطين ملح إلا في آخر ربع ساعة ..... مدة سلق اللحم ساعة ونص ...
في هالأثناء خذي مقدار الرز واغسليه ونقعيه شوي ...

وفيما اللحم قاعد ينطبخ ..... سوي لك هالخلطة ..
بصل شرايح ... قولي نص بصلة
حبحر حار(فلفل اخضر حار)
نص طماطة : تقطعينها شرايح طولية
شوي ثوم مهروس

وإذا استوى اللحم صفيي مرقة اللحم و حطي عليها الرز ...
(مقابل كل كاس رز كاس ونص ماء)


المهم احمسي البصل في شوي زيت واذا ذبل حطي الثوم وحطي عليه الفلفل
وبعدين حطي الطماط والبهارات المطحونة ولومي (ليمون اسود ناشف) وقرفة وفلفل أسود
وشوي ملح وشوي صلصة طماط والزعفران رهيــــــب مره اذا وجد
واخلطيهم مع اللحم وخليه على نار هادية الى وقت التقديم
وقبل ماتقدمينه اخلطيه مرة ثانية وحطيه على الرز .... من جد لذيذة

سامحيني للاني اكتبها على عجل ،،